يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

٢٣

دخلت البيت تعبانه تحس من يومين تحس بدوخة وغثيان وما اهتمت واجد لانه مركزه على شغلها واليوم وقفت بطلب من ابوها واخذ المشروع منها يسلمه لاحد ثاني يكمله ،رمت شنطتها على الكنبه وجلست ترمي نفسها بعد ما نزلت عبايتها وطرحتها تحس بأرهاقها وما تبي شي الحين غير السرير وتنام ،قامت تصعد لفوق تعرف ان نهار مو موجود وهو حاليا بالكفي حقه ،فتحت الغرفه تدخل وابتسمت من حست ببرودة الغرفه تتجه لتسريحتها تأخذ مزيل المكياج تمسح مكياجها عقب الدوام وبعد ما خلصت اتجهت للحمام"اكرمكم الله "تبدل وتلبس بجامتها وطلعت بعد ما خلصت تتجه للسرير تتمدد عليه وتغمض عيونها تستعد تدخل بنومتها وفزت توقف على دخول نهار الي ما انتبهت عليه وركضت للحمام تستفرغ"اكرمكم الله "فتحت الموية تغسل وجهها ومسكت راسها تسمع صوته من ورا الباب:مزون ،مزون فيك شي ؟،تحتاجين شي؟
تنهدت تحس بالتعب بكل جسمها وفتحت الباب تطلع له بعد ما غسلت وجهها يقرب هو يمسك وجهها بكفينه يتفحصها:فيك شي ابوي انتي؟،تعبانه أوديك المستشفى
هزت راسها :ارهاق خفيف من الشغل اكيد
ناظرها مره اخرى بتفحص مو عاجبه وضعها الي صاير من كم يوم  رفع يده يحاوط اكتافها يمشيها مع للسرير ويجلسها يخليها تتمدد عليه :خلينا نروح المستشفى نتطمن،وضعك مو عاجبني مزون
رفعت يدها لراسها تغمض عيونها :نهار مافيني شي كله ارهاق لاني ما أخذت كفايتي من النوم بس
جلس بجانبها تحط راسها على صدره ورفع يده ينزل كابه :عطاك عمي اجازة؟
هزت راسها بدون كلام ومسح على راسها وينحني يقبل راسها :اذا صحيتي وما عجبني وضعك ترا بوديك للمستشفى وما ابغى اسمعك ترفضين
ابتسمت تغمض عيونها تهمس من سكر الاضاءه:احـبـك نهار
ابتسم لانها ما سوت فيه خير باعترافها له الحين وهي بحضنه لعبت فيه انحنى يقبل ثغرها لثواني يرد بعد ما زعزعت ذاته و بادلته بالشعور والمشاعر بهالمشهد يشاركها الاحاسيس،ابعد عنها يتمدد وهي بحضنه تدخل بنومتها وعالم احلامها ..
،
المغرب ٧:١٣
ابتسم وهو يعدل ياقة ثوبه يلتفت على امه الي جات تبخره وهي تبتسم :عقبال ما تعقل ونزوجك ان شاءالله نفرح فيك
ابتسم يفتح شماغه يتبخر :امين،بس تراني عاقل انا اعقل عيالك يالشيخه
ضحكت بسخريه تهز راسها :ايه ماشاءالله عليك
اتسع مبسمها تشوف زوجها داخل تنطق :تعال تبخر بو ثابت
ابتسم أوس وهو يناظرهم بتأمل :عريس عريس بوثابت ،ما ودك ندور لك عروس ثانيه
ناظرت ولدها بحده وغيره على زوجها وابتسم عبدالرحمن الي يتبخر وبعد ما خلص باس راسها :انا عندي وحده تسوى كل الحريم مايجون ربعها
مدت المبخره يمسكها أوس الي ضحك من خجلت تغطي وجهها بكلتا يديها وقرب يحضنها :ما تفقنا كذا ابوي نخجل شيخه الشيخات
عبدالرحمن:تستاهل كل المدح امك هي عامود البيت وساسه
ابتسم ثابت الي جاء من خلفهم :ماشاءالله إش الاجواء الرومنسية هاذي
ناظرتهم حور الي داخله وهي ماسه يد اديب الي يمشي :عصافير الحب خالي وخالتي !
