....اللقاء المنتظر بيناتهم لي كل واحد فيهم كان يسناه بمشاعر مختلفة كان عدا بشكل كارثي ....خصوصا من جيهتو ..كان ماشي في الاروقة ومخه ماهوش مأمن ..لوكان خبروه على الأقل من قبل ممكن مش راح تكون ردة فعلو بهاذ العنف ....على الأقل يخبروه مش مخليينو هكذا يعرف منها وزيد بأسلوب خلاه مشعلو أكثر....مش كيما توقعها ....خلاص ...حس روحو تقولب فيها ....
...شاف باباه وقرب منه مبعدو شوية مخلي الرجال غير يشوفو في تعابيرو وعلامات الاستغراب في وجههم ...عدل باباه عكازو وشاف فيه بحيرة ...
"...واشبيك مظلم وجهك هكذا ...غير الخير ..."
...حك راسو بعصب وأعصاب رقبتو البارزين خلقيا بانو أكثر....
"....نتوما هبلتو خلاص....كيفاه تخبي عليا بنو لالة لي خاطبينها هجالة وعندها ولد ...هاذي حاجة تتخبا في رأيك انت ....علابالك الفضيحة لي قادر نديرها هنايا ..جبتك هنا باش نخلي وجهك عالي قدامهم أما راك عارفني منحشم منرمش....."
....خنزر فيه باباه مبعد عليه ونطق ...
"....ومن بعد وكي هجالة وعندها ولد ...واش المشكل انطق ؟؟؟؟ ...حنا اصلا مش لاتيين بهاد الحكاية عليها مهدرناش عليها ....علاه انا نخاف منك باش نخبي عليك....مجاتش الهدرة برك ....وانا في بالي الحكاية متحتاجش تكبرها أما انت التربية نسيتها هاذي سنين ...يا خسارة الرجلة فيك ...."
....حمر عينيه فيه وصوته علا شوية خلا الناس بداو يتولهو بنو كاين مشكل بيناتهم ....حاول يسيطر على روحه ...
"...بابا راك عارف واش راك تقول؟؟؟ حاب تدخلني في عقلي ....علاه تزوجني بوحدة عندها ولد ...قادر عليها باش نزيد نربي ولاد الناس انا ...والمرأة هاديك ماهيش كيما حابها ..تحكي معايا وترمي في الهدرة بلا ماترمش ولا تخاف ....كي الغراب الكحل ...قادر نقتلها لوكان طول معايا الشوفة هكذاك ..."
...زير باباه عينيه فيه مصدوم ...من هدرة ولدو لي مبقا والو يهدو ...
"...أنت عار والله وين نحط راسي بين الناس...أنا لي حاولت خويا باش يقبل يمد بنته لواحد ميسوا بصلة كيفك و درك نقولو الشارف لي عندي معجبتوش ..الطفلة الف راجل يستناو الخزرة منها ....سقسي على فردوس مالكي ...تعرف شكون هاذ المرأة ..."
.....حاس بالنار تاكل فيه من داخل...حابين يتحكمو في كلشي من الزواج للمرأة لحياتو...مكفاش عشرين سنة لي راحت خسارة حابين يكملو عليه ....تبسملو باستهزاء ...
"..دير في بالك مليح ....الزواج هذا مش راح يكمل وانا مش راح نتزوج غير بلي عاجبتني ونافحتلي عليها....مانيش رايح نضيع حياتي لي بقات باش نصبح على وحدة تسودلي حياتي ....وهاذ المرة مش راح نهتم لا برأيك لا براي عبد خلاف ..."
.....كان يسنى في كف من باباه أما لقاه غير يشوف فيه بهدوء ....سكت ومسح لحيتو بشوية وقرب لولدو ....
أنت تقرأ
للعشق هم جهلاء ......
Short Storyرواية : للعشق هم جهلاء ....باللهجة الجزائرية .....بقلمي أسيل ...هو من أراد الأنوثة الطاغية....العاطفة والاغراء و تلبية رغباته ...ولم يكن يخجل من أن يطلب من قدره فتاة مغرية تجعله ثملا بدون كحول ...هل هذا عيب ...؟..على الأقل هو صريح مع ذاته ...هو شهو...
