روح "سليم"

Part 1

#روح

للكاتبه: زينب.

_لا تنسون التصويت_
______________________🦋________________

*يلااااا روووحح وينجج تأخرنه

روح: اجيت والله اجيت لا تعوفني وتروح

*ههههه مااعوفج يلا تعالي

نزلت اطفر على رجل وحده والثانيه تلبس بيهه الحذاء

*على كيفج ابويه لا تنسطرين مو هيج

ابتسمت بوجهي

روح: يلا خلصت انروح؟

*يلا امشي

طلعنه من البيت كعدت بالسياره وهيه كعدت بصفي

*ليش هيج تتأخرين حتى ماتلحگين تاكلين مو زين هيج متركزين

روح: والله اگعد من وقت بس مااعرف ليش اتأخر هيج

وهم رجعت ابتسمت بوجهي ومصيبتي مااتحمل اشوفهه هيج كدامي مااعرف شيصير بيه..
رجعت اباوع على الطريق وهيه كاعده تراجع بصوت يمي وصلنه المدرستهه..

التفتت عليهه احجي..

*يلا ديري بالج على نفسج مااوصي يوميه اني

روح: تمام والله ادير بالي

*اكلي زين مو تغلسين

روح: واللللله اكل

*عفيه، عندج فلوس؟

روح: اي عندي خلي اروح تأخرت

*اوگفي روحه

دارت عليه وهيه منزله رجلهه من الباب

*هاج خليهم يمج احتياط واي شي يصير اتصلي عليه اجيلج ماشي؟

روح: تمام تمام والله حافظه هاي الاسطونه يوميه اسمعهه

ابتسمت بوجهه بدون لا احجي نزلت وسوتلي بأيدهه باي لوحت الهه بأيدي وتوجهت الجامعتي..

جانت هاي اخر سنه الي جامعه الي هيه سنة التطبيق وصلت للجامعه ورجعت الروتيني الملل الي مابي اي شي مُميز..

من بعد ساعه ونص تقريبا اخذناها مُحاضره رحت للكافتيريا اخذتلي كوب قهوة وكعدت استذكر عيونهه وضحكاتهه الي ماتفارقني..

اثناء صفنتي فزيت على اتصال اجاني رفعت الجهاز وشفته رقم غريب دگ گلبي بقوه وخوف فتحت الخط واجاني صوت بنيه..

الو

*الو اهلا تفضلي منو؟

السلام عليكم اخويه هذا رقم المدرسه

*وعليكم السلام اهلا

رعشه صارت بأيدي من كملت كلامهه

الطالبه روح تخربطت وانطتنه رقمك حتى تجي تاخذهه