....كانت آخر جملة لي هي فردوس رايحة تتزوج منتشرة عند كامل الناس والعرش وحتى القرية الكبيرة ...كامل سمعو بهاد الخبر انو الأرملة الصغيرة رايحة تعاود زواجها مع ولد عمها ....وكل واحد عندو رأي في هاد القصة ....كاين لي فرح وكاين لي معجبوش الحال....وكاين لي حسااد وكاين لي معندو حتى رأي ومش مدخل روحو في حوايج ناس خلاف ....
أما لي يهمنا أكثر هو دار في عرش بعيد على عرش المالكي ، عرش ولاد الفخرة....ديار تقليدية كبيرة و وواسعة.....محيطها كامل كان باشجار التين والعنب ....ولي معروف بتجارته اهل البلاصة ...وزيد معاها حقول تع الذرة ....ريحة الجو مبدلة هنايا ....وفي آخر دورة من الطريق يقابلنا دار من الديار...
.....كان أصيل الزمان ولد لالة فردوس ....قاعد في الحشيش هذاك وغير يتفرج ....العرق نازل منو وواضح عليه التعب.....يتفرج في عمه وولد عمو لي قاعدين يكملو يحفرو في التراب مع الخدامين لي معاهم ...عينيه الخوضر كان انعكاس الشمس عليهم ....حتى قرب ليه ولد عمو لي أكبر منه بأربع سنوات ....اسمو ايهم ....ضحك معاه و رمالو شكارة فيها كسرة و قرعة لبنة ومعاهم تمرات .....
"...باين رايح تموت ، هاك كول كشما تتقوى هههههه راك هشيش خلاص اولد العم ....."
تبسم معاه أصيل برزانة أكبر من عمرو ....
"....واش ندير هادا واش عطا الله ...معنديش القوة ...عظمي رقيق هه..."
"...مراكش تاكل أرواح كل يوم تاكل عند ما مسعودة ودرك تشوف القوة....."
هزلو براسو وبدا ياكل بعد ما سما الله بشوية و ببطء ....تقول ما هو هذا الجيعان ....
شاف أصيل مع الخاتم تع ايهم لي فيدو وبلع اللقمة ونطق....
"...تع واه الخاتم هذاك....شريتو جديد...."
...شاف فيه ايهم وزاد شاف في الخاتم وضحك ..
"...علاه مقالوكش ...راني خطبت ..هذا خاتم خطوبة..."
...وسع عينيه شوية من الصدمة أصيل وشاف فيه....
"...تحكي صح كيفاه خطبت ؟...مزلت صغير بصح ..."
"...18 سنة هنايا مكش صغير ...راك عارف التقاليد ا أصيل ....كامل يخطبو في هاذ الوقت والزواج بصح يتوخر شوية حتى الراجل يهز روحو ..."
...هزلو براسو و مزال مش مستوعب ...هو يعرف هاذ العادات أما في عرش مالكي لي هو عرش امو ...معندهمش العادة هادي ....
"...حتى انت راح تخطب بعد اربع سنوات.....هههه "
اصفار وجهو واحمار من الحشمة والخوف ....
"...بدل الموضوع هذا مش حاب نحكي فيه ، انا صغير باش نخمم اصلا في الزواج ....مزال عندي حوايج أكثر أهمية نخمم فيها ....."
"...الزواج نصف الدين، ويحميك من الحرام وكل ما تزوجت في عمر اصغر كل ما ذنوبك نقصو وربي صانك من مشاكل كيما هادي .....أما كي ما قلت مزلت صغير هههه ....شوف كي حشم السي .....أرواح كمل معانا باش ندخلو لداخل ....حاسس عظامي رابو..."
أنت تقرأ
للعشق هم جهلاء ......
Short Storyرواية : للعشق هم جهلاء ....باللهجة الجزائرية .....بقلمي أسيل ...هو من أراد الأنوثة الطاغية....العاطفة والاغراء و تلبية رغباته ...ولم يكن يخجل من أن يطلب من قدره فتاة مغرية تجعله ثملا بدون كحول ...هل هذا عيب ...؟..على الأقل هو صريح مع ذاته ...هو شهو...
