يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١٨

زفر دخانه:مو كذا بس خليه يتزوج يمكن يعقل شوي ويترك ملاحق الناس الي مالها داعي
ناظره راكان :ليش للحين يلاحق ذولاك
هز راسه فارس وناظرهم فيصل ما يفهم :وش من الي يلاحقهم وليش
فارس:هاه خذلك بيحقق ،فيصل والله لو انك صاير محقق مو احسن لك من الطبخ!
ضحك فيصل يهز راسه بالنفي ،نهار:الطبخ احسن له شوف أوس شغله ما يخلينا نشوفه ولا عادي بنص جلسته معنا يقوم راجع لشغله
راكان:المهنة تتطلب كذا
فارس ناظرهم لثواني ونطق بهدوء:اليوم تنفيذ الحكم على سالم
عدل جلسته نهار وناظر فـ راكان لثواني ،راكان تنهد:مو هاذا الي كنت تبغاه من زمان
هز راسه فارس :هاذا الي ابيه بس..،نطق نهار :بس وشو بترتاح انت واهلك بعد
هز راسه :هشام ،صح اني ما احبه بس اعرف شعور فقد الاب كيف وهو من فتره مختفي ما يرد علي و اكثر من مره اروح للشركة عنده ويقولون لي مو موجود
راكان:يمكن مسافر
فيصل ناظر راكان:امي امس مكلمه امه وسمعتهم يقولون انه بيرجع بس ما ادري متى
نهار:طيب جربت تروح بيت امه؟
راكان:صح يمكن تحصله هناك
ناظرهم فارس :تهقون؟
طبطب على كتفه نهار:روح وشوف بنفسك
قام نهار :انا رايح البحر الي بيجي معي حياه الله.
-
كانت واقفه عند سياره المزن تنتظرهم يطلعون علشان بيرحون سوا طلعة بنات ،طفشت وهي تنتظر ودقت عليهم تبغاهم يطلعون :يلا طولتو
ازهار:بنطلع بس ندور جوال ترف ضيعته الخبله
فرح:اوكيه،طيب عطوني مفتاح السيارة على الآقل اجلس فيها
أزهار:طيب تعالي خُذيه
سكرت من ازهار تتأفف وتمشي بتدخل داخل ،وناظرت ازهار الي عند الباب كانت تنتظرها علشان تعطيها المفتاح واخذته وطلعت تتجه للسيارة تفتحها مسكت الباب بتركب ولفت من سمعت نداء احد بأسمها ولفت تشوف مين ووقفت مكانها من عرفته تشد بيدها على مقبض الباب وتنحنحت تشتت نظراتها:هشام!
ابتسم لها وهز راسه:هشام ، كيفك ؟
هزت راسها بدون ما تناظره:بخير ، بغيت شي؟
ناظرها لثواني ونطق:امي بلغتني انك وافقتي ..هزت رأسها بالإيجاب تناظره من كمل:طيب متى تبغين العقد بما انك رافضة اي شي قبل زواج اختك
هزت كتفها بمعنى ما تعرف وفتحت الباب بتركب وهي تنطق:ما ادري كلم ابوي وحدد معاه انا ماعرف
ضحك لانه حس بتوترها ومن تصريفاتها وكيف ركبت السيارة بعد ما ردت عليه بسرعة بدون لا تسمع رده ،رفع جواله يشوف الاسم و رد بسرعة:سمي
عقد حجاجه بأستغراب:كيف ،الحين هو عندك
هز راسه ونطق وهو يسرع خطواته راجع لسيارته بعد ما سكر من امه :شعندك يا ولد عمي شعندك
ركب سيارته على خروج البنات من الصالون وأسرع يضغط على البانزين يتجه لبيت امه.
