#روح
للكاتبه: زينب.
_لا تنسون التصويت_
والتعليق بين الفقرات
تكتلني واني بلا عقل
اشتاگلك مثل الطفل
چن انت المربيني
رخصت كلشي الجيتك
حسبالي اتغنيلي
وتتونس انت من احترك
وعطابي لمن يوصلك
تبتسم مطفيني
____________________🦋__________________
روح: حورر فتحي عيونج عفيه
حوراء: لج حور يممه گوميي يروحي انتِ
روان: هاج عمه هذاا عطر خليهه تشتمه بلكي تكعد
بلشت تفتح عيونهه بتعب كلنه ملتمين عليهه انريدهه تگعد خوفتنه حيل
حور: ماما
حوراء: عيوني انتِ
حور: ليثث ماما
سكتنه كلنه وصار هدوء بالمكان ارتفع صوت عمتي بالبجي
حور: ماااامااا عفييه خليني اروح اخذوني والله مااتحمل اگعد هنااا دقيقه
تريد تكوم ورجعتهه امي مقابله عليهه
حوراء: وين ترحين يمه وين كعدي ارتاحي فدوه اروحلج لا اتعبيني اكثر
بقت تبجي وتتوسل بيهه تاخذهه للمستشفى
حور: عفيه ماما فدوه اريد اروح الله يخليج اخذيني
حوراء: وين اخذج يمه وين المستشفى كلهه زلم
حور: والله من بعيد اوكف لا تأذيني خليني اروح
حضنتهه امي تواسيهه خلصتهه بجي هيه وعمتي وريتاج كاعده بمكان بعيد عنه مدنكه ومغمضه عيونهه
بقت حور هيج تلوب لليل رجع ابوي وعمو محمد راحت عمتي منار على عمو تسأله
منار: ها محمد شصار شلونه الوضع
محمد: بعد شلونه
حور: بابا عفيه اخذني مايخلوني اروح
عباس: وين بابا
اجه كعد بصفهه حاوطهه من جتفهه يحاجيهه
عباس: حبيبتي وين اخذج
حور: للمستشفى بابا عفيه
عباس: مايصير بابا
حور: ليش مايصير ليشش اريد اروح
عباس: اول شي انتِ صرتي تحرمين عليه وثاني شي باباتي المستشفى كلهه زلم وين ترحين وجدج مايقبل
ضلت تبجي مقهوره كعدنه يمهه نهدي بيهه واحنى گلوبنه تعبت من القهر
ابتعدت عنهم حتى اتصل على سليم رفعت الجهاز اتصل ومايجاوب رجعت اتصلت على حسن هم ميجاوب
أنت تقرأ
روح "سليم"
Любовные романыرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
