روح "سليم"

Part 12

#روح

للكاتبه: زينب.

_لا تنسون التصويت_

شَألم منك؟
ثلث آه و ثلث خوف
وثلث عثرات يا عمري
____________________🦋 _________________

"ريتاج"

جمدت بمكاني من شفت سيارة عمو محمد مدمره نصهه، اسمع صريخ البنات وصياح الولد بفزعه واني بس فاكه عيوني على وسعهن وواكفه

شالوهم الولد للمستشفى، كلنه التمينه هناك،، جدي وبيبي حالتهم تقهر احنه مصدومين ونفسيتنه ادمرت

دخلناهم للطوارئ وكُلهم دخلو الغرفة العمليات ماعدنه غير الدُعاء

كعدت اردد بهذا الدُعاء وكلي امل رب العالمين ويانه مايعوفنه ابد

أذهب البأس ربّ النّاس، بيدك الشّفاء، ولا كاشف له إلّا أنت يا ربّ العالمين، اللهمّ لا ملجأ ولا منجا منك إلّا إليك، إنّك على كلّ شيءٍ قدير.

طولوا فوك الساعه ونص انريد احد يطلع النه يطمنه ماكو، بقينه على اعصابنه

والي يخوف اكثر انو كلهم جوه بالعمليات والسياره جانت متفلشه، كلش خفنه لا كلهم بخطر

عدت فوك الساعه ونص ساعه وطلعوا الدكاتره والمُمرضين، ركضنه كُلنه عليهم وجدي سأل بهمه...

حامد: ها دكتور بشر؟ طمنه

نزل الدكتور راسه بحزن وبدون لا يباوع بعين جدي...

_للأسف ماگدرنه ننقذهم كلهم، وحده من البنات فرقت الحياة البقيه بحياتكم

ندى: لا لاااا دكتووور منوووو منهننننن

حور: عزززه يممممه گلبيييي

ليث: لا اله الا الله

علي: انا لله وانا اليه راجعون

حامد: دكتور احجي منو!؟ والباقييين

_الباقين حالتهم مو مستقره الوالد اكثر الضربات صايره براسه والام والابن وضعهم احسن من الباقين

البجي صار يتعالى وبيبي تعبت ركضنه عليهه اخذوهه الولد الوحده من غرف المستشفى واحنه بقينه ننتظر يطلعون البت الي مانعرف منو هيه الي توفت اصلا

گلبي يوجعني عليهم بعدهم كلهم صغار والبنات شحلاتهن مو مال يرحن بهيج عمر

شوي وطلعوها مغطينهه كُلهه بغطاء ابيض ويسحبونهه الناحيتنه

تقدم جدي يرفع عنهه الغطه وارتفع صوت الصياح والبجي من شفنه الي نامت للأبد هيه 'مها'

حامد: لا إله إلا الله لا إله إلا الله

حوراء: بعدهه صغيره سوده عليه