ثريا:خلاص عاد تراني بختفي ولا عاد بتلاقوني ،وفرو مدحكم للعروسه الي فوق
شهقت حور تتذكر هديل:نسيتها ،ياويلي بتفصل علي الحين
ثابت ناظرها من مشت مسرعة بعد ما خلت اديب ينطق :بشويش لا تطيحين
حور:انتبه لبوبي لا يخرب شي تمام
ضحك يهز راسه :وانتي انتبهي على روحك لا تطيحين
مشى يجلس بجانب ابوه من ما سمع ردها ونطق :وين نهار اجل؟ما وصل للحين؟
رفع اكتافه اوس ونطق عبدالرحمن:العصر كلمني يقول انه عنده كم شغله يخلصها وبيجي
هز راسه بزين ولف على امه الي نطقت :ثابت امي بخر مجلس الرجال نسيت اقول لهم يبخرونه
ابتسم يقوم ياخذ المبخره الي حطو فيها الفحم من العاملة ويخرج للمجلس ، لفت ثريا على اوس الي جالس وبحضنه اديب يتصور معه ونطقت :ارحم الولد شوي ليه فاغصه كذا
اخذ نفس وهو يرص على اسنانه يقبص خدود اديب الي بدا يصيح من الخوف:ما اتحمل انا ما اتحملل
تقدمت تاخذه منه وتجلس وهو بحضنها :يا ويلك من ربك يا أوس شوف شسويت فيه بيبداء يخاف منك
عبدالرحمن:أزين خليه يتأدب
ضحك من ضحك لهم اديب ينطق :ابوي معليش بس ما يتقاوم حفيدكم
هز راسه عبدالرحمن ورفع يده يشوف الساعة ونطق :ما عزمتي ام تميم؟
ناظرته ثريا:عزمتهم بس ما عطتني رد اكيد ،بعدين قلت لها انه بتكون خطبه وملكة بنفس الوقت وانه بين الاهل
اوس:الحين ليه حطيتوها جميع؟
ثريا:عاد هاذا طلب اختك وابوك وافق ما نقدر نقول لا
اوس:لا يعني ما شافته ولا امدانا نسال عنه مع اني اعرفه و رجال والنعم فيه بس يعني اختنا الوحيده!
عبدالرحمن:هذاك قلته الولد رجال ونعم فيه وفي ابوه وعارفينهم
من قبل واختك تبيه و موافقه عليه ما بقول لها لا ولا تحسبني ما سألت زود ،لا سالت وماطلع وراه الا كل علم غانم ولا كان ما وفقت انا على طلب اختك
ابتسم براحه ينطق :ما تقصر يا ابو أوس
ابتسمت ثريا تناظر لاديب الي يلعب ورفعت راسها من سمعت صوت الجرس يقوم أوس يفتح..
بالأعلى
جلست تناظر شكلها وتستوعب نفسها وايش الي بيصير بعد ساعات قليله خلصت شعرها والحين الميكب ارتست تحط لها ميكب تنهدت بتوتر تناظر جوالها وناظرت الميكب ارتست الي نطقت :تبغين رموش؟
هزت راسها بلا ونطقت:ماسكرا بس لو سمحتي
اخذت جوالها تشوف رسائل صحباتها الي مشغلين القروب كله عنها وعن حفلتها وعقد قرانها الليله ابتسمت تشوف التباريك الي من الان من خالاتها وبناتهم وصحباتها ،سكرته تخلي الميكب ارتست تخلص شغلها وبعد ما خلصت نطقت تتشكرها :مشكورة حياتي تسلم يدك
ابتسمت :العفو ،كذا تمام؟
هديل هزت راسها:تمام ،تمام
وقفت هديل تشوف دخول حور الي حطت يدها على فمها مبهوره وابتسمت هي تنطق :حلو؟
هزت راسها حور تتقدم تحضنها:ما اصدق هدوله متى كبرتي
ضحكت هديل ولفت للميكب ارتست الي لمت اغراضها بتطلع ومشت معها هديل تشكرها وبعد ما دفعت لها حقها ورجعت هديل لحور الي تناظر فستانها تنطق :لا لا،اذا شافك اخو المزن بيذوب
غطت وجهها هديل من حست وجهها يحترق من الخجل وتقدمت تحضنها حور الي مسحت دموعها تهز راسها مو مستوعبة ومشت تجلس بعد ما ابتعدت عنها :ما اقدر هرموناتي ملخبطه ما اقدر
ضحكت هديل تناظرها:لايكون حامل حور
ابتسمت حور وشهقت هديل تحضنها فرحانه لها التفتو على دخول ثريا المبتسمه:خلصت عروستنا؟
وقفت هديل تشوف امها ونطقت:شرايك؟؟
تقدمت ثريا وهي تسمي عليها:قمر قمر بسم الله عليك
لفت على حور تنطق بتسأول:اهلك ما بيجون حور؟
رفعت اكتافها حور :ماعرف خالتي امي ما قالت لي شي
ناظرتها هديل وهمست:ان شاءالله يعدي اليوم على خير
ابتسمت ثريا وهي تهمس ببعض الدعوات تحصن بنتها:استودعتك الله يا عيوني،حصني نفسك زين يا امي تمام
هزت راسها هديل ولفت ثريا بتطلع:بروح البس تراهم على وصول واخوك نهار للحين ما وصل
هديل:مشغول اكيد بيلحقون قبل
ثريا تنهدت:ان شاءالله
خرجت ثريا تسكر الباب خلفها وتقدمت هديل تاخذ فستانها وتدخل غرفة الملابس تلبسه وابتسمت تشوف شكلها بالمرايا كان
لونه اخضر فاتح طويل ماسك عليها و بدون اكمام مطرز بكريستال ومع شال طويل دخلته بين ذراعينها يصير خلف ظهرها وتركت شعرها على راحته وانحنت تاخذ كعبها تلبسه واخذت نفس عميق تناظر شكلها ومشت تطلع ..
