روح "سليم"

part 18

#روح

للكاتبه: زينب.

_لا تنسون التصويت_

ادري بيڪك تحبني ما
داعي الكلام
وادري بدموعك صدك
تبچيلي

_____________________🦋_________________

"سليم"

گاعدين انسولف وسمعنه صرخه جدتي

ورده: ولكممممم يممممممه تعالوووو لحكوووو

طفرنه نركض كلنه كل الي اجه ابالي جدي صار بي شي علما وصلت للغرفه حيلي مهدود،، دخلت قبلهم واشوف عمي عباس متمدد بالارض ومنتهي كل نفس مابي

ركضنه عليه كلنه اخذنا وكلهن يصرخن ورانه ماانتظرنه احد اخذنا اني وليث وابوي للمستشفى والباقين اجو ورانه

جدي مجان موجود جان واكف يتوضه يريد يصلي وعمي بس بغرفة جدة وجدي

اخذنا بدون نفس اسوق بكل سرعتي جان الشارع شبهه فارغ ماكو هواي ناس،، وصلنه للمستشفى بألف ياعلي نزلنا واخذو الممرضين من عدنه شوي ودخلو ورانه كلهم فازعين

سليم: ليش كلكم هناااا؟؟

روح: سليم حبااب بابا وييينه شبي عفيه گلي

تقربت عليهه لزمت وجهه اهدي بيهه وامسح بدموعهه

سليم: حبيبي على كيفج هاي توه اخذو هسه انشوف ان شاء الله مابي شي لا تبجين

روح: خايفه سليم ماادري گلبي يرجف خووف

سليم: لا تخافين روحي انتِ

كل واحد بينه لازمله وحده يهدء بيهه طول عمي جوه وبعد ساعه ونص من الأنتظار طلع الدكتور

الوضع كلش يقهر وكل واحد بينه القهر تارس گلبه،، البنات وعمتي معاندات مايرحن للبيت ووجودهن ماراح يسوي شي واخاف لا وحده بيهن يصير بيهه شي واحنه القهر الي بينه بعد مابينه نتحمل غيره

واكف اقنع بروح تاخذ عمتي وحور وتروح للبيت

سليم: روح باعيلي انتِ من راح تبقين هنا شنو الفايده؟ بس تشبعين قهر وباعي امج شلون تعبانه خلي حسن ياخذكم للبيت ترتاحون واني اي شي يصير اخابرج وعد

روح: لا مااروح سليم حباب خليني هناا مااريد ابتعد عن بابا خاف يكعد ومايلگانه اريد اشوفه

سليم: ولج والله اني اتصل عليج واگلج

روح: لا سليم خليني يمككك مااريد اروحح

رفعت ايديهه الوجهه تبچي جربت نفس بقهر وجريتهه الحضني امس على ظهرهه

سليم: امشي بابا تعاي نطلع بره اجيبلج مي تعالي

اخذتهه وهيه بأيدي طلعنه اخذتتلهه مي وكعدنه بره بحديقة المستشفى فتحت البطل شربتهه شفايفهه يرجفن وعيونهه حمر