#روح
للكاتبه: زينب.
_لا تنسون التصويت_
عَمر انتظرتك تجي
وُلحظه وُتريد تروحَ
غيرك بعَد منهو الي؟
ويا باب ضل مَفتوح ؟
____________________🦋__________________
_وحده من عيونهه ماراح ترجع تشوف بيهه مثل قبل
سليم: دكتور يعني لازم عمليه؟
_ضروري العمليه تصير لان اذا ماانسويهه يبدي ينزل الماء الاسود وممكن تسبب العمى
سليم: لا دكتور عمليه عمليه هاي هيه
كعدو يتناقشون ويحددون موعد واني بس كاعده اسمع طلعنه من العياده للصيدليه ناخذ علاج
كملنه وصعدنه بالسياره حتى نرجع للبيت حسيت بي يلزم أيدي ويقربهه الشفته بقى فتره هيج
نزل ايدي جر حسره وكال
سليم: يابعد عيونه السليم انتِ يرحلج فدوه عيوني
اسمعه والقهر ياكل بروحي جريت نفس ضاغطه على ايده حيل سندت راسي على الجامه وايدي بأيده ساكتين بس صوت حسراته مسموع
وصلنه للبيت اجه نزلني اسمع بس اصواتهم كلهم يحجون ويسألون بسليم عني
حجالهم وشرحلهم شنو الوضع حسيت بحور يمي
حور: ها روحه مارجعتي تشوفين هسه
هزيت راسي لا ضغطت على روحي احاجيهه
روح: اخذ ييني فووك
حور: تصعدين ترتاحين
رجعت هزيت راسي لزمت ايدي تمشيني صاح علينه سليم
سليم: ها حور وين
حور: تريد تصعد ترتاح
سليم: شوي واجيج روحه
ماجاوبته كملت طريقي ايد لازمه بيهه ايد حور وايد لازمه الدرج واصعد
حوراء: يمه ليش ماتبقين جوه وين تكدرين تصعدين
روح: ماااريد
كملت طريقي اصعد دخلت للغرفه بالباب وماخليت حور تدخل
حور: ولج وين تكدرين توصلين للفراش وتبدلين
روح: عوفيني
دخلت وطبگت الباب مديت ايدي على القفل قفلته واتمشيت على كيفي خايفه اعثر بشي
وصلت للكنتور اتلمس ملابس واعرفهن من نوعية القماش كعدت اضحك على روحي
بدلت واتمشيت لفراشي شوي شوي كعدت ساكته سرحت بأفكاري لليوم الي دمر حياتي
نرجع بالزمن شوي
واگفه انتظر حسن يعبر يجيبلي المي كلش تعبت وعطشت واكفه اباوعليه كل شوي يدور عليه يبتسم بوجهي
أنت تقرأ
روح "سليم"
Romanceرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
