يا رقيقه الحُسن و يا دقيقة الاوصاف يا كُل مُصطلحات الجمال والإذهال ياغيمتي

١٠

ومسحت دمعتها الي تمردت ونزلت على خدها ،مرت ساعة ثانية وهم ينتظرون قدام غرفة العمليات،قام من شاف الدكتور طلع واتجه له وقامو كلهم يتقدمون له ،راكان و نهار ناظرو بالدكتور يسالونه عنها بنظراتهم ،تنهد الدكتور وهو يناظر فيهم ويبتسم بخفه:الحمدلله العمليه نجحت والحين بنطلعها لغرفتها بس احتمال كبير انها تدخل غيبوبه فتره قصيره
راكان مسح وجهه :طيب كيفها الحين نقدر نتطمن عليها
هز راسه :ايه تقدرون بس بعد ما نوديها لغرفتها
هز راسه نهار وهو يبتسم للدكتور:مشكور
الدكتور:واجبنا
مشى يبتعد عنهم ومشى راكان يدخل على فرح وشافها صاحيه وامه وعمته حولها جالسين وابوه مع فيصل واقفين ابتسم وناظر فرح :الحمدلله على سلامتك فروحه
ناظرته وعيونها مغيمه من دموعها وقرب لها يحضنها:ليه ليه
رفعت نظرها له :راكان قول لي انها بخير تكفى
ناظر ابوه وامه وهز راسه ومسح دموعها وابتسم:توه مبشرنا الدكتور يقول انها بخير وبيودونها غرفتها وبتشوفينها وبتصحى ان شاءالله ،كان يتكلم وهو يبتسم غصب ويحاول يكبح دموعه لا تنزل قدامهم
سيف قام وهو يرتكز على يد فيصل الي انمدت له :طلعوها ،بروح اشوفها
ناظر ابوه وقام يمشي يسانده ويطلع وناظر امه الي قامت تمشي معهم يساندها فيصل وجلست ازهار الي دخلت بعد ما طلعو عند فرح..
كان واقف قدام الباب وده يدخل يتطمن عليها منظرها كسره وهزه جلس على الكرسي ورفع انظاره لفارس الي تقدم له بكوب ماء،فارس:حمدالله على سلامتها
هز راسه وقام من شاف ابوها وامها جايين وراكان وفيصل، تقدم يسلم عليهم :الحمدلله على سلامتهم
هز راسه سيف :الله يسلمك ياولدي
تقدم فارس ل امه وفتح الباب راكان يدخل ويدخل وراه ابوه وامه وفيصل وشافو ترف جالسه عند سريرها وتمسح على راسها ومن انتبهت لهم عدلت حجابها توقف من دخلو سوا كلهم وسكرو الباب جلست لطيفه بالكرسي الي كانت جالسه فيه ترف قبل يجون وجلس سيف بالمثل بجانب السرير مسك يد بنته يمسح عليها ونزلت دموعه ،ناظرت عمها سيف وما قدرت تتحمل اكثر وانتبه لها من مشت تطلع وطلع خلفها ودور نهار بعينه وما حصله وشافها تبتعد و ركض خلفها ،طلعت من المستشفى توقف برا منظر صديقتها واخت روحها قوي عليها الجروح الي بكل مكان من وجهها ويدها المكسورة والشاش الي ملفوف على راسها ما قدرت ،ما قدرت تتحمل وزاد عليها بكي سيف ابوها وامها لطيفه هي انصدمت من قال لها فارس ما توقت بيوم بيجي احد بيقول لها اختها وصديقة عمرها مفقوده ولا يدرون اذا حيه او لا وبالاخير يطلع صاير لها حادث يروع هي من شافت منظر السيارة ما
توقعت ولا واحد بـ الميه تكون عايشه،لفت من حست باحد مسك يدها
ناظر محاجر عيونها الي تحولت لـ اللون الاحمر شاف عيونها مغيمه من الدموع وخشمها الي محمر اثر بكيها تنهد ينزل نظره بعد ما تامل ملامحها ثواني ونطق:فيك شي
ارتخت اكتوفها وهي تهز راسها وتقدمت له تحضنه بدون شعور منها تحتاج حضن تحتاج احد تستند عليه هي منخوفها انهد حيلها و هو، هو ما ردها اصلاً ما يعرف كيف جات لحضنه كذا تلخبطت مشاعره كلها هو كان ناوي يقول لها تجلس عندها بعد ما يروحون بس هي من ضمته طيرت كل حروفه وترك يدها ،ابتعدت بعد دقايق طويله وهي تمسح وجهها:اسـفه
ما استوعب شي لاكنه نطق :لا عادي عادي
مشت بتبتعد بس وقفها بصوته:انتي صديقتها ترف صح؟
هزت راسها وهي تناظره من تقدم لها:ممكن تجلسين عندها بعد ما يرجعون خالي وزوجته
هزت راسها بايه بدون لا تنطق ومشت تبتعد وتدور سيارتها بترجع البيت ترتاح وبعدها ترجع هنا صار لها خمس ساعات وارسلت لاختها انها جايه ركبت سيارتها تحرك تطلع من المستشفى تتجه للبيت ..
واقف بمكانه ما تحرك ما قدر يتخطى الي صار قبل دقايق ،هي كيف حضنته كذا وبكت على صدره بدون لا يسوي شي او يبعدها عنه مو قادر يستوعب ،رفع جواله الي يرن من شوي ولا انتبه ،زفر يرفع يده لحاجبينه و يرد على الاتصال ،عقد حجاجه مصدوم وشتم بعصبيه من كمل له سلمان:كيف مزور اوراق؟طيب نهار وينه مو عندك؟
تأفف بضيق ومسك شنبه واستغفر:خلاص خلاص بـ اتصل عليه انا يمكن يرد علي
سكر من سلمان وتوجه للداخل يوقف قدام غرفه المزن ما دخل وانتظر راكان يطلع له بعد ما راسله،طلع وهو يسكر الباب خلفه:وش صاير
فارس :الـ***سالم بعد ما مسكوه اليوم علشان القضية الي رفعها نهار ...،سكت ثواني وناظره راكان بمعنى "كمل"،تنهد يتلفت ويرفع يده لشعره يرجعه لورا:علشان القضية،وقبل لا ينمسك طلع مكلم المزن واحتمال كبير انه هو السبب ورا الحادث
ولعت نيران بداخله من سمع كلام فارس وتقدم وهو يشوف راكان يحاول يهدي نفسه وابعد يضرب الجدار من حرقته ،مسك فارس وانصدم فارس من وجوده :نهار!