طلعت تضحك على ترف الي متنرفزة من العاملة وتهاوشت معاها واخذت المزن ترف تطلعها قبل تصير مصيبه لان ترف كانت حاطه جوالها على الطاوله بجانبها واخذته العاملة مع الكوب بدون ما تدري انه لها ،أزهار:ياروحي ما عاد بتشيل شي مره ثانيه منك
زفرت بغضب تعدل حجابها:احسن
تنهدت المزن تناظرها وكتمت ضحكتها والتفتت على هديل:تعالي اوصلك وذولي الثنتين يرجعون لوحدهم
ناظرت ترف المزن :ماشاءالله بعتيني علطول
ضحكت تهز راسها:شدعوه توته بس انتي جايه بسيارتك وهديل جايه معاي اكيد بأخذها
رفعت يدها تلبس نظارتها:اي صح ، يالله باي
هزت راسها المزن :خبله ،يالله هديل
هديل:احبها صديقتك هاذي مسويه جو والله
فرح:الكل يحبها حتى لو عصبت عليك ما بتقولين شي لانك بتضحكين
-
وقف يناظر امه الي تكلم بهالوقت ناظر ساعة يده ١٢:٤٠م وتردد كيف بيقول لها عقب رفضه ذاك اليوم انه يتزوج بس بعد ما جلس وقت طويل يفكر  ووقت مناسب يكلم امه وبعد ما حس انه مستعد لـ هالشي ،وفز من لفت عليه تلاحظ وجوده :شتبي راكان بالعادة نايم
راكان تنحنح :مشغولة؟
لطيفة ناظرته لثواني :توني كلمت عمتك وبعدل فستان فرح حق بكرا
راكان ابتسم :وش شعورك يمه وانتي بتكونين بكرا ام العروس والعروسة لسيف؟
لطيفة ابتسمت :ما يوصف يمه فرحانه فيها وان شاءالله يارب يطول بعمري واشوفكم كلكم مع زوجاتكم وعيالكم وافرح فيكم
راكان :ماودك تكونين ام العريس؟
لفت لطيفة عليه تبان فرحتها :احلف يمه
ضحك راكان:والله ،بخطب
لطيفة:يارب انها الي فبالي ،بنت عبدالرحمن؟
راكان :عليك نور ،ايه هي
لطيفة:زين ما اخترت يمه تزهاك وابشر بها بس خلنا بالاول نخلص من خواتك واروح لهم مع ابوك نخطبها لك
راكان :يعني البنت جازت لك؟
هزت راسها لطيفة:والله انه تجنن ومحترمه مافي احسن منها
ضحك راكان و تنهد يقوم يبوس راس امه:اجل بـ اشاور ابوي ونشوف عنه
لطيفة:زين يمه ،روح الحين نام ريح قبل الفجر وعلشان بكرا بتساعد ابوك بالزواج يحتاجكم تراه
هز راسه بالزين ومشى يصعد لغرفته.
بغرفة المزن »
ناظرت البنات حولينها ازهار وفرح وترف وتأففت تناظرهم :وش جايبكم الحين عندي؟
عدلت جلستها ترف:ابد جايين نطمن عليك قبل الزواج
ضحكت من سخريتها :ترف
ترف:زيتونهه
لفت المزن للرسائل الي جاتها ورا بعض وناظرت بفرح و أزهار الي يناظرونها وقامت من على السرير ينطقون كلهم:وين
لفت عليهم مصدومه منهم ومن حركاتهم :بسم الله خرعتوني
أزهار:على وين؟
المزن :بنزل تحت باخذ لي كركدية
قامو كلهم من على السرير يوقفون معها، ونطقت باستغراب تناظر فيهم لثواني:وين وين؟
فرح:بننزل معاك
المزن :عشان كركديه
هزت راسها ترف :لا علشان ما تلعبين علينا وتطلعين له
ضحكت المزن تناظرها ولا زالت مصدومه من حركاتهم:وش يعني ما بشوفه لو جاء
ناظرتهم لثواني وفتحت الباب بتطلع وهي تنطق:اصلاً ما راح يجي ومو هو الي يرسل
انحنت فرح تناظر اشعارات جوال المزن وهي تضحك بسخرية:علينا مزون 
دخلت جوالها بجيب بجامتها :يعني
ترف :حبيبي ارجعي مافيه نزول تنزل ازهار تجيب لك الي تبغين
مسكتها ترف تجلسها على السرير وتجلس بجانبها وخرجت ازهار تجيب كركديه لهم وتمددت فرح على فراشها الي فرشته بغرفة المزن وترف تمددت بجانب المزن على السرير
قامت المزن مره اخرى وناظروها فرح وترف وضحكت بسخرية:لا تخافون ما بروح لمكان
ناظرتها فرح من اخذت روبها ودخلت الحمام "تكرمون"وهي تنطق :باخذ شور اريح جسمي
ترف:ننتظرك
جات ازهار وشهقت تنطق :وينها
ترف:بالحمام
تنفست براحه تجلس على الارض ومعها صينية الي فيها الكركديه لهم
تعدلت فرح وناظرت ترف:جوالها هنا؟
هزت كتفها بمعنى ما اعرف ودورته بالسرير وما حصلته تشهق:مزونن ،معاها
جلست فرح تبتسم :ما نقدر عليها
فتحت المويه تعبي البانيو ماء ولفت لجوالها تشوف رسايله ودخلت على محادثته ترسل له"ما بتقدر تشوفني فوق راسي ثلاث حراس ما بتقدر عليهم " ، ابتسمت من شافت ردة "يعني صاملين مافيه امل؟"،ردت عليه وسكرت جوالها تاخذ كريماتها وباقي اغراضها تستعد تتروش.
