روح "سليم"

Part 5

#روح

للكاتبه: زينب.

_لا تنسون التصويت_

يـّ من فدوهّ لـ هذاگ الطول،يـّ بعد الكُـل🌿
______________________🦋________________

"حور"

گاعدين يم جدو وكُلنه ملتمين دخل علينه بابا..

عباس: صباح الخير يابه

حامد: هلا بيك بويه صباحك عافيه

عباس: يابه اجيت استشيرك بموضوع قبل لا اخطي خطوه عليه

حامد: ياساتر كول

عباس: البارحه اجاني ابو محمد تعرفه

حامد: اي اعرفه هذا شبي

عباس: اي يابه اجه طلب مني روح الأبنه محمد

هناا الصدمه بقيت صافنه على بابا وانتظر يكمل كلامه

حامد: اي وشنو رديتله

عباس: هوه اجيت اخذ رئيك وانشوف روح هم شتگول

حامد: شوف البت اول والولد شنو هوه واذا اكو قسمه تصير

عباس: هاي هيه رايح احاجيها لان الرجال يريد يجي هل يومين

راح بابا وعافنه بصدمتنه اني وامي لان ابويه يعرف روح ماتريد تتزوج حاليا وخاصه هيه مهتمه بدراستها حيل..

راحت امي وره وبقيت وحدي اضرب صفنات وجهت انظاري على سليم الي وجهه تغير بشكل مو طبيعي..

عاكر حواجبه بأعصاب ووجهه انطعن احممر وعيونه دم..

وگف يروح ويرجع بالصاله قابض على ايده بقوه عبالك راح اطك..

تقربت مني ريتاج وگالت..

ريتاج: اذا ماطلع اخوي يحب روح تعالي عتبي عليه

حور: ياااا ولج شهل حجي شمعرفج انتي منين تجيبين هل سوالف؟

ريتاج: شوفي هسه

نحجي بالهمس واحنه انراقب الوضع..

سليم: جدي رايدك بحچايه

حامد: اي گول بويه

سليم: جدي مو هناا

حامد: شجاك سليم جا گاعد وسط غربه انت؟

سليم: جدي الله يخليك ابوسهه الايدك وحدنه

حامد: هاي هيه بويه امشينه

طلعو للحديقه وحدهم وبقينه احنه كاعدين ننتظر روح شتگول

طلع ابويه من يمها وجهه مليان اعصاب ماعرفنه شنو السالفه

رحت اركض يم امي وروح..

روح: ماما انتو تفهموني مااريده مو گوه هيه

حوراء: الله كريم حبيبتي اني احجي ويا لا تفكرين التهي بدراستج وصيري زينه

طلعت امي وبقيت ويا روح وحدي..