نهار تغيرت ملامح وجهه من عصابيته وغضبه:وش تقول انت ،ذا الـ*****سبب الحادث
مسك يدينه يبعده عنه شوي ويهديه:نهار ،للحين ما تأكدنا بس هاذا الواضح وحسب الكميرات الي كانت عند مبناهم فيه سيارة كانت تراقبهم او تلاحقهم بالاصح
هز راسه ومشى يطلع هو ناويه نيه وما بيخليه بحاله دامه وصلت فيه المواصيل كذا لحقه فارس و راكان الي ما يقل عنه بس يعرف يتدارك نفسه ،ركب سيارته ولحق عليه فارس يركب معاه قبل يمشي ،فارس:نهار ،هد اعصابك ،اسمعني بكرا محاكمته وبينسجن ونرتاح،وش بتقدر تسوي الحين لو تسوي شي واحد بس يضيع كل مجهودك للسنوات الي راحت وانت تحاول تمسك عليه شي وتسجنه
ما رد عليه وهو مسرع بسيارته ولا يوعي شي بس يبي ووده يخنق سالم بيده لانه بدا يتمادى بنظره هو سكت وكان يحاول يمسك نفسه لا يكفر فيه علشان بس يتنفذ الحكم عليه بالسجن المؤبد بسبب سواياه والممنوعات الي يهربها ولعبه بفلوس الناس ،الحين يوم جاء موعد المحكمة وهو عارف انه هالمره ما بيقدر يهرب منها زي كل مره قرر يسوي فيهم شي يخليهم يندمون انهم لعبو معه ،تنهد فارس للمره الاف وهو يناظر فيه:وقف وقف على جنب ،وقف بعد اصرار من فارس وسمع صوت الاذان ولا شعوريا مسح على وجهه وبدا يردد وراه
ناظره فارس و رفع جواله يرد على الاتصال:سمي
دلال :فارس امي وينك انت و راكان مو موجودين برا
نزل راسه ثواني و رفعها يلتفت لـ نهار الي نزل من سيارته ويتجه للمسجد القريب منهم ،فارس: انا طلعت اخلص لي شغله و راكان كان معي بس مل واحد راح بسيارته
يعني مو معي هالحين
دلال:زين ،دقيت عليه ما يرد وقلت اتصل عليك بنرجع البيت حنا الحين مع فيصل واختك بتجلس مع فرح اليوم وبكرا بيطلعون
هز راسه بزين يدعي انها تشوفه:تمام ،اذا خلصت انا برجع لهم للمستشفى
سكر منها بعد ما سمع دعواتها له ونزل من السيارة يلحق يتوضأ ويدخل يصلي المغرب
~
مر اسبوع كامل وهو كل يوم يجي ويجلس عند الباب ما يدخل ،واليوم دخل وهو يحس بشعور غريب يحس براحه كبيرة من قام وهو يسمع ابوه يقول بيزور اهلها يتحمد لهم بسلامة بنتهم وسمع امه وهديل يخططون يزورونها ،هو عرف بالصدفه من اختها انها موافقة عليه وزادت حرقته عليها كان وده يسمعها منها بس ما حصل ،يشوفها متمدده قدامه كل ما فتح احد الباب يشوفها بس اهوا للحين ما دخل عندها
تقدم وهو معه كوب قهوته يحاول يخفف الصداع ويصحح له كم يوم ما نام زين هو عقب المحاكمة والي صارت بعد يوم من الحادث
«يوم المحكمة سالم»
دخل وبيده ملف الاوراق وشنطته والعباءة السوداء الخاصة
بالمحامي دخل ودخل معه فارس و راكان وقدامه يشوف سالم الي مكلبشه يدينه ومعه محامي لـ الدفاع عنه ،جلس مكانه ودخل القاضي وبدأت المحكمة ،كان يتكلم ويتهمه بكل الاشياء الي سواها لدرجة المحامي حقه ما قدر يدافع عنه واثبتت عليه كل شي من الادله الي جمعها نهار الي تثبت اقوى اثبات انه مروج ومهرب ممنوعات ومن غسيل أموال ،ناظر سالم بنظرات لوهي رصاص طرحته قتيل وصد انظاره عنه يناظر القاضي ينهي كلامه ويجلس ،وانتهت الجلسة بحكم عادل بالنسبة لنهار مع انه كان يتمنى بسبب انه تعمد الحادث للمزن وفرح ،تمنى يكون اعدام ،بس انحكم عليه مؤبد وانتهت يطلع هو ويطلع خلفه فارس الي تقدم له يركض ويحضنه ويهنيه ..