-
مستمتع وهو يسمع الاغنية الي مشغلها الحلاق -احبك دون كل الناس واسأل- وابتسم يشوف اخوانه وولد عمه يصفقون ويرقصون ضحك تميم على أوس :فشلتنا،اقعد اقعد
أوس :ياخي شعرفك انت العريس بنفسه بيقوم بعد شوي يستنزل لك
ثابت :يحقلك يا عريس
نهار :العريس لو تخلونه يخلص حلاقته ويروح يكمل اشغاله اول بيسوي الي تبونه بس خلوني اخلص
أوس:لو يخرب لك دقنك ولا شنبك الحلاق وش بتسوي
ناظر الحلاق لثواني :يا شيخ طِير لا تنكد علي وتخليني اوسوس
ضحكو العيال عليه ونطق ثابت :أوس خلصت؟،انقلع انت وتميم للسيارة
ابتسم أوس ورفع راسه نهار يمسح على شنبه وهز راسه :كذا مضبوط
وقف نهار يلتفت على ثابت :ها عريس ولا ؟
ابتسم ثابت :عريس افرح يا اخوي
ابتسم نهار ومشى يخرج وخلفه ثابت وتميم وأوس وركب سيارته يركب معه تميم :على بيت عمي؟
هز راسه :باخذ شور والبس بعدها على القصر
تميم :طيب تبيني اكون معك لا رحت؟
هز راسه وابتسم وهو يسوق ويناظر طريقه ووقف عند بوابة البيت ونزل وخلفه تميم ودخل البيت يسمع التصفيق والاغاني وضحك يتقدم  لهم ويرقص مع امه ومن وصل عندها باس راسها :عاشت ام المعرس
لفت هديل له :هلا بعريسنا هلا هلا
ابتسم نهار لها وتقدم يحضنها وجات ثريا تغطرف بعلو صوتها وترمي ورد عليه :ماشاءالله ماشاء الله،الله يحفظك يمه
ضحك نهار :كنتو تنتظروني؟
هزت ثريا راسها:بتروح الحين
هز راسه :بتروش و البس وبروح على القصر
دخل ثابت وهو مستعجل:ماشاءالله،اخلص يالله
ثريا:شفيك يمه خلنا نفرح فيه
تقدم يبوس راس امه:الله يعطيك العافيه بس متأخره والوالد مستعجل وتعرفين ابوي انتي
هزت راسها :زين اجل بنروح انا وهديل نتجهز نلحق حور واختها بالصالون
مشو يطلعون ثريا وهديل بعد ما اخذو اغراضهم وصعد نهار فوق يتجهز .
طلع من الحمام وبدأ يتلبس والتفت من دخلت العاملة بالمبخرة لانه طلب يشعلون له فحم وجابوه له ناظر ساعة يده الساعة ٥:٣٠ العصر  ابتسم يتخيل شكلها ووضع المزن الحين كيف تتجهز لليلة عمرهم سوا ،لاكن المزن كان وضعها يفوق تخيله وتخيلها هي لانها ما توقعت يختفي توترها وبتصير ترقص مع البنات بدون لا تتوتر  ،كانت تراقصها ترف وهي لابسه طرحتها و روبها ومبسوطه وممتنه لترف انها قدرت تخليها ما تتوتر ، وتضحك من تصفيق البنات والمصورات الموجودين وحتى الميكب ارتست ،درات تضحك بعلو صوتها من صفرت عمتها وغطرفت امها بعلو صوتها من فرط سعادتها ويومها السعيد وصرخت فرح تحتضنها وماسكه دموعها وابتسمت المزن تناظر امها الجالسه وتتأملها ومبتسمه ،حست فيها المزن بتبكي وابتسمت لها ،وقفت من نطقت المصورة:تلبسين فستانك علشان نصور بدري؟
المزن:تمام
المصورة:بنجيبه من المنيكان برا وحنا بننتظرك
هزت راسها المزن وجلست تتأمل شكلها وجمالها بهاليوم وطرحتها الي سوتها هي بنفسها ،ناظرت دبلتها باصبعها ومنكيرها وهي ماسكه طرحتها وزادت ربكتها اكثر ،اقترب ملتقاها بـ نهار عريس وبتنزف له عروس تزين وتكمل باقي دينه وحياته ،ابتسمت تناظر شكلها بالمرايا تتذكر اول مره قابلته كيف كانت وكيف بعدها هو صار يجيها لين تقدم لها وحط خاتم باصبع يدها .
