#روح
للكاتبه: زينب.
_لا تنسون التصويت_
ضيعتني
وهسة تتِمناني أجيك ؟
زحمة أجيك وراح اجاوب بَـ اختصار
عني لتدور بَــعــد ما تلگة شي
أنـي نجمة وضاعت بعز النهار !
______________________🦋________________
"روح"
كُل الانظار موجهه الابوي، كعد برهاوه ورفع رجل فوك رجل وحجه وكأن فجر شي بالبيت من قوة كلامه
عباس: تعاي بابا روح تعاي سلمي على اخوج
حسيت عبالك ثگل الدنيه كله طاح على راسي، بقيت واكفه بمكاني اريد اجر نفس ماكو رجلي بعد مايحملني
اسمع صوت امي تبجي بقهر
عباس: انتِ هم حور تعالن شبيجن
كلهه ساكته مصدومه انظارهم على الوالد، احس بعد مابيه ابقى واكفه تمشيت كعدت على الدرج روحي رايحه مدنكه وايديه على راسي اعصر بي اريد استوعب الكلام
سليم: عمي شنو شجاي تحجي؟
عباس: شجاي احجي اخوهن يجن يسلمن عليه
ليث: شلون ووين وشوكت؟
رفعت راسي اباوعله كاعد وولا عبالك مسوي شي فار دمي
عباس: من قبل لا ازوج ام البنات
حجاهه واشر على امي مبتسم بخفه، الصدمه الي احنه بيهه ماتنوصف
عباس: تعاي ام روح ليش واكفه كعدي هناا
يأشر على مكان بصفه يريدهه تكعد يمه، ماتحملت بعد كمت وكفت اصرخ
روح: انتتتتت شنوووو من بشرررر ماتتحسس ماعندك احساس وينننه وينننه الجان قبل مايقبل على اذيتنه شغيررررك فهمنننني شوووو هسه منين ماندووور نلگه الاذييه منكك
عباس: روح بابا هسه انه شمسوي
وكف وتقدم اجه يمي
روح: دمرتنه كُلنه وبعدك مستمر شنوووو معناهه مزوججج وقبل ماما ليش محددد يعرف ليش ماحجيتتت
عباس: بابا سمعيني ولا تعلين صوتج مقدر موفقكم كلكم بس هذا الي صار تعالن كعدن اسولفلجن كلشي
التفتت على جدي احجي...
روح: جدو صدك هذا الحجيي؟؟
سكت جدي منزل راسه ماجاوبني اجه ابوي يمنه....
جرنه اني وامي كعدنه وجاب كرسي كعد كدامنه وامي بس تبجي متت قهر عليهه، اجت حور كعدت من بعد ماصاح الهه ابوي ودموعهه على خدهه، كعدنه وبده يحجي....
عباس: باعو باباتي قبل لا اتزوج امكم وانتو تصيرون تزوجت بنت عمي بعلم امي وابوي بس جنت رايدهه وحابهه بشكل ماتتصورونه، من تزوجتهه اخوتي اتزوجو وراي من بعد شهر من الزواج حملت بأخوكم جنه عايشين مرتاحين بعد فتره من كل هذا الحجي المره بدت تتغير اسلوبهه وتصرفاتهه انطيتهه العذر گلت يمكن هذا من الحمل بس استمر هذا الشي سنه كامله قبل لا اتزوج امكم، صارت الصدفه ان كعدو يمنه جوارين جدد وشفت حوراء حبيتهه كلش بس كرهت نفسي لان باوعت عليهه وانه عندي مره وطفل بقيت يوميه اشوفهه تطلع للمدرسه ماتحملت بعد ورحت حجيت الابوي ماقبل بالبدايه بس بعدين من حجيتله ان انه مامرتاح واريد استقر واريد زواج كل الناس تعرف بي قنع واتزوجنه ومحد يعرف انه متزوج قبلهه وعندي طفل، كبر ابني صارت روح عندي جنت عادل بينهن رغم المشاكل الحد ماقبل شكم شهر ام حسن الي هيه زوجتي الاولى تمرضت بقيت وياهه اخذهه طبيب اعالجهه دايرين بالنه عليهه انه واخوكم وقبل شهر توفت الله يرحمهه وهسه يلا كدرت افاتحكم بالموضوع
أنت تقرأ
روح "سليم"
Romanceرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