نرجع»
رفع راسه من انحنت له الممرضة :انت من اهل المريضه؟
فز يقوم وهو يهز راسه هو يعتبرها من اهله وله وتصير له كل شي لـ هالسبب هز راسه بايه ،انتبهت لخوفه وابتسمت :لا تخاف ما فيها شي الحمدلله مؤشراتها كلها زينه بس حبيت ابلغك احتمال تصحى قريب
ابتسم براحه ومشى يفتح الباب بتردد كبير بعد ما راحت الممرضه،فتح الباب يدخل ويشوفها بشكلها الي يكسره قرب وهو يشوف ملامحها الذابلة عض شفته وتقدم يجلس على الكرسي ويمسك يدها ويرفعه له يبوس كف يدها :اصحي بس كوني بخير هاذا الي ابيه ،الحين محد بياذيك سالم انسجن ...سكت ثواني ورفع راسه يتأمل ملامحها:اخذت حقك منه ،بس انتي اصحي وتعالي لي بفتح حضني لك ما بردك ابد ،اشتقت لمحجرك الخضر الي تلتني من اقصاي ،حنى راسه لكف يدها يستودعها الله ويهمس بدعوات لها ،رفع راسه من حس باصبعها تحرك ناظر وجهها ثواني ورجع نظره ليدها الي تحركت مره ثانيه وابتسم من الفرحة يقوم يوقف ولا زالت يده محاوده كفها وتشد عليه ،نطق نهار بعد ما انحنى لها يناظرها :المزن ،تسمعيني المزن
ككر اسمها وااتسع مبسمه من رمشت عيونها وصحت وبدون لا تتحرك كانت تشوف المكان ولا تتذكر كيف جت هنا اخر شي تذكره انها كانت مع فرح بالسيارة وصدمو شي مسكت راسها من حست بوجع وغمضت عيونها :اخخ
شد على يدها وانتبهت له ونطق وهو يناظرها:بسم الله عليك من الـ آخ، يوجعك شي انادي الدكتور
هزت راسها بالنفي مستغربه وجوده وابتسم بوجهها وناظرت فيه بتساؤل:نهار
نطق بحنيه :عيون نهار آمريني يا مزون القلب
عقدت حجاجه تبتسم بخفيف:كم صار لي هنا وليش انت موجود امي وابوي وينهم ...،سكتت من حاولت ترفع نفسها وتالمت من جرحها،نهار:بسم الله عليك،لا تتحركين
ناظرته من عدل لها السرير وجلس على المرسي يجاوب عليها:صار لك اسبوع هنا ،وعمي سيف وامك بالبيت بالعاده يجون بدري بس اليوم تاخرو حتى صديقتك تأخرت
سكتت بدون رد وناظرته بتسال وهز راسه:أختك بخير وماجاها شي الحمدلله
نزلت راسها تبتسم وابتسم هو من ابتسامتها ما تدري كيف فهمها او عرف انها بتسال عن فرح بس الي تعرفه انه يجاوبها ويراعيها بشكل حنون رفعت راسها من انفتح الباب و دخلت الممرضه الي ابتسمت اول ما شافتها صاحيه :صحت الاميره النائمه الحمدلله على سلامتك
ابتسمت لها تهز راسها ونزلته تحس بخجل من وجوده وهي بشكلها التعبان وبدون شي يسترها كان يناظر فيها مستلذ بخجلها بس ما طال من قام يطلع ويرد على اتصاله ،تنفست براحه من طلع وناظرت الممرضه الي عندها :ممكن تساعديني اروح الحمام "تكرمون "،هزت راسها بأيه وهي تبتسم من خجل المزن الواضح لها ونطقت وهي تمشيها :هاذا زوجك المفروض ما تخجلين منه
صعقتها بكلمتها ولا قدرت تتكلم
سكر جواله من خلص مكالمه وارسل لـ راكان يقول له انها صحت ولف من طلعت الممرضة تكلمه :ادخل علشان تساعد زوجتك لا خرجت من الحمام"تكرمون"
ضحك بصدمه ونطق:الله يسمع منك وتصير زوجتك صدق
ما سمعت كلامه لنها مشت تتخطاه وهو دخل بدوره وانتبه لباب الحمام ينفتح وطلعت منه هي ومشى لها يساعدها بنا انه ما فيه احد والممرضة سحبت عليه ناظرت فيه من تقدم وزاد خجلها واحمرار وجنتيها من مسك ذراعها يوصلها للسرير
نطقت بهمس مسموع:مشكور
ما رد من رن جواله للمره الثانيه واضطر يطلع يرد عليه ..
~
«بيت سيف»
دخل البيت وهو توه راجع من دوامه دخل بلبسه وناظرهم جالسين يفطرون كان وجهه يبتسم ووده يصرخ من الفرحة،تقدم لابوه يبوس راسه وبعده امه وعمته ،راكان بابتسامه:صبحكم الله بالخير
ناظرت فيه لطيفه وهي ابتسمت من ابتسامته ونطقت بخفوت يسمعونها لنهم ساكتين:يصبحك بالنور يا امي ،تعال افطر
سيف عقد احجاجه :وينك انت ادورك الفجر ما حصلتك
هز راسه واخذ ماء يشرب:كنت فمكتبي ،بس ما ودكم نروح للمستشفى!؟
هز سيف راسه:ودنا اكيد بنزور مزوني بس المستشفى مانع الزيارات الكثير قالت نجلس والعصر نروح لها انا وامك دام ترف عندها
هز راسه وناظر فيهم وكلهم مستغربين منه ورفع انظاره لفرح وفيصل الي اكيد بيفهمون عليه ونطق فيصل بعد ما شاف نظراته ونزل نظره لاكله :تناظرنا كذا بتقول مزوني صحت من غيبوبتها!
