روح "سليم"

Part 3

#روح

للكاتبه: زينب.

_لا تنسون التصويت_

يَـ كون العُمر مابيه ناس بَس أنتَ .

______________________🦋________________

حور

رجعنه اني وريتاج من الدوام ودخلنه للبيت اول مافتحت الباب صارت روح بوجهي جاي تصعد الدرج حتى تروح للغرفه..

بعدني اريد اصيح عليهه وماحسينه اله من البايات الي بنص الدرج وروح وگعت من فوك وصرخت صوت هز داخلي وگلبي خوف عليها..

حور:  يممممه روححححح

اجو امي وسليم يركضون وصلت الهه وسليم وراي وهيه بس تصرخ كلشي مافهمنه غير تصيح..

روح: رجليييي اخخخخ ماااامااا رجليييي

سليم: شوووو وخري ايدج اشووف شصااار بيهه وخررري

حوراء: ولجججج يمه اسممم الله علييييج شجااااج متكليلي شجااااج اليوم

بدون لا يحجي شالهه وركض بيهه بره وكلنه ورا طفرنه بالسياره انحشگنه حتى امي اجتت ركض ورانه..

سليم: تحملي روح تحملي بس شووووي

روح: اخخخخخ رااااح اموت ولكم رجلييي

سليم: اسم الله عليج اسم الله بس لتلزميهه لان توجعج اكثر بيها كسر يمكن بس تحملي علما نوصل

طار بينه طير وكلشي مافهمنه من الطريق بس صياح روح وامي تسمي عليها وتمسح بوجها واني كاعده ميته قهر على اختي وحتى دموعي نزلن عليهه..

وصلنه ونزلهه سليم يركض بيهه جوه المستشفى بالطوارئ اخذها على السريع القسم الأشعة گعدنه ننتظر علما خلصت واخذناها اندخلهه على الطبيب دخلو امي وسليم وياها..

اني حور اخت روح،، اسمي عكس اسم اختي

عندي بس هيه وكلش احبها ومتعلقه بيها.. عندي صديقه وحده الي هيه ريتاج بنت عمي اخت سليم..

احنه هواي متعلقين ابيت عمو "علي" الي هوه يصير ابو سليم وريتاج..

ريتاج عدها بس اخوان الي همه
سليم اكبر واحد بيهم،، الي بعده ليث،، وغيث،، واصغرهم هُمام

اما احنه ف بس بنات ثنين اني وروح الي هيه اكبر بنات عمامي  عندي بعد عم موجود ويانه بالبيت..

احنه عايشين ابيت جدو وبيبي لمتنه حلوه وسوالفنه تخبل والحمدلله ولا مره صايره بينه مشاكل جبيره فقط شغلات بسيطه تنحل بوقتها لأن جدي مايحب التفكك والزعل ولامنه كُلنه..

عدنه هم عمات اثنين متزوجات وبيوتهم قريبات علينه..

اما الباقي راح تتعرفون عليهم بالأحداث الجايه.....