لفت من دخلو معاهم فستنانها وامها معهم وفرح واقفه تراقب الوضع والتفاصيل علشان تكمل الليلة،جات لطيفة بالمبخرة والبخور وعج بالغرفها كلها وتقدمت للمزن الي لبست فستناها بمساعده من ازهار وتقدمت تبخرها بعد ما بخرت الفستان وقفت المزن تاخذ عطرها :أزهار تعالي عطريني
تقدمت ازهار تاخذ العطر من يدها وتعطرها واخذت من الخمريه تحط على أماكن النبض بالمزن ،وبعدها جات بتسكر الفستان من ورا ونطقت :مزون ترا لو انكسر ظفري من فستانك. ياويلك
ابتسمت المزن توضح ربكتها وناظرت لطيفة الي قربت تحصنها وتنطق: سمي بالله
المزن :بسم الله
ابتعدو عنها وتقدمو المساعدات يرتبون طرحتها وناظرت فرح الي عند الباب وتناظرها ومغطيه فمها تحاول ما تبكي وضحكت ازهار تناظرهم وتحاول تبعد دموعها بانها تضحك علشان ما تدري المزن انها تبكي فرح بهاليوم ولها هي بالذات :استودعتك الله يارب من كل عين
المزن :خلاص ترا والله ببكي معاكم
لطيفة صدت عنها تمشي للباب ورفعت راسها المزن تهف على وجهها بكفينها ودخلت المصورة تصورها قبل مع تفاصيلها كلها ومشت فرح تخرج تشوف امها وباقي تفاصيل الزواج وابتسمت تشوف عمتها وترف وخواتها موجودين من بدري بالمكان وتقدمت لهم ولفت مرام عليها :اخت العروس الحلوة
لفت ترف تشوف فرح الي تسلم وهمست اول ما جات لها فرح:عمتك وترتني
ضحكت من التفت وشافت نظرات عمتها لترف:بتشوف زوجة ولدها المستقبلية حلوة ولا لا
ضربتها ترف تصد عنها وهي تكشر بوجهها :اخلص من ازهار تجيني انتي
ضحكت فرح تتجه لامها وعمتها ووقفت بجانبهم من نطقت امها الي أستقبلت ثريا وهديل :اهل العريس
وقفت تسلم عليهم وناظرت لطيفه هديل والبنات حور و رند تناظر اشكالهم وفساتينهم ولفت تناظر ثريا الي تكلمها ،لطيفة:حي الله ام العريس واخته
ثريا:الله يحييك،جيناكم بدري؟
هزت راسها لطيفة تبتسم وتقدمت فرح لهم تاخذهم معاها يجلسون ونطقت :ممكن ما تنزلون عبياتكم الحين
هزت راسها هديل وهي ترفع جوالها:اكيد بيجي نهار وبتنزف له المزن علشان الفيرست لوك
حور مسكت يد اختها ونطقت :اجل بندخل داخل هنا
هزت راسها بزين ومشت فرح ترجع لعند المزن .
دق جوال هديل واخذته :نهار
لفت تشوفها رند وردت هديل :هلا نهار
نهار : لي شوي واصل من وين ادخل ؟تعالي لي
هديل :ادخل مع بوابه الاستقبال مافيه الا انا وامي وام العروسه
قفلت منه وناظرت حور :بروح لنهار تمام
حور :تمام
مشت هديل وهي ترفع فستانها وتخرج توقف تنتظر نهار عند الباب وابتسمت من انفتح الباب تنطق :عريس قلبي اخويـ...،سكتت من رفعت نظراتها تشوفه مو هو ،مو اخوها شهقت ترجع على ورا و حطت رجلها على طرف فستانها يختل توازنها ومسكها علطول قبل تطيح وناظرته لثواني ما عرفته بالاول بس من شافت عيونه عرفت انه احد اخوان المزن ما تعرف اسمه بس قد شافته من قبل ،تركها وصد بسرعة من عرفها وسمع  صوت نهار :معليش... قالها وخرج مسرع وناظر نهار الجاي واشر له :ادخل من هنا يا عريس ينتظرونك
ابتسم نهار له وسلم عليه ،راكان:مبروك منك المال ومنها العيال
نهار:الله يبارك فيك،عقبال ما نفرح فيك
ابتسم راكان يطبطب على كف نهار :امين
راح راكان بعد ما دخل نهار و شاف هديل الي تنتظره عند الباب وابتسمت من شافته :يا ناسوو العريس
ضحك نهار وهو يعدل بشته وغترته:كيف؟معرس!؟
هديل عدلت شماغه تبتسم :عريس ما شافت عيني مثله ولا يسمعني ثابت
مد ذراعه لها يحتضنها وباس راسها تضحك هديل ومشت تدخل معاه ولفت ثريا من دخل وابتسمت :بسم الله عليك ماشاءالله
ابتسم لهم وتقدمت هديل :عادي احضنكم سوا
هزت راسها ثريا:لا الحين نعدم ثوبه بالميك أب
هز راسه نهار وناظر امه :تعالي انتي يا الشيخه عادي
ابتسمت ثريا تحضنه وابتسم نهار يشعر بفرحة امه واخته وابتعدت ثريا عنه تجيب المبخره وتحط كسره البخور عليها وتتقدم. له:ما امداني ابخرك فالبيت فـ ابخرك الحين
