روح "سليم"

Part 2

#روح

للكاتبه: زينب.

_لا تنسون التصويت_

قميصك ماشفت يالون جنت مركز بعينك

______________________🦋________________

"روح"

من بعد ماوصلت للمدرسه دخلت مستعجله للصف احظر امتحاني شفت البنات كلهن مخبوصات ماباقي بس خمس دقايق وتبدي المحاضره الاولى..

احنى النظام مالتنه نظام مُحاضرات فه ناخذ ساعه ونص وراها نطلع وهيج..

دك الجرس واني ملتهيه اقره وممنتبهه الأحد دخلت المُدرسه الي هوه اليوم الامتحان بدرسهه كعدت تهدء بينه

ست ورود: لا تخافون ماما الاسئله ان شاء الله سهله عليكم بس ركزو ولا تتوترون وبدون مراجعه زايده تخرب عليكم هيج

البنات: ان شاء الله ست

فتحت السجل مالتهه تقرأ اسمائنه وتشوف منو الي ماجايه

صاحت بأسماء البنات واني فاصله عن الكُل

ست ورود: روح الزهراء عباس وينهه روح،، ماجايه روح اليوم

روح: لا لا ست هاي اني هناا موجوده

گمت رفعت ايدي واحجي وياها

ست ورود: اي مو اگول اني شفتج

كملت الباقين وصار وقت الامتحان وبلش توتري المُعتاد..

اجت راقبت علينه مُدرسه عصبيه بشكل يوتر زياده حسره عليج تتحركين بس تلزمين المساحه تعيط بوجهج..

راح نص الوقت واني احل بأخر سؤال صفنت افكر بي حسيت بدوخه فضيعه احس الدنيا كُلها ادور الرحله عبالك تفتر بيه..

حليته گوه بأيدين ترجف وعيون مغوشات احس حته شخبطت بالورقه..

گمت گوه الزم بالرحلات وامشي نطيت الورقه للمُدرسه وطلعت بالباب سندت ظهري على الحايط حسيت بأحد گدامي يحجي

ست ورود: شبيج ماما روح، روح؟

چنت فاصله عن العالم الوشه الي بأذني تمنعني حته احجي..

سمعتهه تحجي وي البنات تگلهم اخذوها للأداره
سندوني البنات ورحت للأداره..

المُديره: شبيج ماما؟

البنات: ست طلعت من الامتحان هيج ووجهه كُلش اصفر باعيلها

المُديره: عندج رقم اهلج تخابرين عليهم؟

جمعت كُل ذرة طاقه باقيه عندي وجريت نفس بخنگه

روح: اي ست عند ي

مااعرف شلون تذكرت رقم سليم الي هوه الرقم الوحيد الي حافظته وبعدهه ماحسيت بأي شي..

فتحت عيني بغرفه بيضه وسليم واگف يمي مديتله ايدي اريد احس بوجوده