هز راسه راكان وهو يناظر فيصل الي عرف بس ما بعد استوعب و فرح وازهار الي يناظرون بعض وانفجعو من صرخ فيصل بعالي صوته :احــلــف
ضحك راكان وهو يناظر بامه وابوه الي من فرحتهم بكو ونطق فيصل الي تقدم ل راكان :شفتها انت ،رحت لها ولا علمتنا
هز راسه بالنفي :لا لا ،بس نهار عندها وبلغون انها صحت
نزلت دمعة لطيفه من الفرح وهي تحمد ربها و دلال الي قامت تأكد الي سمعته من راكان :صادق ؟يعني رجعت لنا مزون؟
هز رأسه بأيه ونطقت بدون استيعاب منها:اذا هو باقي عندها قوله يصورها لنا اخاف اروح المستشفى ولا احصلها
ضحك فيصل والبنات معه ونطق سيف :ما يكذب يا اخيتي والحين بنروح لها
لطيفه وهي مبتسمه وحاضنها فيصل:كيف يصورها يا دلال ما يصلح الله يهديك
هزت راسها:مو اهو خطيبها وهي موافقه عليه !،يصلح يصلح
ناظرت فـ راكان وابتسم:بوديك لها الحين ،ما يحتاج يصورها اذا رحتي صوريها انتي بجوالك
ضحكت فرح تقوم من مكانها:خذني معاك
ونطقت ازهار الي قامت معها:وانا بعد ،ثواني اجيب عباتي
قام سيف من مكانه وهو ينطق:كلنا كلنا بنروح لها
راحت دلال تاخذ عباتها وعبات لطيفة وتقدمت لها تمدها و لبست عباتها وناظر فيهم راكان:تنتظروني لين ابدل ملابس واجيكم
هزت راسها لطيفه:روح يا امي روح ،تقدم يبوس راسها ومشى يصعد لغرفته على نزول البنات ونطق فيصل :ابوي تروح معي؟
هز راسه:انا وامك معك وعمتك..،ما كمل من قاطعته دلال تنطق:ما عليك ننتظر راكان انا والبنات روحو مع فيصل انتم
هز راسه بزين وهو يبتسم لاخته ومشى يطلع و ورها فيصل الي ماسك يد امه وتقدمو لسيارته وفتح الباب الامامي لابوه يركب وبعدها فتح الخلفي لامه ورجع هو يركب قدام بعد ما ركبو ،حرك يطلع من اسوار البيت وابتسم من نطق ابوه بصرامه:انتبه لـ الطريق ولا تسرع
رفع يده يطق تحيه له:ابشر
ضحكت لطيفه وابتسم سيف ومد يده يشغل اغنيه فيصل ويغني معها ..
~
ميلت راسها تناظر الشباك البعيد عنها وتحس بجوع هم توهم
جابو لها الاكل بس ما اكلت لقمه منه ما يعجبها اكلهم تأففت وهي حاطه يدها على بطنها تتحسس مكان الجرح وكشرت بالم من اوجعها ورفعت راسها من انفتح الباب و دخل بيده اكياس ومشروب ،ابتسم لها :جبت لك فطور احسن من اكل المستشفى
صدت تخفي ابتسامتها ولفت من نطق :تحبين الكركديه؟جبته لك
ابتسمت ترد عليه وهي تناظره يطلع الاكل:اعشقه مو بس احبه
ضحك وناظر فيها ينطق بهمس تسمعه:يا كبر حظه
حست بالحراره تجري فيها من قوه الاحراج الي حست فيه ومدت يدها تاخذه من مده لها ، جلس على الكرسي ونطق :سمي بالله وافطري
ناظرت فيه ثواني ومدت يدها تاخذ من الجباتي وتاكل ،قام وناظرها:بطلع انا الحين بس لازم تكملين فطورك
تركت الي بيدها وهي تناظره يعطيها ظهرها ونطقت كانها تبيه يجلس:ليش؟
لف لها مستغرب سوالها :ليش!؟،هزت راسها واستوعبت نفسها وصدت عنه،ضحك:بطلع من الغرفه بس وبجلس برا علشان اهلك بيجون مو حلوه يشوفوني معك وانتي ما بعد صرتي حليلتي
حست وجهاا بينفجر من الخجل والاحراج وهز راسها بزين وابتسم على خجلها ومشى يطلع بدون لا يقول شي زياده وتنحرج ،اول ما طلع بعدت اللحاف وتهف على وجهها من حست بالحر واحمرار وجنتيها رفعت كفوفها لوجهها تغطيه وصرخت بس كتمتها وتالمت يدها المكسورة ونزلت يدها على بطنها تمسك مكان الجرح :غبيه ليه تسالينه كذا
اخذت مشروبها تكمل اكلها وهي ودها تساله ليش للحين عندها..
رجع لمكانه بعد ما جاب له قهوة هاذي المره الخامسه الي يشرب فيها قهوة،انتبه لفيصل الي نطق بصوت عالي :النسيب
ابتسم له وتقدم يحضنه فيصل وابتعد بعد ثواني عنه علشان يسلم على ابوه ونطق نهار وهو يتقدم يسلم على سيف ويبوس راسه :شلونك عمي والحمدلله على سلامتها
هز راسه سيف وهو يبتسم:بخير يا ابوك الله يسلمك ويجزاك خير ويبشرك بالي يسرك دامك بشرتنا بصحوتها يا وليدي
ابتسم نهار وقبل راسه مره ثانيه:الله بجزاك خير امين
مشى يدخل سيف ودخل بعده فيصل وانا نهار الي من شافهم جايين لها قرر يرجع للبيت يريح ويعلم هديل وامه انها صحت وطيبه ..
ناظرت بامها اول ما دخلت وتسمع صوت ابوها يكلم نهار برا وابتسمت تنزل دموعها من فربت تحتضنها لطيفه وتبوسها :الحمدلله الحمدالله على سلامتك يا ابوي انتي ودنيتي الحمدلله
ابتسمت تمسك يد امها ترفعها لها وتبوسها وانتبهت لابوها الي دخل ووراه فيصل ،فيصل:اوه الاميره النائمه صحت ،تقدم لها خلف ابوه:حبيبيتي بالعالم الموازي الحمدلله على سلامتك يا روح اخوك
ضحكت من انحنى يقبل راسها و وجنتيها وتقدم سيف ورفعت نفسها بتبوس راسه بس رفض وهو بناظر يدها :ما يحتاج يا ابوك انا الي بنحني وابوس راسك
هزت راسها بالنفي وهي عجزت يطلع حرف واحد منها من انحناء ابوها لها يبوس راسها ناظرت فيه من جلس ومسكت كفها لطيفه :جابو لك اكل ؟ولا تبين نجيب لك من برا
هزت راسها بالنفي ونطق فيصل الي جلس على طرف السرير عند رجولها:من جايب لك الفطور هاذا،اشر على الطاولة ولفت تناظره لطيفه وناظرته المزن ونطقت بهدوء صوتها :المحامي
ابتسم سيف لنها ما نطقت بأسمه وضحك فيصل ،لطيفه ابتسمت :الله يجزاه خير ،ما خلاك ولا يوم كل يوم نجي نلقاه موجود قبل حتى نجي شاريك هالولد
أبتسمت ورفعت راسها من انفتح الباب تسمع صوت فرح وازهار ابتسمت ومدت يدها لفرح وتقدمت تحضنها وهي ماسكه دموعها وتمسح على راسها :ما جاك شي !الحمدالله
ابتعدت وهي تمسح دموعها:خوفتينا عليك، رجعت تضمها:الحمدلله على السلامة مزوني
ناظرتها دلال بعيون دامعة ومبتسمه قرب منها فيصل يحضن كتوفها :عميمه بخلصون دموعك عليها ترا !