تقدمت له تمسك غترته وتبخره ولفت هديل تشوف المصوره الي تنتظرهم :كان ودي نصور سوا قبل تتصور انت ومزون بس شكله ما يمدي
ناظرها نهار ونطقت المصورة:تعال يا عريس
ناظر نهار امه يمسك ذراعها ويدخل لداخل القاعة وناظر حولينه الورد بالمكان وعطر الشموع والعود الي بكل مكان وروعة التصميم والكرستال الي بالسقف بشكل حلو
تقدمت المصوره تصورهم مع بعض من شافت ثريا تعدل البشت لـ نهار وهديل الي ماسكة المبخره وتبخره وانهار هديل من جمال اللحظه هاذي وحضنها كانت اللحظات هاذي مليانه حب و ود ،كانو يجهلون الي بداخل نهار وحلم عمره الي تمناه وانتظره من زمان من اول ما شافها ،وباله عنده وهي ماهي بعيده عنه وتوتر اشد التوتر وترقب لها ولف من تقدمت له لطيفه وابتسم لها اول ما شافها امها تشبهها او هي تشبه امها وفيها بمشيتها من الغرور شوي نفسها ،سلمت عليه لطيفه وحضنته وابتسم نهار : كنت انتظرك اقول وين ام العروس
ابتسمت ثريا تشوف ولدها كيف يتعامل مع لطيفه وابتسمت لطيفه تبعد عنه:تنتظرني ولا تنتظر العروس
ضحك يغمز لها ومدت يدها تضرب ذراعه بخفه:عيّار
ناظرتهم ثريا بوجه مبتسم وناظرت نهار من همس:عروستي وينها ؟
هديل غمزت له :اشتقت؟
ناظر اخته وهز راسه يتنهد:الشوق طاغي
لطيفة:الحين تنزف لك،جايتك
اشتغلت الاغاني بالقاعه ولفت لطيفه تناظره :عطها ظهرك يا عريس
نهار :ما انحرم من مشهد دخولها وجيتها لي ،تكفين
لفت لطيفه تشوف ثريا وهديل جالسين بعيد والبنات بعد وناظرته:هاذا طلبها ،بروح اشوفها
وقف نهار مكانه وعيونه على البوابة الي بتطلع من خلفها المزن والورد الي مزين فيه والسجادة الي بتمشي عليها ،بلع ريقه نهار تتسارع نبضات قلبه من انتظاره وحراره شوقه لها وابتسم ينتظرها بمحله وزادت دقات قلبه من اشتغلت زفتها بصوت موسيقى بس يشرح مشهد دخولها وجيتها له ،لانت ملامح نهار من انفتحت البوابه وشافها تخرج امامه تلبس فستانها الابيض وبيدها باقة الورد الي تشبهها
ابتسمت المزن من شافته واقف بأستقبالها ويناظرها كالعادة بتأمل ما يمل ابداً،واقف يستقبله كالعادة كانه يقول لها استقبلك بحزنك وبفرحك وبشاركك بكل جية تقبل عليه فيها
وقفت محلها بنص المكان تناظره ما تحس بالي حولينها ابد بس تشعر فيه وتناظره هو بس ،لان عينها على نهار لمعت عيونه لها كملت تمشي وتوقف ببدايه الممر له وناظرته وهي مبتسمه من تقدم لها نهار مبتسم يقطع بقيه المسافه مشي لها بعد ركضه لهاليوم ووعده لها وحبه لها .
مد كفه لها وناظرت فعيونه الي تلمع ومدت كفها تشد عليه ورفعت ذراعها الأخرى تحتضنه حست كل توترها انزاح من حست بحضنه ،ابتسم من مبادرتها هي بالاول هي الي بادرت بالحضن وغمض عيونه يبوس كتفها وجبينها ويشمّ شذا عبيرها
وغمضت عيونها المزن وهي حاضنته وبيدها باقتها وعليها طرحتها والطقم الي جابه لها وتحقق حلمها اليوم ،هي اليوم بحضنه زوجته وحلاله وراس ماله وام لـ اعياله مستقبلاً ،شريكة لحياته وايامه،سارقه قلبه ،
ابتعدت عنه وحضن كفوفها بكفوفه ورفعها يقبل كفوفها وعيونه ما انزاحت من عليها وابتسمت من تقدم يبوس جبينها ورجع يناظرها يتأملها كلها من عيونها الي خذته كله لـ كل شي فيه برقتها ونعومتها وبسمتها تاخذه كلها ولا يقول لا،ابتسم يتأملها :ارفقي بي
ابتسمت وميلت راسها تحس بالطمأنينة وشدت على كفوفه وسندت راسها على صدره وابتسم نهار يرفع ذراعينها عليها يحضنها
كانو البنات يشوفونهم من بعيد والمصورات يصورون كل لحظة لفت هديل على فرح ورفعت راسها علشان ما تبكي:ليش هم حلوين كذا ماشاءالله
ضحكت فرح الي ما يختلف وضعها عن هديل :ليه تبكين طيب؟
هديل:ترا انتي نقطه وتبكين
حور:خلاص عاد الحين تشوفكم خالتي وتبكي هي معاكم
هزت راسها هديل تجلس على الكرسي تنتظر يخلصون.