قبل دقايق
وقفو عند الباب وناظرت البوابه الي انفتحت ودخلو من عندها يوقف سيارته وابتسم يلف عليها :شكله ما وصل احد ،الحمدلله لحقنا
المزن:امي تقول انهم على وصول
ابتسم يسحب يدها يرفعها لفمه يبوسها :ننزل؟
هزت راسها ونزل هو قبلها يتجه لبابها يفتحه وياخذ باقه الورد الي جابتها لهديل ابتسمت من مسك كفها بايده الثانية ومشى معها وابتسم ينطق :تميم موجود
لفت من اشر على سيارته واحتضنت ذراعه ينطق :اسمعيني
همهمت له ترفع عيونها وتسمعه من كمل:اذا حسيتي بتعب او صداع او اي شي كلميني ولا روحي غرفتي فوق وارتاحي تمام
هزت راسها:تمام
ناظرها بتأكيد:توعديني؟
ابتسمت تبوس فكه:وعد
زفر يبتسم:كذا حلوين ،بسم الله ندخل
مشت معه وفتح الباب يدخل ونطق بصوت عالي يسلم:السلام عليكم
وقف عبدالرحمن يرد السلام ووقفو معه عياله وتميمزالي كان معهم بالجلسة وتقدم يسلم على ابوه الي جاء له من شاف المزن معه وابتسم يبوس راس ابوه:شلونك ابوي
ابتسم عبدالرحمن يهز راسه:بخير ،وخر خلني اسلم على بنتي
ابتسمت بخجل تشوف نظرات نهار المصدوم وتقدمت هي تمد يدها تصافحه تسلم عليه وترفع نفسها تبوس راسه وهي تنطق:شلونك عمي عساك بخير ؟
ابتسم عبدالرحمن يطبطب على كفها:بخير يا بنتي،انتي شلونك عساء امورك كلها تمام وما اذاك الخفيف ذا
ابتسمت تناظر نهار المبتسم ومصدوم بنفس الوقت من حركة ابوه ورجعت نظراتها لعمها تهز راسها:انا بخير الحمدلله والحمدلله نهار مو مقصر معي بشي
ناظر ولده يتطمن :الحمدلله
مشى يسلم على اخوانه وهو يسمع ابوه يسولف على المزن ووقف بعد ما خلص يهمس:والله وطيرني ابوي ولحقتك يا ثابت
ضحك ثابت على نهار ونطق :شلونك يا ام غروب عساك بخير
ابتسمت ترد عليه ونطق اوس :اذا نسيتينا ترا انا الصغير اوس وهاذا الي جنبي العود ثابت والي بجانب زوجك تميم ولد العم
ناظره عبدالرحمن ينطق بحده :احد كلمك انت؟
اوس :لا بس..
سكت من طلبه عبدالرحمن يسكت ولفو على نزول ثريا الي ترحب بالمزن وتهلي بها وتقدمت لها المزن تسلم عليها واخذتها ثريا بالأحضان وهز راسه نهار ينطق :صح تستاهل بس غش ما قامو يرحبون فيني زي اول
طبطب على كتفه تميم واخذ اغراضه ومشى يطلع يطلعون من خلفه العيال ويبقون نهار مع ابوه ،ابتسمت ثريا تناظر المزن:طولتو عننا هالمره،والله اني اشتقت لكم،ماشاءالله شهالزين
المزن حست وجهها يحترق من الخجل ،هي بطبعها خجوله وخجلت زود من رحبو فيها ثريا وعبدالرحمن زي هالترحيب والحفاوه ،نطقت بخجل:الزين زينك خالتي
ابتسمت بخجل ثريا تحس بنظرات عبدالرحمن ونهار لها وتقدم نهار يسلم على امهالي حضنته وسألت عن حاله :الحمدلله امورنا طيبه ،انتي ما قلتي لي وش هالجمال اليوم يعني ثنتينكم بتموتوني بجمالكم
نزلت راسها هي يزود خجلها وضحكت ثريا من قبلها:هو شفيكم اليوم؟وفرو مدحكم للعروسه وانت وفرها لزوجتك
ناظر المزن الي تقدمت له من اشر لها وحط يده خلف ظهرها ونطقت هي :تستاهلين كل المدح
هزت راسها ثريا ونطق عبدالرحمن:امش نهار نوقف باستقبال الرجال امش
نهار:ابشر
مشى يطلع بعد ما وصاها واستودعها الله،مشى بجانب ابوه الي بشته بيده وكلهم بيدهم بشت مشى يشوف بوابة قصرهم الكبير انفتحت ودخلو السيارات تعلن عن وصول آل فهد رجالهم وحريمهم،وقف عبدالرحمن بجانبه نهار وطلعو العيال من المجلس يوقفون مع ابوهم مع حضور عيال خوالهم وخالاتهم يرحبون فيهم ،نطق عبدالرحمن بصوت عالي:ارحبو ،حي الله نسايبنا يالله تحييهم
ابتسم سيف الي تقدم يشد بسلامه على عبدالرحمن الي لازال يرحب ويهلي فيهم ..
بالأعلى
فتحت الباب تطلع لهم وهي مبتسمه وترتب فستانها وناظرتهم ساكتين تنطق:امانه حلو ولا اغيره؟
تقدمت المزن الي دخلت قبل ثواني على خروج هديل :تستهبلين هديل ،تموتين انتي ماشاءالله انيقق بشكل..
قامت حور وهي تهز راسها وعيونها تلمع :ماشاءالله عيني عليك بارده
ابتسمت تناظر شكلها بالمرايا ولفت للمزن:راي اخت المعرس !