ضحكت وضربته من كتفه:وشدخلك انت دموعي ولا دموعك
ضحك ومد يده يمسح دموعها:دموعك دموعك بس بيخلصون عليها شدعوه
ضحكو كلهم ونطق سيف الي قام باتجاه اخته :وخر عنها شدخلك فيها بعدين
ناظر امه وهو مطير عيونه:امي شفتي الخيانه ،هز راسه وكشر ملامح وجهه:انا اقول لك من الحين يمه لا تخلينه ينام بالغرفه اطرديه
توسعت عيونه سيف مصدوم من ولده وضحكو البنات عليه ،ونطق راكان بعد ما ضحك وهو يناظره :شكلك انت الي بتنطرد من البيت
ناظر ابوه وهز راسه:ما يسويها ابو راكان ما يقدر بدوني
ناظرته فرح :يقدر يقدر ،ناظرها وكشر بوجهها وناظر بالمزن وغمز لها :عندي ضمان ما يقدر عليه
ناظرته وهزت راسها بـ لا وكشر يبتعد عنها ويجلس على الكنبه الموجوده بالجناح حقها ،ازهار همست لـ المزن من انشغلو عنها يسولفون :كان موجود هنا واضح انه خايف عليك
ناظرتها وهي تلخبطت مشاعرها كلها  من كلامه وكلام ازهار الي كملت:وتخيلي،هو الي متبرع لك بالدم وهو الي حصلك
صدت ثواني ورجعت تناظرها من همست تكمل:قال لي فارس انه اول ما عرف عنك اختلف صار يدور بالمستشفى كامل يدورك ..،سكتت ولفت لفرح الي تكلمها ومشت تجلس على الكنبه بجانب فرح ولفو من انطق الباب واتجه له راكان يفتح وناظر بباقه الورد الكبيره وانبهر:واو ،
ناظر راكان وهو يقول :غرفة المزن سيف؟
ابتسم وهز راسه ياخذ الباقه من مدها له:اي،مشكور ،سكر الباب ومشى يتجه للمزن وحطها عنده قريب لها علشان تشوفها وابتسمت لانه ورد صغير  ،ناظرت للكرت الموجود واخذه فيصل الي قام اول ماشاف الباقه ،فتح الكرت يقراها:الحمدلله على سلامتك ..،ميل شفته:بس هاذا المكتوب
سحبت منه الكرت :لا تتليقف يمكن ما تبغاك تناظر
ناظرها بطرف عينه من مدت الكرت للمزن الي تتامل الورد :شعندها المحاميه ازهار
ضحكت المزن من محارشهم لبعض ونطقت وهي تناظر عمتها وامها:امي تكفين انتي وعميمه زوجوهم بعض والله يناسبهم
ضحكت دلال ونطقت لطيفه الي بالمثل ابتسمت:كان نبتلش فيهم انا وعمتك
ناظرتها ازهار وتخصرت:لا شكراً حياتي انا بعيش سنقل احسن لي من ...ناظرت فيصل وشمقت له ورجعت تجلس بالكنب ،وضحك بسخريه :لا ما نصلح وبعدين بتبتلشون فينا لا لا كنسلي
ضحكو عليهم ومسكت المزن بطنها من قوة الضحك تتألم:الله يقلع بليسك يا فيصل
خاف عليها وناظرها بتفحص وضربه راكان:يقلع بليسك وخر
فيصل :معليش اسف والله،يوجعك شي؟انادي الطبيب؟
هزت راسها بالنفي وابتسمت تطمنه:لا لا ما يحتاج بس علشان ضحكت وحركت نفسي
هز راسه بزين ولف يناظر جهت الكنبه بدون ما يحس وصد بسرعه من شمقت له ازهار وضحكت عليهم فرح ..
دخل البيت وابتسم من ركضت تحضنه هديل ،استغرب بس نا قال شي وبادلها الحضن وابتعدت عنه وهي مبتسمه:الحمدلله على سلامتها
عقد حجاجه وضحك:الله يسلمك ! مين؟
ضحكت ونطقت ثريا:المزن ،الحمدلله على سلامتها طيبه؟عساها بخير
هز راسه :ايه الحمدلله بخير، ناظر بهديل الي تضحك وهز راسه بمعنى وش فيك ،هديل:اقول امي وش رايك نروح نزورها
ابتسمت :نروح نروح ليه ما نروح تستاهل من يتعنى لها مزون
ابتسمت هديل وهي تناظر نهار  ولفو من دخل ثابت معه اديب ودخلت خلفه حور ابتسمت ترحب فيهم ثريا وتقدم لها ثابت يسلم عليها ويبوس راسها واخذت منه اديب :هلا بحفيدي هلا بوليدي
ضحك نهار الي جلس بعد ما سلم على ثابت ،وسمع اديب. الي نطق جده:اخس صار يتكلم هالنتفه
ضحكت هديل وناظرت حور :وين الغيبات ست حور؟
ابتسمت بعبط :اشتقتي لي؟
كشرت بوجهها تحضنها:لكم فقده الصدق حتى اديب ما عاد صرت اشوفه لما انزل الظهريه
ابتسمت وهي تناظر ثابت ونهار الي يلعبون اديب مع ثريا:الصدق حتى انا بس كل هالاسبوعين صايره عندي منوبات وعمليات كثير ومخليه اديب عند امي وصادفت ان ثابت بعد انشغل فا اختفينا كلنا ومعذورين
هز راسها بايه وميلت شفتها ،ابتسمت ثريا وهي تشوف نهار الي شايل اديب ويلعبه يرقص معه :عقبال ما اشوف عيالك قريب
ابتسم لامه و عطى اديب امه ومشى يصعد فوق
دخل غرفته وتمدد على سريره بعشوائية من تعبه وقلة نومه الفترة الي راحت كلها اذ جواله يدخل على محادثته معها وارسل لها"وصلك الورد؟"ابتسم يتخيل شكلها وبجانبها الورد "الحمدلله على سلامتك اخر الاوجاع"،كتبها و ارسلها و ارتخى جسمه واستسلم لنومه..