قفلت جوالها تناظر المزن و نهار اللي تمكنو من هاللحظه والوقت والزمان وعاشو لحظاتهم ورقصو مع بعضهم وتصوروا
لفت تشوف البنات وثريا امه واخته وزوجة اخوه يصورون وابتسمت لهم وانتبهت لرند الي جالسه لوحدها
،
دخلت غرفة وناظرت سارة هشام الي يعدل شماغه وابتسمت تبخره:ماشاءالله ماشاءلله،قمر
ضحك يبوس راسها ومسك كفها يبوسه :بيجون خالاتي عندك؟
هزت راسها وهي تعدل شماغه ولفت من دخلت العاملة،سارة:جو خواتي؟
هزت راسها العاملة وناظرت هشام :بروح استقبلهم يمه وسلم عليهم قبل تروح
هشام :ابشري
طلعت سارة تستقبل خواتها واخذ جواله هشام وتعطر وطلع من غرفته يقفلها وينزل يسمع ضجيج الي تحت اصوات خالاته وجدته وعيال خالاته ،تنحنح ينطق :يمه فيه احد؟
سارة:لا تعال يمه
دخل يسلم على خالاته وطلع بعدها ما طول عندهم ،ركب سيارته يحرك متجه للزواج الي عزمه عليه سيف .
-
وقفت عن بوابة القاعة واخذت نفس ودخلت مع مدخل النساء تسمع ضجيج الاغاني وتقدمت تدخل تشوف الحضور الي كل شوي يزيدون وضلت واقفه تتأمل ثواني وانتبهت لاختها وهديل ومعهم البنات يرقصون ولفت تناظر ثريا الي جالسه قريب الكوشة وحدها وتناظر البنات الي يرقصون ومبتسمه ،تنهدت تلف وتشوف البوابه الي طلعت من عندها المزن بالزفة الاولى قبل يجون الناس ومشت بأتجاهه ولفت هديل الي مبتسمه تشوف رند الي ادخلت مدخل العروس وتلاشت ابتسامتها ومشت تلحقها
دخلت رند وهي تشوف الغرف ووقفت عند غرفة مكتوب عليها "غرفة العروس "لفت من من سمعت هديل تنادي عليها وتقدمت هديل :ليش جيتي هنا؟
رند :بسلم عليها قبل لا اروح
هديل ناظرتها:رند ليه جيتي شايفتها وقت انزفت لـ زوجها
رند :عادي بسلم و أودعها قبل لا اروح
هديل اخذت نفس وسكتت من خرجت ترف من الغرفة ولانت ملامح هديل تشوف ترف الي تناظرهم ووضح انها سمعتهم رفعت انظارها ترف لـ رند :شعندكم هنا اخت العريس وبنت عمه..،شدت ترف على اخر كلمتين وهي تناظر رند وهي منتبه لضحكة رند الساخرة وكشرت تناظر هديل وتبتسم
هديل:ما فيه شي يالله رند
لفت رند تناظر هديل :ابي اشوفها
هديل تنهدت وناظرت ترف :اذا انزفت شوفيها
رند:يمكن ما تنزف هديل ابي اشوفها..،سكتت من أنفتح الباب وكانت وراه المزن الي نطقت :ليه؟
لفت ترف عليها :زيتونه مو قلت لا تطلعين
هديل:مافيه شي بس كانت بتشوفـ..،سكتت من قاطعتها رند الي وقفت تناظر المزن من راسها لاسفل فستانها وتضحك بسخرية:شفيك زود عني ؟ليه جا لك وحبك وانا الي عمري كله عطيته له ولا التفت لي ابد
تنهدت هديل تمسك راسها صار الي خايفه منه هي وناظرت المزن وترف ولفت انظارها على رند الي ماسكه شنطتها ومكمله كلام،رند:وش فيك زود عني ابي افهم و..،قاطعها سحبه هديل لها تطلعها ومشت معها وهي ماسكه يدها واتجهت للاستقبال تاخذ عبايه رند وتمشي للبوابة وهي رافعة جوالها تتصل على اخوها:رند بيجي تميم الحين وبتروحين معه وبتنسين كل شي نهار خلاص انسيه مو من نصيبك ولا تضيعين نفسك علشان حب مستحيل
ناظرت هديل بصدمه وسحبت عباتها تلبسها :ليش كلكم تقولون لي كذا هو لو ما شافها كانـ..
