روح "سليم"

Part 7

#روح

للكاتبه: زينب.

_لا تنسون التصويت_
_

والتعليق على كل فقره_

يعنبر ياتعب ضهري
زرعتك والشمس تلهب
يا أول حصد للروح
مدلل بالگلب تلعب
_________________🦋________________

"سليم"

انفتح الباب وعبر منه جدي يتمشى ويباوع علينه مبتسم..

حامد: تقبل الله بويه

دنگت خجلان منه ورفعت راسي احاجي..

سليم: منا ومنكم جدي

تقدم وگف مقابيل روح لزم راسه وقبله..
رفع راسه عليه يباوعلي..

حامد: دير بالك عليها وخليها بعيونك مأمنها يمك بعد جدك وبس ارجع تبشر ازفكم بيدي

سليم: ترجع بالسلامه جدي الله يحفضك النه

روح: جدو لا اطول هواي حباب

حامد: راجعلج راجعلج ام الگلب الحنين، انتِ هم لا تشلعين گلبه داري تراه يحبج وهاويج

روح: بس جدو باوع اني يعني اااا..

حامد: مايهم بويه الايام جايه والحياة گدامكم بس عيشوهه بحلالهه وسترهه وبمخافة الله وربكم راح يوفقكم

سليم: الله يجبر بخاطرك مثل مجاي تجبر بخواطرنه

حامد: شعندي غيركم انه عيشتي هاي وشيباتي بس حته اشوف راحتكم، يابه سليم لا تغريك نفسك وتجرك تسوي شغلات مو من مقامك حارب بويه حارب لجل عيون الي تحبهه

حچاهه ودنگ على روح يباوع عليها خجلت وضمت راسهه بحضنه تهتز تبجي..

حامد: لا تبجين روح جدو لا تبجين اعرف بالي راح يصير وادري ابوج على شنو ناوي صبري بعد جدج صبري حته لو سوه الي گالج عليه حاربي اعرف بگليبج شبي وشنو شايل

كلامه خوفني رجف گلبي خوف مستغرب وفاهم بنفس الوقت..

سليم: شيريد يسوي عمي؟

اجه تقدم عليه لزمني من جتفي يسولف وياي..

حامد: لا تترك دعائك ولا صلاتك وحاول تضبط اعصابك، عمك راح يسوي مصايب بويه سَليم راح يدمركم وياريتني اكدر اسوي شي يارررتني

حجاها وجر حسره يضرب على رجله..

سليم: جدي الله يخليك لا تضم عليه حاجيني شصاير