روح "سليم"

Part 4

#روح
للكاتبه: زينب.
_لا تنسون التصويت_
______________________🦋________________
"سليم"

فتحت عيني على دگت الباب..

ريتاج: سليم.. سليمي؟

سليم: ها حبيبتي تعالي

فتحت الباب ودخلت للغرفه تباوع عليه مستغربه..

ريتاج: شبيك سليم ليش هيج وجهك اصفررر!!!!

سليم: تعبان بس تعاي انطيني الحبه اشربهه

ريتاج: گوم خلي واحد من الولد ياخذك للمستشفى باع شصاير بيك

سليم: مابيه شي هسه اخذ العلاج واصير زين

شربت الحبه ورجعت تمددت حيل تعبان حاولت استجمع قواي واطلع بس عجزت اگوم بقيت على وضعي لليل..

امي كل شوي وداخله تطمن عليه لو ريتاج لو واحد من اخواني..

لليل كلش ماگدرت اتحمل انهارت طاقتي اخذوني للمستشفى..

تحاليل وفحوصات وتوضح انو عندي نقص ابعض الفيتامينات وانو ارهاق وتعب اخذنه العلاج ورجعنه للبيت..

خلص اليوم بدون لا اشوف روح.. جانت نهاية أسبوع الي هوه راحه للبيت كله گعدنه متأخرين واتحسنت عن البارحه بهواي من بعد العلاج..

سليم: صباح الخير

الكل: صباح النور

حامد: هلا حبيبي صباح العافيه شنو ولك البارحه طايح مريض ماگلولي ذول الادبسزيه الصبح يلا حچو

سليم: اي حجي صرت احسن الحمدلله

حامد: سليم بويه دير بالك على صحتك تره البيت يطيح وياك

سليم: ان شاء الله جدي انت موجود بعد الله يحفظك النه

حامد: انه الي ساعه رايح وليدي واذا رحت البيت برگبتك

سليم: اسم الله عليك الك طولة العمر ان شاء الله

التفت على الولد وحچه وياهم بحديه..

حامد: وانتو بعد اذا ضميتو عليه شي اطيح حضكم
يخافون على صحتي عود وواحد يدير باله على الثاني لا اشوف واحد بيكم ماشايل حمل اخيه

غيث: صار جدي تدلل من عيونه باجر اذبح سليم واشمره بالشط

مد ايده جدي عليه يريد يضربه وذاك يضحك

التفتت على الموجودين روح ماكو سألت عنهه وجاوبت حور..

حور: بالأستقبال جدو گال خلوهه هنا لان ماتگدر تصعد وتنزل

بقيت گاعد على اعصابي اريد اشوف شلون صارت..

شوي وطلعت والتمينه احنه واسوالفنه ساعه ودخلو عماتي وحلت المه.. الحلو بعائلتنه محد شايل بگلبه كرهه على الثاني گد ماجدتي حنينه علمت اولادهه كلهم على الحنيه