هديل تنهدت:رند حبيبتي انتي تستاهلين واحد احسن من نهار خلاص اتركي وعيشي حياتك
طلعت رند بدون كلام تركب سيارة اخوها وتنهدت هديل ترجع تدخل بعد ما عدلت شكلها وتقدمت تجلس بجانب حور و خوات ترف
-
خرجت ترف من عند المزن تشوف تجهيزات الزفة مع فرح وابتعدت تراقب الوضع ولفت من وقفت بجانبها ازهار تنطق باستغراب:بنت عمهم وينها؟
أزهار:اي وحده؟
ترف:رند
فرح ناظرتهم:شفتها طالعه مع هديل برا ورجعت هديل لوحدها
ابتسمت ترف تكتف يدينها:احسن
أزهار:ليه تسالين؟
ترف :بعدين اقول لكم بس خلونا نخلص من مزوني و زواجها لا يخرب شي
هزت راسها فرح ولفت ازهار تاشر على الطاولة:تعرفونها ذي؟
هزت راسها فرح ومشت ازهار من شافت امها واشتغلت زفة المزن ونهار ولفت فرح تناظرهم
وانفتح الباب يخرجون وابتسمت المزن بأرتباك تناظر الحضور وشدت على كف نهار يمشون على الممر ورفعت عيونها المزن من غطاريف امها وام نهار وضحكت وابتسم نهار ينتبه لامه الي واقفة قريب الكوشة مع لطيفة وثريا عليها عباتها وحجابها علشان وجود ابو العروس و اخوانها باستقبالها وابتسم لهم، لف يناظر المزن ويحصنها بداخله خوف عليها من كل الحضور وكل هالجمال الي طالعه فيه اليوم همس لها:انتبهي لخطواتك لفت عليه تبتسم ومشت معه على الممر تسمع ضجيج الاغنية وانسيابها والمشاعر الي جاتها بهاللحظة ومن شافت امها باستقبالها تمسح دمعتها وابوها الي يناظرها ورافع طرف شماغه يمسح دمعته ابتسمت لهم تخفف عليهم ،ريحة الورد والشموع والعود والزهور الي مع كل الجهات محاوطتهم بزفتهم ،شد على كفها من توسطو الكوشة والتفت نهار لها يعدل طرحتها وفستانها وابتسم يهمس لها :مبروك يا رقيقة الحُسن
ابتسمت تحتضن ذراعه وباس راسها وصدت هي بعدها للحضور تناظرهم وابتسمت من تقدمت ثريا تبارك لها وبعدها هديل الي ابتسمت تحتضنها :يا كبر حضه فيك ورده بسم الله ماشاءالله عليك
ابتسمت المزن من ابتعدو هديل وامها وجات امها عندها توقف وابوها وما قدرت تتحمل واحتضنته وابتسم سيف يبعد عنها وناظر نهار :لا اوصيك عليها ترا هاذي نور عيوني
ابتسم نهار يهز راسه وسلم عليه فيصل:مبرووك منك المال ومنها العيال
ضحك نهار من نظرات فيصل له:آمين عقبالك يارب
فيصل:مزوني ما ودك ترجعين معي البيت ؟
ضحكت المزن لانه للحين مو متقبل انها بتروح بيت زوجها وابتعد فيصل من جا راكان يسلم عليهم ويبارك لهم واحتضنته المزن فرحتها زادت بوجود سندها ابوها اولهم واخوانها بهاليوم وضحكت من اشتغلت اغنية ورقص فيصل معها وسحب ابوه يرقص معها ودخل راكان و فرح وازهار يعززون لهم من بعيد ويصورون لين اخر شي سحبهم سيف يطلعهم معه علشان ياخذون راحتهم مع ولدهم
ابتسم نهار لها وناظرها صادها عنه تتامل الحضور وانقضى كل هاذا الوقت بين رقصهم مع بعضهم رقص مع امه واخته معه وحتى لطيفه ومن تعزيزات البنات لهم وفرحتهم الي تبين من عيونهم وازهار الي تصور كيف المزن ماسكه كفوفه وترقص امامه وسط ضخب الاغاني وصعدو البنات يصفقون لهم ويغطرفون
ابتسمت المزن الي راح توترها وبانت سعادتها ولفت ترقص مع نهار الي مافي اسعد منه بهاللحظه تتمايل قدامه بشكل يعذبه
لفت تناظر ترف وازهار وفرح الي بعيد رافعين يدينهم يصفقون يبينون لها فرحتهم بها وضحكت لهم وصفقت ازهار تناظر حبهم لبعضهما وصرخت من بعيد من حماسها تصفق لرقصهم وفرحتهم ولفت تشوف الحرمه الي بجانب امها جالسه الي كانت تسأل البنات قبل شوي عنها ومحد عرفها لانت ملامحها تشوفهم يتكلمون وصدت تاخذ نفس ماتدري وش جاها
رقصو وكفوفهم مشابكه بعضها خلف المصوره الملتقطة من المصورين والبنات التفت نهار على امه وهديل :بنطلع ،نادي امي
هديل:تمام اجيبها للغرفة
لف نهار للمزن الي فهمت أنهم بيمشون وناظرت امها :ماما
ابتسمت لطيفة تحضن بنتها وتمسح على ظهرها:حبيبتي مبروك،اذا احتجتي شي اتصلي علي تمام
هزت راسها ومسكت فستانها من الخلف فرح ومشت المزن مع نهار يغادرون القاعة وتدخل غرفتها وعدل نهار بشته ولفت فرح عليها :اغراضك مزون انتظري اجيبها