السآعة 7:34المغرب ،ناظرت ترف الي واقفه ترتب الاغراض الي جابتهم :توته وش له كل هالأغراض؟،ترا كلها يومين وبطلع
هزت راسها:وهاليومين ما ابي ينقصك شي هنا زيتونه
ابتسمت وهي اشتاقت لـ اللقب منها بالذات :تعاليلي احضنيني احسني ناقصه حنان
ضحكت ترف وهي تتقدم وغمزت لها:خلي المحامي يحضنك يعطيك كل الحنان
هزت راسه بالنفي وقوست شفايفها :لا ،ابيك انتي ،ضحكت ترف وتقدمت لها تحضنها :لهدرجه حلو حضني؟
بعدت عنها وكشرت بوجهها:تـرف
ضحكت ويحبت الكرسي تجلس:صدقيني ماهو احلا من حضن المحامي ،غمزت نهاية كلامها وهي تشوف المزن تدور شي تضربه فيها وتعالى صوت ضحكتها تخلي المزن تضحك معها ،ترف:مزون
ناظرتها المزن وعقدت حجاجها:اعرف هاذي النبرة قولي
ابتسمت :دامك تعرفينها وتعرفين وش وراها ليه للحين ما نطقتي شي حتى اهلك ما بلغو اهله
هزت راسها:ترف توني صاحية كيف بقول له تكفين
هزت راسها بالنفي:ما اقصد الحين اقصد قبل ليه ما بلغتيه بالموافقة كنتي تقولين لي عنه وكيف جا شعورك حلو وقتها قلت بترد بنفس اليوم بس شكلك ناويه تماطلين لين حصل الي حصل
نزلت راسها تناظر يدينها :قلت لـ بابا ردي بس قلت اصبر لا يقولهم بسرعه كنت متخوفه شوي توته ما اعرف مشاعري للحين ملخبطه ما اعرف ،تنهدت ترخي اكتافها:ما اعرف ترف
ابتسمت تمسك كفوفها:استخرتي و ارتحتي وش تبغين بعدها وشفتيه كيف يبيك وش تبين اكثر
ما جاوبت عليها بس تناظرها وتنهدت ترف تبتسم :انا لو ما ادري انك تبينه كان ما قلت لك كذا ،بس اعرفك مزون اعرفك لما تتعلقين بشخص وتحبينه وش يصير فيك لا ابتعد عنك واشوفك انتي الحين تبينه تبين المحامي بس مو قادره تقولين لنك خايفه من شي ما صار ولا عشتيه
تخافين نهايه علاقتك معه تكون فراق صح؟تخافين يكون حبه لك مجرد اعجاب لا اكثر ،وتخافين من نفسك انك ما تعطينه الي يستحق
ناظرتها وهزت راسها تغيم عيونها :تـرف
ابتسمت تهز راسها :اعرفك لو ما تتكلمين ،انا شفته كيف يحبك عطاك دمه ومافارق المستشفى لو يوم واحد وكيف يسال الدكاتره عن حالك كل يوم وبعطونه نفس الجواب وانتي شفتي انك اول ما صحيتي حصلتيه عندك ما بتلقين احد نفسه
تسمع كل كلمه تقولها ترف وتعرف انه ما بتلقى احد يهتم فيها ويبيها وشاريها كثره ،مسحت خدها من تمردت الدمعه تنساب على خدها احمرت محاجرها الخضر وقربت منها تحضنها ترف ..
كان واقف عند سيارته ويناظر المشتل الي قدامه مليان ورد عقد حجاجه من طلعت من بين الورود تمشي باتجاهه وهي مبتسمه ويحضنها بين ايدينها ورد كثير إبتسم يتأملها ويعدل وقفته من وقفت قباله تبتسم كان يبتسم ويتامل ملامح وجهها وعيونها الشبه حاده الخضر تقدم لها يمد يده لملامح وجهها يتحسسها يناظرها ،يناظر تأملها فيه وكيف تنزل راسها وتخجل وقت يصير بينهم تواصل بصري طويل طاح على ركبه وهي بحضنه ورفع يدينه يشوفها غرقانه دم و الورد متناثر حولها وتحول لونه للاحمر الدامي ولف نظره لها مفجوع يحاول يصرخ باسمها يحاول ينادي بس ما يقدر ..،قام وهو يشهق شهقه قويه ورفع يده لرقبته يحاول يستوعب ما يشوف شي قدامه من الظلام الي يحاوط الغرفه ومافيه غير النور الخفيف الي ظاهر من شباك الغرفه من نور الشارع ،تعوذ من الشيطآن وقام وهو يستغفر ويقرأ بعض من ايات القران ومشى يتجه للحمام -تكرمون-وفتح موية المغسله يغسل وجهه يحاول يصحصح ناظر وجهه وهز راسه يمسح على ملامحه بتوتر وخوف و مد يدينه للماء يسمي بالله و يتوضأ وخرج بعد ما كمل وضوئه يفرش سجادته ويصلي الصلاة الي فاتته ،طوى سجادته بعد ما خلص صلاة وقرأ أذكاره توجه للسرير ياخذ جواله وفتحه يناظر الاتصالات الكثيرين من فارس ومكتبه وسلمان تنهد يمسح شنبه ودخل على المحادثات وناظر بمحادثة فارس الي تسال وينه
وعن سلمان الي كان عباره عن اوراق وملفات ارسلها له ،ناظر محادثتها من بينهم مصوره له باقة الورد وكاتبه تحتها"منك ؟"
ابتسم يكتب لها"ايه "وبعدها كتب"عجبتك ؟نزيد منها؟"سكره من شاف عدم الرد وقام لدولابه يبدل ملابسه لشي مريح واخذ كابه يغطي شعره ومد يده ياخذ جواله ويفتح باب غرفته يطلع منها وينزل شافهم مجتمعين ،ابتسم وهو ينزل الدرج ينطق بصوت عالي:ماشاء الله مجتمعين ولا علمتوني!
