#روح
للكاتبه: زينب.
_لا تنسون التصويت_
_لا تنسون التعليق على كل فقره _ حلواتي🤭❤️.
لَهسه صُواب هجرك حَار بينه
وطَبيب الـ طَيب السِل حار بينه .
______________________🦋________________
"روح"
نايمه وحسيت بأيد تمسد بشعري، انفاس حاره على وجهي، دمعه انضربت بخدي
فتحت عيني شويه وشفته سليم استغربت وجوده بهذا الوقت وبحالته هاي،، رفعت راسي اعدل نفسي حته اگعد ابتعد داير وجهه يمسح عيونه
لزمته من چتفه احاجي....
روح: شبيك سليم
سليم: احمم مابيه شي
روح: باوعلي
هز راسه بـ لا، لزمت وجهه ادوره عليه واحاجي
روح: شبيك يروحي
حجيتهه وتحرر سيل من الدموع تنزل من عيونه
سليم: يروحلج فدوه سليم
روح: فدوه الك بس حاجيني شبيك
سليم: تعبان روح تعبان
روح: اسم الله عليك بيه التعب كون ولا بيك
سليم: لا لا اسم الله عليج لا لتحجين هيج
لزمت وجهه بثنين اديه ارفعه عليه اريد اباوع بعيونه اريد افسر تعبهن
روح: سولفلي من شنو تعبان
سليم: عوفج من شنو تعبان، اريد حضنج
حجاهه وتمدد مخلي راسه على رجلي
سليم: ايدج ايدج خليهه على شعري
يحجي بشوغة روح يمه احس گلبي راح من نبرة صوته وتصرفاته
روح: بس حاجيني ليش هيج ترجف
سليم: اخخ روح اخخ
روح: اسم الله عليك سليم حباب
سليم: خليني يمج بس بحضنج ارتاح بس هاي الليله تحمليني روحه تحملينيي
روح: شنو بس هاي الليله سليم والله جاي تخوفني
سليم: بس ارتاح خليج يمي
روح: يممك اني يمك
سكت جسمه ينتفض رجف گلبي ويا ودموعي نزلن من سمعته يشهك ضام وجهه بأيدي ضاغطهه حيل على وجهه كل شوي يبوس بيهه ويردد...
سليم: بس اليوم اريد اشبع منج ابقي يمي لا ترحين
روح: يمك وعيونك مااعوفك كل يوم مو بس اليوم حبيبي انتَ
سليم: عيديهه يابه گلبي
روح: حبيبي وكلشي الي بس اريد افتهم شبيك
أنت تقرأ
روح "سليم"
Romantizmرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