ناظرتهم رند وضحكت بسخرية:ما تحتاجين راي احد حليوه
هديل توترت من سمعت الاصوات والتراحيب ولفت عليهم كفوفها ترجف:بنات شسوي
ضحكت المزن تتقدم لها وتمسك كفوفها تجلسها على الكرسي ونطقت حور وهي تناظر المزن وتبتسم:ما تسوين شي بتجلسين هنا لين اتصل عليك وتنزلين
المزن :خففي توتر لانه ما بيفيدك صدقيني
حور :صح
هديل سكتت تسمعهم وهي حرفياً بدال لا تخفف توترها زاد عليها ،هو مجرد ما يمر على بالها تتوتر غصب عنها رفعت راسها على الشباك تشوف وقوف رند وقامت وهي ماسكه جوالها تتجه لناحيه الشباك وتناظر كثرتهم وشهقت تغطي فمها :مزون متى كثرو اهلك كذا
ضحكت المزن تلحظ توترها وتقدمت تشوفهم وكضنت اكتاف هديل:اول مره تشوفينهم كذا ؟ما لاحظتي بزواجنا انا ونهار
هزت راسها هديل بالنفي ونطقت رند:وش تبي فيهم تشوفهم وع
سكتت عنها المزن تسوي نفسها ما سمعت وناظرت هديل:انا بنزل بكون مع خالتي اذا احتجتي شي دقي علي تمام
هزت راسها هديل وناظرت رند بحده من خرجت المزن تسكر الباب خلفها وتقدمت حور تمسك اختها من يدها:ترا عيب الي تسوينه هاذا ،صدق ما تستحين انتي
رند:ترا انا اختك مو هي
نطقت هديل بغضب:رند مو شرط تكون اختها علشان تدافع عنها بعدين تراك تماديتي ولو يوصل الموضوع لابوي والله ما يخليك تعتبين باب بيته وانتي تعرفين ابوي
حور :خلي الغيرة عنك و الولد راح خلاص وتزوج وانتي للحين تفكرين فيه خلاااص
ماردت علبهم تجلس وهي تحس قهرها زاد وكرهها لها زاد وودها تبعدها باي طريقه ،ناظرتها حور بقلة حيله تعبت وهي تعيد وتزيد وتحاول تفهمها انه خلاص نهار تزوج واختار شريكه حياته وهي لا تسمع ولا ترا تعبو منها هي وتميم ومن تصرفاتها الي زادت عن حدها ،مشت تخرج وقبلها قومتها معاها تطلع معاها وينزلون تحت يستقبلون الضيوف مع ثريا ،كانت واقفه تسلم عليهم تسلم على بنات خالات نهار وخالاته الي يباركون لها وانها ما اخذت الا اطيب عيال عبدالرحمن وتشوف كيف حبهم لحور والحين وقت سلامهم تشوف حبهم وترحيبهم لها ودخولها عايلتهم ،وقفت تاخذ نفس من خلصو سلام وابتسمت حور تهمس لها:ما بتحصلين احد يحبونك ويرحبون فيك زي اهل خالتي يهبلونن
المزن :مرره احسهم ذوق ومؤدبين
هزت راسها حور تبتسم ومدت يدها تصافح الي دخلو اهل المحرس الي هم اهل المزن وابتسمت المزن تحتضن امها وتبوس رأسها وتسالها عن اخبارها وضحكت تشوف عمتها الي تتنظر يخلص سلامها على امها ونطقت المزن:دلول
ابتسمت دلال تسلم عليها:اشتقت لك اكثر من بنتي تدرين
ابتسمت المزن :هو انا بنتك الثانيه
ضحكت دلال تمشي مع لطيفه الي وقفت تنزل عباتها وبعد ما خلصو سلام مشو يجلسون و ثريا تهلي فيهم وترحب و لفت حور تمسك كفوف المزن :امي ما سلمتي عليها تعالي معي
مشت معها المزن تسلم على ام حور وصدت بعيونها من شافت رند الي تناظرها والكره باين من عيونها وقامت منيره توقف تسلم على المزن بتكلف وتبتسم غصب علشان حور وبعدها جلست علطول وناظرتها المزن مستغربه ومشت تتجه لأهلها وخالاتها الي متواجدين ويسالون عنها
ابتسمت تشوف وحده من خالاتها الصغار تنطق ،هناء:ماشاءالله حمولتك مزون يهبلون
هزت راسها وضحكت بصدمه تشوف بنت خالتها هناء تنطق ،ميس :ما عندهم ولد ما تزوج تزوجيني اياه
لفت وهج عليها ونطقت بسخريه:هم ثلاثة اصلاً
المزن غمزت لها:الا فيه أوس اصغرهم ضابط شرطه وفرفوش جوك عاد
ضحكو من ضربتها امها تبتعد ونطقت لطيفه:خلاص امشو فشلتونا
فرح همست للمزن:امي اليوم من قامت وهي مختبصه علشان وجود خالاتي وكثرتهم ما كانو كذا وقت ملكتك تقول وش بنسوي بكثرتنا
المزن:ماشاءالله خالاتي وبناتهم يعتبرون قليلين عندهم
لفت لوهج تنطق:ليه بس انتي وحدك جيتي؟
وهج :جيت علشان هديل الصدق وخواتي الي تعبانه والي طالعه والي عند حمولتها وعاد صديقتك ذي ما تبي تشوف اهلك لي بعد الملكة
