#روح
للكاتبه: زينب.
_لا تنسون التصويت_
هالمره كلبي من الوجع نام
-واسمع ونين يدك بلعضاك
_________________🦋________________
"سليم"
احس روحي انمردت من نطقت كلماتهه والي زاد الوجع هوه صوت الاجهزه من كلشي تخربط اسمع بس صوت صياح ليث على الدكاتره
احس انسحبت من جتفي البره الغرفه احس نفسي لعبه يجيبوني ويرجعوني
صحيت على صياح ليث بوجهيي
ليث: لككككك سلييييم حاجييييني
فزيت من صفنتي عبالك جنت بحلم اباوع على وجهه ليث كله خوف وقلق وعيونه دمم حمر اعصاب وجهه بارزه
ليث: سليم تسمعنيي لككك سليييم
يحاجيني ويهز بيه هزيتله راسي بأي اسمعك بدون لا انطق حرف باوعلي بقهر وحجه
ليث: لك سليمم ريتاج راح تروح من ايدينه
دنكت راسي بقهرر احس الوجع دك بنص كلبي رفعت راسي مااشوف شي بس بياض افترت بيه الدنيه وحيلي كله انهد
ليث: سليمم بس تماسك الله يخليك انتبهلي
غمضت حيل ورجعت فتحت اريد اركز ويا احس راح افقد صرت احجي بكلام مامفهوم
سليم: ريتاج ليث ريتاج كالت كالت هيه
ليث: شكالت ولك لا تخبلنيي احتار بيك لو بيهه اني
فزينه كلنه على الخبصه الي صارت بالممر اشوف ابوي محتار يروح منا ويجي منا امي دموعهه ماسكتن وبس تدعي الدكاتره والمستشفى كلهه انخبصت
بهذا وضعنه شفت غيث وروح من بعيد اجو يركضون علينه من شافو الهوسه الي صايره على غرفة ريتاج
تقربو علينه يسألون
غيث: شكو شصااير شبيهه ريتااج
باوعتلهم بتعب مابيه احجي اجت وكفت كدامي روح لزمت ايدي تريدني اجاوبهم واني روحي رايحه
روح: سليم شصار ليش كل هاي الهوسه على الغرفه
باوعت بعينهه عيوني مدمعه هزيت راسي بالنفي كلشي مافاهم
جرتني من ايدي كعدتني واني جسمي كله يرعش كعدت بصفي ايدهه على ظهري بعيونهه خوف
أنت تقرأ
روح "سليم"
Romanceرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