ضحك تميم وقام يسلم عليه:ملينا وحنا ندق عليك ولا ترد قلنا شكله تعبان وغاطس بنومته
ابتسم ولف يناظر جهة امه من نطقت ام تميم تسلم عليه ،منيره:شلونك نهار
هز راسه:بخير يا خاله بخير انتي شلونك طيبه؟
هزت راسها تبتسم:بخير دامك بخير
مشى يحلس بجانب ثابت وابوه ولف من نطق ابوه :كلمت اليوم أبو راكان اشوف اخباره واسال عنه
هز راسه بايه و تورتر ما يدري ليه وناظر ابوه من كمل كلامه:تحمدت له بالسلامه وسالته عن بنته وقال بخير وبيطلعونها بعد يومين من المستشفى،...سكت ثواني وابتسم :وقالي بعد ان البنت موافقه
ناظر ابوه مصدوم مو مصدق الي يقوله وضحكت ثريا عليه ولف من هز كتفه ثابت :نهار ولد
هز راسه بعدم استيعاب:الحمدلله على السلامة، ناظر فـ هديل الي تناظره ومبتسمه بعدها وجه نظره لـ ابوه وامه :تقوله صادق ابوي ،صادق!
هز راسه بأيه عبدالرحمن:ايه ايه ،بس البنت توها تنتظرها لين تطيب وتملكون
هزت راسها ثريا:علمها واسألها اول متى تبيه علشان نستعد
ابتسم ونطقت منيرة:مبروك يا نهار عقبال الي عندي ان شاءالله نفرح فيكم
ضحك اوس وهو يناظر تميم:يا خاله ولدك ما يصلح يتزوج مدمن شغل ذا لو زوجتيه بتهج زوجته
ناظره تميم بحنق ونطقت منيره:لا اذا تزوج بيعقل ان شاءالله
حور :ماضنتي امي
ضحك بصدمه:شفيكم قلبتو علي خلوكم علي نهار احسن
ابتسم:وش فيني كامل والكامل الله كل من يتمناني والا يمه
هزت راسه بتايد لكلامه ونطق اوس:شف شف الغرور ،تراك شايف نفسك بزياده اخوي اهجد احسن لك
رفع جواله يناظر الاشعار الي جاه منها وابتسم وتذكر مرورها عليه بالحلم وتعوذ من ابليس من بشاعة الحلم بالاخير ،حس بنظرات عليه بس ما التفت ولا عطاها اهميه وناظر تميم الي يسال ثابت عن مكان بيرحون له سوا واخذ جواله من حضنه ورجع يسند ظهره على الكنبه ودخل على محادثتها وشاف ردها"حلو ،اقصد الورد حلو عجبني"،ابتسم ما يحس بوجودهم حوله وكتب لها بدون مقدمات "متى تبغين العقد ؟"،"دامك وافقتي لا نتاخر "
شافها داخله بس ما ردت عليه سكر جواله وقام وهو ينطق:عن اذنكم
مشى يطلع من البيت ويركب سيارته يحركها يطلع من اسوار البيت ..
"داخل البيت"
نظراتها ما فارقته ولا لحظة لين طلع ،ناظرت هديل ونطقت:الحين بنتهم توها خارجة من الموت وعلطول وافقت!
ناظرتها هديل و رفعت حاجبها:طيب
رند:لا تفهميني غلط هديل بس يعني كنها متشفقه عليه او بالاصح طابه عليه بطمع
ابتسمت هديل بعدم اعجاب لكلام رند:حبيبتي رند وش طمعه تكفين ترا عندهم خير ربي مغنيهم ،واذا على انها متشفقه على قولتك عليه عادي بيصير زوجها ترا
كشرت وهزت راسها:هاذاك قلتيها بتصير ما بعد صارت زوجته للحين يمكن يكنسل الولد
ضحكت حور وهزت راسها:ماضنتي شفت نهار كيف يبيها
هزت راسها هديل بـ تأييد لكلام حور :هو بنفسه طلب امي وامي قالت لابوي
سكتت بقهر وقامت هديل تجلس عند ابوها و ثابت الي ابتسم يهلي بها:هلا هلا بالعنقوده ،باس خدها من جلست ،وابتسمت تهمس له:انتبه لا تغار ام اديب
ضحك وهز راسه :ما عليك نعرف نراضيها بعدين
ضحكت من باسها ابوها من جبينها وقوست شفايفها :ترا على دلالكم هاذا لي ببلشكم وبجلس عندكم واكنسل الزواج
ضحك عبدالرحمن:حقك يا ابوي ،اصلاً ما بعطيك الا للرجل الي يستاهلك ويدللك
ناظرته وعبست وجهها تلمع عيونها وحضنته :بـابـا
ضحك يمسح على راسها و يقبل جبينها..