ضحكت المزن :ايش يعني تتغلا مثلا،ما يلوق عليها ما تعودت
وهج :حاولت فيها تجي معي بس رفضت وانا قلت اجي دام عندي اجازة اليوم
تقدمت تمسك يدها المزن وتنطق:زين انك جيتي
،
مجلس الرجال
اصوات الدلال والفناجيل الي تضيف الضيوف وبعض السوالف وياخذون علوم بعضهم وريحة البخور المنتشرة بالمكان والعود والباتشولي والثياب البيض الي تملىء المكان ووجود اخوان العروس وابوها بالامام ومن بعدهم العريس وابوه واخوه والباقين من بعدهم وقفو من دخل الشيخ يرحبون فيه ويسلمون عليه وجلس وبدأ يضيفونه وبعد مده ابتسم سيف ينطق بعد ما اخذ نظره خاطفه على المتواجدين ومد يده ياخذ الفنجال الي انمد له ينطق:سلمت ،خيرك سابق يا ابو ثابت
ناظر نهار فارس الي بجانبه:يبيلنا قهوة زود
هز راسه فارس:ماشاءالله يعني انا قلت بتكونون اخوانها بس ومعكم ولدعمكم ما توقعت يجون اهل الكويت والقريبين هنا
نهار : اصلا من عرفو حلفو يجون خوالي لانه بنت اختهم الكبيره وعلشان اخيتي اصغر وحده لامي ووحيدتها من البنات
هز راسه فارس وسكت يسمع خاله الي ابتداء بكلامه وطلبه :حنا جايينكم عانين يا ابو ثابت ،جينا نطلب يد بنيتكم الكريمة لولدنا راكان
ابتسم عبدالرحمن:جيتكم غاليه علي وعلى جماعتي والبنت بنتك يا سيف زي ما هي بنتي وهي موافقه ووصلتكم موافقتها
ابتسم الشيخ ينزل فنجاله وينطق :اجل توكلنا على الله،بسم الله الرحمن الرحيم ان الحمد لله نحمده ونستعينه ونستغفره و....،انتهى بعد ما قراء بعض الايات ومسك كف عبدالرحمن وكفه الثانيه على كف راكان الي بجانبه ونطق يوجه كلامه لعبدالرحمن:قُل زوجتك ابنتي
بدا يردد وره عبدالرحمن و راكان لين اخذ الكتاب يوقع وقام ياخذه عبدالرحمن يقومون خلفه عياله متجهين للحريم ..
قبل ربع ساعة
شافت اتصال حور وردت عليها تسمعها تطلب منها تنزل واخذت نفس بعمق تبعد توترها وفتحت الباب تمشي بهدوء تنزل مع الدرج تسمع صوت الاغنيه الي مشغلينها لها زي الزفه وابتسمت تشوف حور قريبه لها ووجود حتى المزن بجانبها ترتاح شوي
ونزلت تمشي بهدوء لهم ومسكتها ثريا الي تسمي عليها
وتستودعها الله بقلبها ومشت لي وقفت قدام لطيفه الي سلمت عليها ومشت بعدها تحلس مكانها يجون يسلمون عليها هي وجلست يجلسون بجانبها صحباتها امها خالاتها الي يسالون عنها اول ما وصلو وناظرت حور الي اتصل عليها ثابت يطلب منهم يجون للمجلس الثاني وقامت حور تبلغ ثريا وهديل الي وقفت مع امها وهي تشد على كفها من زاد توترها ،وقفت قدام الباب تشوف ابوها وخلفه اخوانها تبتسم لهم من صارو يمدحونها ويتغزلون فيها ،ناظرها عبدالرحمن:الف بسم الله عليك ماشاءالله،شهالزين صرتي تنافسين امك بالجمال!
ضحكت من قبص خدها ابوها ورفعت انظارها على نهار الي نطق يغني ويصفق واخوانه معه:نادرة مالها بالناس شكل ومثيل ، فاتنة ناعمة فيها هدوء و دلال ،حاوية كل زين وكل طبعٍ اصيل
اتسع مبسمها وناظرتهم حور الي تصورهم وركزت على عمها من بدا يغني معهم يعرفون انها تحب هالاغنيه : من يعرف الجمال يقول هيّ الجمال ،وصفها في قصيدي يشبه المستحيل ..
ضحك عبدالرحمن من خجلت تتجه له تحضنه وحضنها هو وابتسمت ثريا:الله يديمكم لبعض ذخر وسند
تمتمت حور بـ"آمين" وابتعدت هديل عن ابوها الي قبل راسها ورفعت نفسها تقبل راسه هي وشهقت تحط يدها على فمها:بابا طبع روج
ضحك يهز راسه:فدا فدا
ثريا :سمي بالله ووقعي
أوس ناظرها وهي توقع وبعد ما خلصت صفر يتقدم قبل اخوانه ويحضنها:مبروك يا عين اخوك
رفع شماغه يمسح دموعه :متى كبرتي انتي عشان تتزوجين متى؟
ضحكت تقرب منه وتمسح دموعه بيدها وباس جبينها يبتعد عنها من تقدم لها ثابت يحضنها:وكبرتي كذا وعلطول تتزوجين يعني!!