سكتت المزن تناظر فرح الي ترتب اغراضها ورجفت كفوف المزن من دخلت امها ومدت اغراض المزن لنهار:خذها نهار اغراضها
ابتسم نهار ياخذهم وسكتت لطيفة تشوف بنتها وصدت بعيونها تخفي دموعها الي خانوها ونزلت دمعة على خدها،ابتسمت من جات ثريا وسلمت عليهم تودعهم وتوصيهم على بعض وطلعت معها لطيفة الي بالمثل ودعتهم و وصتهم على بعض
خرجت المزن بعد ما لفت عباتها عليها تستر نفسها ،خرجت مع نهار الي مسك كفها وفتح لها باب السيارة تركب وقبل يسكره جا راكان الي يتطمن عليها وبالمثل فيصل وابتسمت تطمنهم
وابتسمت من انحنى راكان يسلم عليها وهمست له:ترا كاشفه نظراتك لها
رفع راسها منصدم وضحك يرفع يدها لاسفل عنقه :اي نظرات شكلك تخبطين
ضحكت المزن لانها تعرفه:لا ماعليك ..قالتها وغمزت اخر شي وسكتت تبتسم من جا نهار يركب بعد ما سلم على ابوه واخوانه وناظرهم ونطق نهار:تأمرون على شي
سيف ناظر عبدالرحمن ونطق:استودعناكم الله
ابتسم نهار وسكر باب سيارته بعد ما ركب بجانب المزن وحرك يخرج من الباركينق ولفت تناظره المزن يسوق وابتسمت تأخذ جوالها وتصور مسكتها الي تجمع اول احرفهم وكف يده الي مشابكه كف يدها والتفت عليها نهار من شافها تصور وابتسم من نزلت جوالها يرفع كفها لشفايفه يقبلها ولف يناظر طريقه ورفعت جوالها المزن ترفعه تتصور معاه وعض شفته نهار يبتسم وتبان غمازته ولف يوقف عند الدرايف ثرو ولف اها :شتغين اطلب لك؟
ابتسمت لانها ما اكلت من اول ما بدت تجهز من توترها ولانها بدت تجوع وما عندها وقت تاكل فيه وناظرته :نجرب ذوقك
دخل وفتح زجاج سيارته يطلب لهم ولف يناظرها لثواني واخذ عشاهم يحطه بالخلف ويحرك سيارته يطلع من المطعم
،
دخلت ترف تناظر خواتها ونطقت توجه كلامها لمرام :مرام بروح مع البنات ازهار وفرح تمام
مرام :معليك بجلس عند ابوي
لفت فرح عليهم :ترف تعالي ساعدينا نلم الاغراض نطلعهم لراكان
هديل ابتسمت وهي تدخل تشوفهم:اساعدكم
ترف :ودي استحي واقول لا بس لا تعالي
ضحكت هديل عليها ولفت فرح تناظر هديل :ما وقفو رقص ذولي
هزت هديل راسها بالنفي :عمتك هاشتهم تو علشان يساعدونكم بس اشوفها دخلت معهم ترقص
ضحكو البنات لانهم يعرفون دلال تهاوش بس بالاخير تسحب على كلامها وتدخل بجو البنات علطول
اخذت ترف عبايتها تلبسها وتناظر هديل الي عليها عبايتها ونطقت ترف:تعالي معاي نحطهم بالسيارة
ناظرت شكلها بالمرايه هديل ومشت تطلع خلف ترف وكل وحده بيدها اغراض وناظرت حور هديل تنطق :على وين
هديل:بساعدهم وترا ثابت ينتظرك
كشرت حور:ادري قلت له يصبر بس شايب
ضحكت هديل ونطقت :نادي البنات يساعدون فرح داخل لا يخلونها
حور :وانتي ماشاءالله ماصدقتي انكم صرتو انساب وصرتي معهم
مشت هديل تتجاهلها وخرجت وناظرت دلال ولطيفه خارجين وابتسمت لهم تناظر ترف :تبغين المزن؟
ضحكت ترف تخرج:ما ادري كيف بتصير بدوني المزن
هديل ابتسمت:حبيبي تلقينها نايمه بالعسل ولا تعرف مين انتي اصلاً
ضحكت ترف ولفت تناظر فارس الي واقف ومشت لسيارتها ولف فارس يناظرها وتقدمت هديل لعند اؤس الي يناظر جهة سيارة ترف ونطقت :معانا يالطيب
أوس لف عليها :شتبين انتي الحين
هديل ابتسمت :بترجعني ترا امي راحت مع ابوي وسحب علي
هز راسه أوس:ايه ادري ببتلش فيك
ناظرت راكان الي وقف عند سيارته ويكلم. وصدت علشان ما ينتبه أوس عليها وشافته متنح وضربته من كتفه :ولد اثقل
ضحك وولفت تبي ترجع ولاحظت وهج الي بالسيارة وضحكت من فهمت نظرات أوس :خفيف الله يخلف عليك .
طلعت ازهار من ارسل لها فارس تطلع ووقفت عنده تناظره:وش تبي وش الضروري
فارس :كلمني عصام
توترت تعدل وقفتها وتسمعه يكمل كلامه :يبي يستعجل بالملكه يبيها بهاليومين
هزت راسها ونطقت تبتسم:تمام
ضحك فارس:يمدحون الثقل
أزهار:ايه زي ثقل ترف عليك ؟طلعت روحك كلها
صد فارس وابتسمت ازهار تحره:فاتك الموفي
لف فارس عليها وغمزت له ازهار وخرجت للمواقف تركب سيارة ترف و ركبو البنات بعدها ورجعو البنات بيت سيف يكملون سهرتهم هناك
-
عطوها حقها