#روح
للكاتبه: زينب.
_لا تنسون التصويت_
سِياج بـ نص حَرب كَتالني الصُوبين .
_____________________🦋_________________
"سليم"
الوضع بالبيت كلش مامستقر كل يوم يوكع واحد بينه مريض
بعد ماعرفنه بريتاج مريضه بمرض كلش خطير بالنسبه الهه والعمرهه حيل تأذينه
من جنه كاعدين ليث طابق الاعراض بالمرض الي توقعه، كلنه عارضنا وماقبلنه على كلامه
جواد: ليث كل عقلك انتَ جاي تحجي؟
ليث: اتمنى اطلع غلطان اتمنى الدكتور يخيب توقعاتي وكل شي
غيث: لا شنو اسم الله ان شاء الله ماكو هيج شي
سليم: كافي شباب امشو جوه ولحد يحجي شي يمهم
دخلنه بس جان كل واحد بينه الف فكره براسه وابد ماجنه مرتاحين للسالفه
يوم ثاني قررنه اني وليث ناخذهه بس احنه حتى اي شي يصير احنه نعرف بي اول
طول الطريق جانت ريتاج تعبانه سانده راسهه على الجامه ومثبته عيونهه على الشارع،، ليث خلص الطريق يدعي ووجهه اصفر من الخوف،، اما اني جنت مامرتاح وحاس اكو شي مو طبيعي بالموضوع
وصلنه ونزلناهه ثنينه ساندينهه لانهه دايخه كعدنه ننتظر دورنه هواي طولنه وطول الكعده ريتاج سانده راسهه على جتف ليث وايدهه بأيدي
ريتاج: ليث
ليث: ها حبيبتي
ريتاج: شنو تتوقع بيه؟ يعني شنو يشخص حالتي بحكم انو انتَ شفت التحاليل مالاتي
ليث:احمم ماادري والله بعدني يعني مو كلش اعرف للسالفه هسه ندخل وانشوف شيكول
هزت راسهه موافقته وهوه رفع عيونه عليه يباوعلي بحيره زفرت نفس مقهور وخايف وممرتاح من هاي السالفه
واخيرا اجه دورنه،، دخلنه وسلمنه وكعدت ريتاج تشرح للدكتور بشنو تحس ومن شوكت
صفن بالتقارير والاوراق ورفع عيونه علينه يهز براسه
باوع عليه ليث وبلش يحجي ويا بالأنكليزي ويسئله اذا جان هوه هذا التشخيص او لا جنت افهم على كلامهم وحتى تفاعلت وشاركت وياهم
أنت تقرأ
روح "سليم"
Romanceرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