ضحكت تحضنه تبكي علطول وتقدم نهار يمسح دموعها:افاا بس بنتي تبكي مايصير
ابتعدت عن ثابت ومشت تحضن نهار الي مسح على شعرها بحنيه ويقبل راسها :مبروك يا عيوني مبرووك منه المال ومنك العيال
ضربت صدره تمسح دموعها :وش عياله توني
ضحكو كلهم ونطق ثابت:مهو شرط الحين بس تقال على سياق الكلام
تقدمت ثريا تناظرها:دلوعتي ووحيدتي ونور بيتنا وفلذة كبدي
هز راسه أوس:تم السحب انا اقول احسن اننا نرجع بكرامتنا قبل نسمع شي ثاني
ثريا:مبروك ياامي انتي مبروك الف مبروك الله يجمع ما بينكم و يألف قلوبكم على بعض مبروك
حضنت امها وبقت بحضنها تسمع ابوها يتكلم :عُقد قران ذا النبل على ذات الدلال ،هدولتي حبيبتي بنيتي نور عيوني مبروك يا قلب ابوك انتي منه المال ومنك العيال ،اللهم اجعله ميثاقاً سعيداً مباركاً محفوفاً بالموده والرحمه
لمعت عيونها من حضنها وقبل راسها هو ورفعت نفسها تقبل لحيته وراسه مره اخرى وكل هاذا يتصور من حور و رند الي جت تشوفهم ونطقت بغنج وهي نظراتها عليه هو :مبروك هديل حبيبي
تعدلت هديل ترد عليها وهي مبتسمه
وناظرته رند تشوفه منزل نظراته على جواله وحست بالقهر انه ما انتبه لها وتنحنحت توجه كلامها له:مبروك نهار اعذرنا تاخرنا بالمباركه
ما رد عليها يمشي راجع للمجلس الرجال ورجعو خلفه اخوانه معهم العقد وما طول عبدالرحمن ورجع معهم ودخل المجلس يسمع المباركات واتجه له راكان يسلم عليه وبارك له عبدالرحمن:مبروك يا ولد والله يجعله عقد الدهر ولا اوصيك عليها تراه اغلاء ما املك هالبنيه هالله هالله فيها
ابتسم راكان يهز راسه:ابشر يا عمي بعيوني
تقدم له أوس الي نطق :تعال معاي
مشى معه يتجهون لداخل البيت ويفتح المجلس يدخله ونطق اوس:انتظر هنا
هز راسه راكان يجلس هو حالياً كله لهفة لها وانتظار..
اخذت نفس تشوف قدوم المزن الي نطقت وه مبتسمه وفرحانه لهم:هدوله!
ابتسمت تفتح ذراعينها هديل وتتقدم المزن لها تحضنها:مبروك يا عمري انتي تستاهلينه وهو يستاهلك
ابتسمت هديل تبتعد عنها وتقدمت فرح من بعدها تحضنها ووهج بعدها وتقدمت المزن لثريا الواقفه :مبروك خالتي الله يجمع ما بينهم بخير
ابتسمت ثريا تحضنها:آمين امين
مسكت جوالها تناظره ونطقت :خالتي نهار يقول راكان المعرس ينتظر داخل
ناظرت هديل بعد ما خلصت تبتسم لها تريحها بابتسامتها ونطقت ثريا :اي امي مزون مشكوره
تقدمت ثريا لبنتها تمسكها مع يدها :زوجك ينتظرك جوا
ناظرت امها :ماماا
هزت راسها:وشو ،زوجك ترا ما قلت شي غلط
هديل:بس..
ضحكت ثريا تدخلها المجلس وتطلع تسكر الباب ووقفت هديل مكانها مصنمه تشوفه جالس ما انتبه لها ولفت تبي ترجع ووقفت من نطق وهو يقوم :هـديـل
عضت شفتها بتوتر تغمض عيونها وهي لازالت معطيته ظهرها وتقدم لها وهو كاتم ضحكته لانه وقت دخلت كان منتبه بس مسوي نفسه مو منتبه لها ومن شافها رجعت قام علطول،راكان:وين بتروحين!؟
لفت وهي تبتسم وقبل تلف نشبت اسوارتها بالباب علشان ما يكشف انها كانت بتهرب ،ابتسمت بغباء:ما بروح،ا..اسوارتي....،سكتت تشوفه يناظرها واشرت براسها على يدها:نـ..،نشبت بالباب الأسورة
ابتسم يصد عنها يضحك وثواني رجع يناظرها كابح ابتسامته وتقدم لها من شاف عيونها تلمع وعرف انها ممكن تبكي لو طول الوضع ،مسك الاسورة وحاول يطلعها لين طلعت وتنهد ينطق:طلعتها خلاص
كانت تناظره وهو يطلعها ورفعت راسها علشان لا تنزل دموعها وشافته من وقف يناظرها وصدت تمسح دموعها ورفع كفينه لوجهها ويناظرها :افاا،تبكين؟
