روح "سليم"

part 27

#روح

للكاتبه: زينب.

_لا تنسون التصويت_

<والتعليق بين الفقرات>

زعلان
بس يا زعَل ..
لمن ترِد للصدكَ .. قبل المنادى اجي
وشلون جيَه اجي !!
اركض .. ركض محترِك
يا لذتَك بريتي
وين الكَه مثلك هَوى
لولاك .. والله اختنكَ
هيه شَراكة نفس
لو سكت كَلبك .. سكت كَلبي
ويدكَ .. لو يدك
____________________🦋__________________

حور بس سمعيني لا تسوين هيج بينه

حووووور فتحييي احاجيييج

حور: وخر منا ليثثثث ماااااريد اسمع صوتكككك

ليث: حور فتحي نتفاهم لا تأذيني هيج

سليم: ها ليث شصاير ليش تصيح

ليث: ماترضه تفتح الباب سليم تعبتني

سليم: تعال خليهه وحدهه شوي ترتاح وامشي وياي خلي افهم شبيكم

اخذته ونزلنه جوه كعد يتنفس سريع

سليم: شبيك ليث هدي شوي كول يالله اشرب مي وسولف

جر نفس مسح وجهه وباوعلي يحجي منفعل

ليث: سليم تعبتني يوميه مشاكل انوب هسه اجتني تعال نفسخ مااريدك بعد ولا اريد هذا الزواج سليم احنه جاي نلعب اني ميت حتى يصير الزواج بأي شكل من الاشكال وهيه هسه بعد هذا التعب تجي تگلي نفسخ شنوووووو جهاااال

سليم: بلا اعصاب ليث بالتفاهم كلشي ينحل

ليث: ياتفاهم سليم ماتكلي ياتفاهم هسه ماجاي تشوفهه شلون قافله الباب وحق الله بزعتني

سليم: لازم تتحملهه هواي صارت احداث بأخر فتره وكلنه تعبنه وكلنه علينه ضغط ومانتحمل شي اصبر عليهه هم حقهه

ليث: تعبتني سليم يوم زينه وعشره تشتكي مني والله كيفهه اذا ماتريدني مااجبرهه

دنگ راسه مقهور يمسح بوجهه بقيت ساكت جريت نفس ورجعت احاجي

سليم: اذكر الله ليوث مو هيج تنحل السالفه اني راح اكعد وياهه واحاجيهه لا تتخلى عنهه بهاي السرعه

رفع راسه يباوعلي عيونه مدمعه

ليث: سليم انتَ رجال واني ورجال ومن احجي راح تفهمني
يوميه تشكك بحبي الهه وتقلل مني واني حيلي انهد بس حتى تصيرلي زوجه واصيرلهه كلشي اكعد وياهه افهمهه بابا والله احبج واريدج تگلي لو انتَ رجال وتحبني صدك ماتأذيني
سليم اني بشنو مأذيهه الله شاهد عليه اخاف عليهه اكثر من كلشي بهاي الدنيه عاشگهه بخبال بس ماتشوف حبي وتعبي الهه

سكتت شحجي ويا حقه رجال وصعبه عليه هيج يسمع وهوه ليث كلش جاي يتعب وهوه يجهز الزواجهم كلشي يوصي من الخارج علمودهه