#روح
للكاتبه: زينب.
_لا تنسون التصويت_
مَا زَالَ صوتكِ في ثنايا مسمعي
و الشوق في صدري يفتت أضلُعي
و اللَّه إنَّ الشَّوق فاقَ تحمُّلي
يا شوق رفقًا بالفؤادِ ألَا تعي
يا زهرتي إِنْ مرَّ اسمُكِ عابرًا
يزداد من فَرطِ الحنينَ توجُّعي
حاولت أنْ أخفي هواكِ وكلَّما
أخفيتهُ في القلبِ فاضت أدمعي.
_________________🦋________________
"ريتاج"
زهراء: ولك يممه أگعد اروح فدوه الطولك
ليث: سلييم تسمعنيي يااارب بس رحمتتك اللهيي
ريتاج: ليث عفيه بسرعه راح يوكف گلبه
فززني من صرخ وضرب على رجله بكل قوته
ليث: الهيي رحتمكك
يسوق بكل سرعته وكل شوي يضرب شي بالسياره علما وصلنه للمستشفى
نزل يركض يصيح للممرضين روحه شايطه،، نزل سليم وياهم دخلنه اني وامي نركض ورا
اخذو للطوارئ واحنه بره كل شوي ليث يريد يدخل ومايقبلون شصار بي وامي كاعده بس تبجي واحتاريت بينهم
شوي وشفت غيث وجواد جايين علينه حسيت خف الحمل عليه شوي من شفت غيث
تقدم يحاجي ليث وذاك اعصابه نار عافه واجه علينه وكفت باوع عليه مقهوره تقدم حضني يمسح على چتفي يطمني
غيث: مابي شي ان شاء الله حبيبتي مو زين عليج هيج والله امشي اخذج للبيت ترتاحين
ابتعدت عنه امسح دموعي بقهر باوعتله احاجي
ريتاج: مااريد اروح اذا رحت اتعب اكثر واني مااعرف شكاعد يصير هنا
غيث: تعاي گعدي
كعدت بصف امي وجواد كاعد من الجهه الثانيه يصبر بيهه
شوي وطلع الدكتور توجهه ليث يحاجي
ليث: ها دكتور طمنه
_اول شي الحمدلله على سلامته
ليث: الله يسلمك
_هوه اخوك مو
ليث: اي دكتور اخوي بس گلي شبي
أنت تقرأ
روح "سليم"
عاطفيةرجُلٌ من زمنٍ آخر.. احب فتاةٍ فطار بها حُباً.. قوي شديد مع الآخرين.. الا معها كان ارقُ انسان.. عشقها حتى اصبح مجنوناً بها.. هل ستجمعهم الاقدار؟ ام للزمان كلامٌ آخر؟ فتاة لطيفه قويه.. تُحارب من اجل نفسها.. وقعت في شباكِ عاشقها.. حتى اصبحت مُدلله.. حا...
