.....فرغ المجلس بالكامل والقرار كان زواح البنت من ولد عمها باش يخلص هاد المشكل ...بقات غير العايلة المعنية و السي شعيب ...
"...الزواج هذا يا سي عبد الرحمن مش لعبة ...وبنتك تبانلي مزال صغيرة ..."
"...مسح عبد الرحمن شعر لحيتو بغرور ونطق بعجرفة ذكورية تميزو على خاوتو الأكبر منو ....
"...من اول كان يلزم يصرا هكذا ...نذلينا بزاف في هاد المجلس...وحبيت نرد الاعتبار لخويا وولدو قدام هادوك الرجال.....راني غالط في هاذي ا سي شعيب ....وزيد بنتي مش صغيرة ...وزواج الصغر عندنا كاين عادي ومش حرام ...."
شاف فيه عبد الله ونطق ...
"...ماشي المشكل في زواج الصغر أما في زواج بفارق كبير...بنتك صغيرة بزاف ا عبد الرحمن ...راهي خمسطاش سنة برك....كيفاش ناوي تزوجها لواحد في الأربعين ...مش راح يكون توافق ...و زيد عقليتو صعيبة متخافش اذا اذاها ...."
"..رايحة توالف ا عبد الله توالف كيفها كي لي قبلها...في الاخير مكانش حل خلاف وانا مش راني نضحي ببنتي لشخص غريب.....راهو ولد خويا ...."
حبسهم شعيب بيدو ورد ...
"...دي الموافقة من بنتك قبل أي حاجة ونشاله يكون فيها خير بإذن الله ...."
.....ناضو بقامتهم المتوسطة ....هازين العمامات فوق رأسهم برجولة ....وودعو الشيخ والسي شعيب وخرجو لعند خوهم الأكبر مصطفى ...لقاوه قاعد يسنا فيهم وبالو سرحان مش معاه ...كي حس بيهم طلع راسو مع الشمس لي جات في عينو ونطق ...
"...خبر العايلة والطفلة ونشاله نبداو نوجدو عن قريب ...."
".نشاله خويا وبالبركة علينا ..."
سلم عليهم عبد الرحمن وخلاهم واقفين وراح لدارو ...بقا عبد الله يشوف في خوه وهو مركز على العكاز.....
"....راك قابل ا مصطفى هاد الزواج ؟...عارف ولدك كيفاه تمدلو بنت خمسطاش سنة ..."
"...واش ندير قولي واش ندير ....قيمتنا ترخست اليوم قدام الشيوخ والكبار ...ملقيت وين نحط وجهي ...وزيد رفضو ...وانت محبيتش تزوج فردوس وانت عارف هي أكثر وحدة تناسبه ....سبقت مصلحتك على مصلحة العشيرة والعايلة ...."
"...متقولش هكذا....بنتي عارفها مش تع زواج ...وهي بجنبي دايما ...والفت اخويا معاونتها ليا ...."
"...أنت مش حاب تخليها تخرج تحت جناحك ا عبد الله وكامل عارفين انك انت لي مش حاب زواجها مرة خلاف مع أنو حقها باش تعيش ...خليت بنتك عايشة رهبانية وهاذ الشيء حرام ا خويا حرام كبير ....هي تطيعك غير انتايا وانت عارف مهما قتلها راح تقولك سمعا وطاعة ...وانت مستغل الوضع هذا في انو تخليها قدام عينيك دايما ...على الأقل الأصغر فينا خمم في عايلتو ...مش كيفك ...ايا السلام عليكم...."
أنت تقرأ
للعشق هم جهلاء ......
Short Storyرواية : للعشق هم جهلاء ....باللهجة الجزائرية .....بقلمي أسيل ...هو من أراد الأنوثة الطاغية....العاطفة والاغراء و تلبية رغباته ...ولم يكن يخجل من أن يطلب من قدره فتاة مغرية تجعله ثملا بدون كحول ...هل هذا عيب ...؟..على الأقل هو صريح مع ذاته ...هو شهو...
