#روح
للكاتبه: زينب.
_لا تنسون التصويت_
سليم يگول:
هضيمة تشوف تعبك ماخذه المرتاح .
______________________🦋________________
"سليم"
من بعد الي گاله عمي مااعرف شصارلي مااستوعبت الي سمعته وخاصه عمي بنفسه رافض زواج بناته قبل لا يخلصون دراستهم الثانويه على الاقل..
فارت روحي من دخل عمي يمهه يگلهه ويسمع منهه الموافقه اندمرت اكثر من تذكرت البارحه هيه رافضتني..
اخذت جدي وطلعنه بره اسولف ويا..
حامد: گول بويه شبي لونك مخطوف ماعاجبني سَليم
سليم: جدي اجيت اطلب منك طلب واتمنه ماترفضني
حامد: گول أأمرني
سليم: مايأمر عليك ظالم الله يحفظك النه،، شوف حجي اني رايد روح الزهراء وجاي اطلبهه منك لا تخلي عمي يوافق على خطوبتهه هاي اني رايدهه مو اني اوله من الغريب؟
حامد: اي بويه ابشر بس سليم خاف البنيه ماتريد هيه ذاك اليوم تكلي جدي اريد اكمل دراستي اول
سليم: اي تكمل دراستهه وراها نتزوج بس لا تخلي عمي وهيه يقبلون طالبك اني
حامد: هاا ولك سليم طلعت عاشگهه اشوف لونك انخطف عليهه
خجلت مدنگ راسي..
سليم: جدي شسوي اذا اني وياها من هيه هلگدوتهه بدون لا ادري حسيت على نفسي اني احبهه لا تحرمني منهه
حجيتهه وشي بداخلي يوجعني من اتذكر رفضهه واتخيل ردة فعلهه بالي حجيته الجدي هسه..
حامد: هاي هيه انه احجي ويا عمك وبته ومايصير خاطرك اله طيب
گمت ابوس راسه وايده واجه عمي فاير وجهه ميتفسر
حامد: ها عبيس شگالت البت؟
عباس: يابه ماتريد بس راح اقنعهه ان شاء الله تقبل
حامد: لا مايحتاج تقنعهه ارفضهم من يمك غير هيه بعد رفضت
عباس: يابه غير دكيتله صدر ونطيت الزلم حجايه
حامد: جاا انت بكيفك تتصرف مو تدري البت ماتريد تتزوج ليش تكسر بيهه ولك؟
عباس: بويه الزلمه مسويلي معروف مغطي راسي تريد ارده؟
حامد: ابن اخيك رايدها تروح اليوم وتحجي ويا تگله البت ماوافقت تسمعني؟
عباس: يابه شلووون؟
حامد: هذا اللون روح السليم عباااس ابن عمههه اوله بيها من الغربه
عباس: ماانطيها تريد تكمل دراستها
واگف صافن على عمي وكلامه الي مابي ربط فرت بمكاني اريد احجي بس عيب من جدي واگف..
أنت تقرأ
روح "سليم"
Romanceرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