هزت راسها بالنفي وابتسم يضمها لصدره ويقبل راسها وجبينها ،حست بالأمان من ضمها لصدره وكرهت نفسها ليه بكت وهو ماصار شي ليه وهو الحين زوجها وماصار شي غلط تخاف منه ابتعدت عن صدره واخذ طرف شماغه يمسح دموعها ونطقت هي بخجل:اسفة مادري ليه بكيت
ابتسم يمسك كفها وحاوط ظهرها بيده يقبل جبينها ويمشي معها وجلسها على الكنب يجلس هو بجانبها :ما صار شي غير انك وسختي شماغي بدموعك بس ما اقول غير فدا لك
ابتسمت تحس بالأحراج لف عليها :الف مبروك عقدنا يا وحيدة عبدالرحمن والله يتمم لنا على خير وابشري بالي تبينه والي بخاطرك قوليه وانا حاظر وتم
ضحكت تهز راسها:مبروك لنا
تنحنح يسمعها تكمل :وجودك يكفيني والله يتمم لنا على خير
ابتسم من قامت تقهويه وناظرها من مدت له بيمينها فنجال القهوة ينطق وهو عيونه عليها ما انزاحت:كثر الله خيرك وزاد محبينك
ابتسمت بحياء ترجع تجلس بجانبه وتشوفه يشرب فنجالها الي صبته له
ناظرت العلبة الي فيها الدبل ونطقت بهدوء نبرتها وغنجها:قبل ما ننسا نلبس الدبل؟
ناظر علبه الدبل وهز راسه يلف بنظراته لها ووقفت هي ووقف معها تمشي للطاولة تاخذهم ومشى معها ووقف خلفها من وقفت هي ،اخذت دبلته وبالمثل اخذ راكان دبلتها ومدت يدها هديل له وابتسم يلبسها دبلتها و يرفع كفينها لشفايفه يقبلها ،اتسع ثغرها تبتسم وصدت بعيونها عنه وتحس باحتراق وجنتيها اثر خجلها الشديد، مسكت كفه تلامس نعومة كفينها الصغيرة كفه ورجفت انمالها وهي تدخل دبلته بأصبعه ومن دخلتها مسك كفينها يخفف رجفتها ونطق بسخرية:بشويش
رفعت عيونها عليه وزفرت براحة:الحمدلله خلصنا
ضحك يحضنها ووده يدخلها داخل ضلوعه من توترها الواضح له وخجلها الي عاجبه ،غمضت عيونها تتمسك بثوبه ،ابعد عنها وابتسمت تنطق من سمعت صوت الباب:اكيد اهلك
ابتسم لأنها صادقة ،مسك كفها من شاف امه داخله وخلفها عمته و خواته و لطيفة تزغرط مبسوطه لولدها وحسن اختياره ،ابتسمت تتقدم تسلم عليهم :مبروك يا امي
حضن امه وباس راسها :الله يبارك فيك ويخليلك لنا
تقدمو البنات من بعد امهم يسلمون على اخوهم ويباركون له ويباركون لهديل الي ضايعه وخجلانه بينهم بس يهونها وجوده هو بجانبها ولا ابتعد عنها وخجلت اكثر من دخل سيف يسلم عليها ويبارك لها و يوصي راكان عليها وبالمثل لطيفه ،ابتسمت المزن تصورهم وهم مع بعض ودخلت ثريا بعد ما خرج سيف وتقدم لها راكان يسلم عليها من عرفته امه عليها وباس راسها احترام لها..
وقفت تمسح يدينها بعد ما خلصت مغسلة ما تدري شجاها فجأة قلبت معدتها وركضت للحمام تستفرغ"تكرمون"اخذت نفس تحس بإرهاق ومشت تخرج ووقفت من شافت حور الي وقفت بقلق عندها تسالها،حور:مزون فيك شي؟وجهك مصفر
المزن :غثيان بس
حور :تبغين اجيب لك عصير شي تاكلينه؟
هزت راسها بالنفي:لا ما اشتهي والله،بروح فوق اريح لان احس بإرهاق مو طبيعي
هزت راسها حور وقلقانه عليها ونطقت المزن :اذا ما عليك امر حور اذا سالوك امي ولا فرح قولي انها فوق بس لا تقولين تعبانه تمام
حور ناظرتها ومدت يدها لذراعها تمسح عليها:ما عليك روحي انتي وانا بقول لهم يجيبون لك من البوفيه
هزت راسها بزين ومشت تصعد بعد ما اخذت شنطتها متجهه لغرفته هي تتذكر مكانها لانه وقت كان مسافر حسب اعتقادها هي اخذتها هديل لغرفته و بوقتها تفاجأت برجوعه ،فتحت الباب تدخل وتسكره وتتجه للسرير تجلس وتنزل كعبها وترفع رجلينها تمددها على السرير
دخلت المطبخ تاخذ رضعة ولدها وابتسمت من سمعت صوته تتجه له تنطق:ثابت!
