طل الصباح بخيرو عليهم وطابلة الفطور المعمرة بيه ..من كل حاجة ...بغرير مسمن زبدة وزيت و عسل و معجون ....كل شيء محطوط بالطبع والشان.....
شافت جورية في مريم بنت الطيابة بخبث ونطقت بصوت هامس ...
"...مريم قوليلي كيفاه جازت الخطبة أصحبتي إنطقي ...؟..."
...لعبت مريم بعينيها الصغار ونطقت بصوت منخفض ..
"...يا بنتي واش نقولك جازت عادي ...ماشي حاجة كبيرة أما كلشي بالطبع ...العروسة وجهها مهزتوش من الحشمة و العريس باين باغيها ...ربي يكملهم ...."
...هزت من الزرودية لي رماتها وشافت فيها هازة حاجب ...
"..حاسة بالرجال كامل لي يصلحو راح يهربو نقعد غير انا وحدانية...."
"..ا وخدي وخطيبك الآلة جورية شكون بيه ؟...تسمعنا لالة جميلة تنحرك .....وزيد مبقاش بزاف على الرسمي بيناتكم ناوية تخربي الدنيا....."
"...مريم نتي كنتي معايا من صغري وتعرفي العايلة تاعي كاملة وحياتهم ....كاش وحدة في عائلتنا فرحانة بزواجها ولا فرحت من ورا زواجها ...انطقي ...هادي لعنة ا بنتي .....علابالي زهري راح يكون كيما لي سبقوني ...."
"...متقوليش هكذا هذا مكتوب ...ونتي نشاله مكتوبك راح يكون مبدل ....خطيبك يهدرو عليه كل خير ..."
"...أنا مزال معرفتوش...حتى وجهه مشفتوش ...كلشي مخربط ....خايفة نتخدع من ورا الزواج ا مريم ..."
قربت ليها هازة الكأس باش تغسلو ونطقت ..
"...علاه الهم هذا كامل ا جورية ختي ...؟..كشما عرفتي ولا شفتي ..."
"...مانيش حابة نتزوج برك حاسة روحي مزلت مش واجدة ...."
"...أنت لي مبغيتيش تكملي القراية والحرفات كامل مليتي منهم ...وحتى الحاج شاورك وقلتي نتزوج واش بدل رايك ..."
"...أوه معاك نتي ا مريم لي يغلط يفرغ قلبو تخنقيه...خلاص درك نتزوج وتبردي ....هات برك يكون حنين ونقدر نحبو ...مش كيما الباردات لي قبلي ...."
".....تقولي هكذا غير في ظهرهم استوتة وتتخباي كي يجيو ...."
"....أنا خوافة .؟؟؟؟؟؟.. . فردوس بلاك صح ..هاديك غير ربي لي يقدرلها....ولخرى ولات سامطة ومتتحملش خلاص ... متزوجة طبيب قدو قداش ومش عاجبها العجب العجاب ....وخويا السبع ...متزوج وحدة سكوتية وعاقلة تشوف فيه غير هو وولادو ....حياتي مملة ...هات برك عايلة راجلي يكونو ناشطين وزهوانيين كيما انا ...."
"...أنت هي الفردة المعاقة في العايلة الرزينة هادي .."
"...و أفتخر ...أنا رايحة نفطر ....كملي ماعنك .."
رمات الغطاء عليها وشوية من شعرها يبان كي العادة....حاولت تدخلو أما شعرها من النوع مموج ...تاففت ومشات لجيهة الفطور ...لقاتهم ملمومين بداو يفطرو بشوية وكل واحد بادي نهارو بحاجة مبدلة ....
أنت تقرأ
للعشق هم جهلاء ......
Short Storyرواية : للعشق هم جهلاء ....باللهجة الجزائرية .....بقلمي أسيل ...هو من أراد الأنوثة الطاغية....العاطفة والاغراء و تلبية رغباته ...ولم يكن يخجل من أن يطلب من قدره فتاة مغرية تجعله ثملا بدون كحول ...هل هذا عيب ...؟..على الأقل هو صريح مع ذاته ...هو شهو...