سندت راسها على السرير وناظرت بالمزن الي متمدده :اشتقت لسعود الصغير
ابتسمت وهزت راسها بمعنى انها حتى هي ودها تشوفه ورفعت عيونها من فزت ترف تبتسم :بتصل على مرام فديو نشوفه
ضحكت من حماسها وهزت راسها بايه واخذت ترف جوالها
تتصل على اختها واخذت المزن جوالها بالمثل من جاها اشعار وفتحته تناظر من مين وحست بتسارع نبضات قلبها من الرسالة ورفعت كفوفها تغطي نص ملامح وجهها وانتبهت لها ترف الي عقدت حجاجها وناظرت الجوال الي بحضنها وسحبته تقرا المكتوب وضحكت بصوت عالي:الله الله ،بس لحظه كيف عرف؟
ناظرت الجوال تناظر اختها بما انها فاتحه الكميرا على وجهها:مدري، بس وين سعود القلب
ضحكت تغمز لها:حددي اي واحد الصغير ولا الكبير
هزت راسها تعض شفتها:كنت بقول كلهم بس عارفه ان سعود مو فالبيت اليوم فا عطيني الصغير
ابتسمت تطلعه لها وتقدمت للمزن توريها وارتخت ملامحها بحنيه:مرامم ايش هاذا تكفين صغيرر
ضحكت تهز راسها:تشوفين يا خالته مزون
ترف :بس احلا سعود بالدنيا بعد سعود الكبير
ضحكت مرام من صاح ومدت الجوال لـ وهج الي بجانبها:سلام
ابتسمت المزن ترد عليها:وعليكم السلام يا القاطعه
ضحكت وهج :والله مو قاطعه ولا شي بس مضغوطه من شغلي ،بعدين الحمدلله على السلامة اخر الاوجاع ان شاءالله
ابتسمت تهز راسها:الله يسلمك حبيبتي
ترف:وهج فين شروق و رنا؟
وهج:موجودين بس فوق مع البنات وانا توني نازله عند مرام اشوفها
هزت راسها بزين وناظرتها تنطق:بوسي لي سعود وسلمي لي على البنات باي
هزت راسها بالإيجاب وسكرت الجوال تمده لمرام..
ناظرت المزن ونطقت بتسال:مزون ، الحين ولد عمتك هاذا اخو ازهار
اخفت ابتسامتها تهز راسها :اي وش فيه
هزت راسها:ما فيه شي بس احسه كذا غثيث شوي تخيلي اكثر من مره اصادفه وكل مره يناظرني نظره مدري كيف ومره كنت معصبه وفصلت عليه
ضحكت بقوه ومسكت بطنها ،ناظرتها ترف باستغراب ومدت يدها تضرب كتفها وتوجعت المزن لنها ضربت من جهة الاصابه وخافت ترف تقوم :والله اسفه نسيت،
هزت راسها ب لا :ادري ، ولا تتأسفين عادي
هزت راسها بالنفي ونطقت المزن الي تحاول توقف ضحك هي تضحك وبنفس الوقت تتألم :تكفين توته يعني ما تركتي عادتك كل ما شفتي احد وانتي معصبه تفصلين عليه بدون مقدمات
هزت راسها بالنفي تجلس على الكرسي:لا تخيلي
ضحكت تهز رأسها باسى
-
وقف قدام سيارته وناظر المستشفى قدامه بس ما دخل طلع جواله يدخل على محادثتها ويرسل "عندك احد؟"،وانتظر جوابها و رد من جاه اتصال وصار يمشي بالشارع التفت من سمع صوت بنت تنادي عليه و اول ما شافها استغرب ليه اصلاً تناديه كذا وتبتسم عقد حجاجه :مين انتي؟وليه تكلميني كذا؟ ابتسمت بغنج:نهار! ،ما عرفتني انا..،ماكملت كلامها من رفع جواله يشوف ردها وكتب لها "جايك"،ما عجبها الوضع ونطقت تحاول تجذب انتباهه:ما عرفتني انا الي مسكتك عند مكتب المحاماة وكنت مصاب ،ابتسمت:انا شيخه
ما عطاء اهميه لها او لكلامها واصلا ما يعرفها ،هز راسه يمشي لمدخل المستشفى وهو يستغفر منها وكمل طريقه يمشي لـ جناح المزن وهو فطريقه صادف ترف الي نطقت اول ما شافته:ترا ما بطول برجع علطول لا تفلونها وانتم ما تزوجتو،غمزت اخر كلامها وابتسمت تمشي ما تعطيه مجال يرد وضحك هو منها مستغرب وكمل يمشي للغرفة وطق الباب قبل يدخل ودخل من سمع "ادخل"ابتسم من شافها كانت صاده عنه وبيدها جوالها تكلم ابتسم لها ومشى يتقدم يجلس على الكرسي ونطقت هي تكمل كلامها :خلاص خلود اذا جيت انا شيكت عليها بس لا تدخلين احد مكتبي لين اجي انا تمام، قفلت بعد ما سمعت ردها وناظرت فيه يناظرها ،ونطقت وهي تحس ودها الارض تنشق وتبلعها:لاتناظرني كذا!
ابتسم باتساع:كيف تبيني اناظرك؟
هزت راسها:لا تناظرني
عدل جلسته وهز راسه بالنفي:ما اقدر ،،شرايك اجيب الشيخ بكرا بعد ما تطلعين ونملك وشوله نطول
ناظرته وهزت راسها ب لا مصدومه :نـهـار
ضحك وهز راسه :عونك نهار
هزت راسها تنطق بتردد:ما ابغى بكرا ...عادي تخليه يوم ثاني؟
هز راسه بزين ونطق وهو يشتت نظره على الغرفه : عادي ليش مو عادي ،يصير علشانك،بس تراني ابغى الاسبوع هاذا
ناظرت فيه توسع عيونها وتنطق بناعم صوتها:نـهـار
ابتسم يناظرها:عونك،عونك نهار بس قلب هالنهار ما بيتحمل اطول من كذا ترا
ضحكت بخفه من اشر على قلبه ويمثل الحزن وابتسم هو بدوره من ضحكت وقام من على الكرسي مبسوط:يا جعلني فدا ضحكتك
غطت وجهها بكفوف يدينها ،ولف من انطقت ترف الي صرخت بحماس:افف مقدرر وش هالجمال تهبلون
ضحك مصدوم :ماشاءالله وش جابك انتي؟
مشت وهي تناظر المزن الي مغطيه وجهها وتدري انها تشتعل من الخجل :خلاص انتهى وقتك لو سمحت عيب تجلس عندها وانت ما تحل لها تزوجها وابد سو الي تبغاه بس الحين لا انا بنشب لك
اكتمت ضحكتها المزن ومدت يدها بدون ما تنتبه لها ترف وقرصتها ونطت تبعد عنها ترف وهي تناظرها بتهديد وابتسم هو يمشي للباب يطلع غمز لها:موعدنا الاثنين بعد اربع ايام
-
عطوها حقها بالنجمة ⭐️