ابتسم يلف لها:لبيه
وقفت على الباب وهي تهز رضاعه اديب:وش عندك هنا؟
تعدل ونفض يدينه من الغبار:اخرج الفرشة بنأخذها للبحر..،لف عليها يناظرها وابتسم:الله الله ايش هالجمال ام اديب
استحت تصد بنظراتها وتعتدل بوقفتها وعطته ظهرها بتهرب ومسكها من خصرها يضحك:يعني ما تتوبين كل مره تحاولين تهربين لما امدحك
ضربت صدره:وخر عني ثابت ولدك جوعان
ابتسم ينزلها ويلفها تصير مقابل وجهه :والابو طيب ابي اكحل عيوني بشوفتك
ابتسمت تناظره:خلاص كحلت عيونك بروح لولدي
قبل عنقها يشم شذا عبيرها وغمضت عيونها ترفع انمالها لشعره وماطولت ترفس رجله وتأوه يبتعد :حور ما تكملين حسنك يعني
ابعدت شعرها لورا بغرور وناظرته بعد ما استوعبت وش سوت تنطق :اوه اسفه حبيبي والله ما قصدت بس انت طولتـ...،سكتها يقبلها لثواني وابتعدت هي تبتسم له تنطق:موهنا حبيبي مليان ناس
ضحك يعرف حركاتها يروح كل ثقله عندها ويصير اخف من الريش ،وقفت عند باب المطبخ قبل تخرج ونطقت:اي صح ثابت
ثابت:امري ولبيك
حور:قول لنهار زوجته شكلها تعبانه واذا يبيها فوق اتوقع بغرفته
ضحك ينطق:اكيد بغرفته يعني وين بتكون مثلاً
سحبت عليه ترجع داخل وتعجل بخطواتها من سمعت بكاء ابنها ونطقت :جيتك يا ماما جيتك
اخذته من العاملة وجلسته بجلاسته وعطته الحليب يمسكه ويبدا يرضع..
خرج لهم يمد لهم الفرشات:خذوها واسبقونا هناك
فارس:وشوله هاذي؟
ثابت:يبون يسهرون عند البحر ودك تجي معنا
رفع يده لدقنه بتفكير:والله مهي شينه
تقدم نهار لهم :جزمتو يعني!؟
نصار :هالله هالله ،بتجي احلا سهره
ابتسم طلال ينطق:مع عود عيسى وصوته اههخخ ،تعال لا يفوتك
ثابت:خذو الاغراض وانا بمر اشتري من السوبر ماركت ادا تبون شي علموني
نهار :بتمشون الحين؟
هز راسه طلال:لا الرجاجيل ما بعد روحو نصبر شوي ونسلم على عمي ونمشي
هز راسه بزين يشوف خروجهم وكان ثابت يمشي معهم بس رجع له من تذكر:نهار ترا حور قالت لي ان زوجتك شكلها تعبانه روح شوفها يمكن تحتاجك
ناظره بقلق:ما قالت لك وينها؟
ثابت:قالت فوق اكيد بغرفتك ،قالها ولف للعيال الي ينادونه ومشى يدخل معهم ومشى فارس يدخل تارك نهار الي وقف يفتح جواله يدور رقمها يرسل لها "انتي بخير؟، اجيك؟"
فتحت جوالها تشوف رسالته ورفعت نفسها تعدل جسدها وتكتب له"نهار "،"ممكن توديني البيت احسني تعبانه ولا اقدر انزل لهم "
مسح شنبه ودقنه يكتب"اطلعي انا برا"
قامت بعد ما ارسلت له"تمام"،لبست كعبها وفتحت الباب بعد نا سكرت الانوار بتخرج ووقفت تشوف حور الي صاعده ومعها رند وابتسمت خور لها:ريحتي؟
هزت راسها تبتسم مجامله لها ونطقت حور :خالتي تدور عليك وقلت لها ترا انك مع نهار علشانك
ابتسمت المزن:مشكورة حور
كشرت رند واخذت عباية هديل ومشت تنزل قبلها والتفتت من سمعت اختها تقول للمزن"نهار ينتظرك عند الباب"
المزن :اي توه ارسل لي ،بس ابيك تنادين لي خالتي بسلم عليها قبل لا اروح ما لي خلق ادخل عند الناس
ضحكت حور :ابشري بس نا ضنتي بتروحين كذا لأن خالات نهار اكيد بيجون يسلمون عليه
ابتسمت المزن تنزل معها وراحت حور مع اختها الي نطقت:غبيه انتي كان خليتيها هي تروح صايره مرسول لها
حور :رند تكفين لا تدخلين بعدين هي ما سوت ولا طلبت شي انا الي جيت لها وانا الي قلت لثابت يقول لنهار ان زوجته تعبانه
رند:وانتي صدقتي ،تدلع ترا شوفيها مافيها شي ونزلت اول ما قلتي لها انه ينتظرها عمى
حور سكتت ما ترد عليها لانها تدري بتطول بالكلام وخذت العباية منها تمشي للمجلس تطق الباب عليهم وتسلم هديل عبايتها وشنطتها وابتسمت تناظرها:استمتعي حبيبتي
ابتسمت هديل من غمزت لها وسكرت الباب من راحت حور الي تدور ثريا وتقدمت لها من شافتها بجانب امها :خالتي ثريا ،مزون بتروح وتبي تسلم عليك تجين معي
منيرة:وليه ما تجي هي
ناظرت حور امها ونطقت ثريا وهي تقوم:لا عادي و يمكن نهار يبي شي
ناظرت حور ونطقت:وينها هي
ابتسمت حور تأشر للصاله الخارجيه:هناك تلبس عباتها
مشت ثريا ولفت حور على امها وجلست بجانبها:وين رند
رفعت اكتافها بمعنى ما ادري :تحصلينها مع البنات الي توهم يدخلون على العشاء
حور:تعشيتي انتي امي
هزت راسها تبتسم:ماشاءالله كلشي لذيذ ،روحي تعشي انتي
قامت ومشت تدخل على العشاء
-
عطوها حقها ولا تنسون النجمه ⭐️