°°°
كحِيل العَين ، مَا بِين الدّفا والجفَا غيمَة أمطَار
إذا ما لقينا من أهل الدار طيبة فال
نشوم ونخليها لمن هو سكن فيها
صحيح الفراق مضر لكن على ما قال
ما هي تحرق الجمرة سوا رجل واطيها
°°°
عامية سعودية من وحي الخيال
برومانس
°°°
بدأت : ٢٠/٠٩/٢٠٢٣ م
إن...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
°°°
< ٩:٣٠ صباحًا >
بالفسحة .. أبوك يالطفش !
أخوياي جنبي يرقصون ويضحكون وأنا متربع وأناظر للطلاب وحركتهم ، غيث وينه ؟ ودي أروح اسأله عن الجيفة عمر بس مالي خلق أدور عليه ، أخذت نفس عميق وقلت
" غيييثث !! "
ناديته بصوت عالي والمدرسة كلها قامت تتلفت ، مو لأن صوتي واضح بس لأن ' فهد ' هو اللي نادى .. ليش ناديت ؟ تراني كذاب مدري وينه غيث بس ناديته عشان الطلاب يناظرون لمكان جلوس غيث وأشوفه أكيد إنهم عارفين وينه وفعلًا ناظروا بالزاوية وشفته جالس ويتلفت منخرش شفيهم يطالعونه واضح ما سمع ندائي ! قمت يوم شفته ومشيت لعنده وكان جنبه خويه أتوقع إسمه راكان هو وغيث دوافير الفصل ، جلست جنب غيث ولفيت يدي حوله وقلت متكي عليه
" غيث حبيبي ، وش صار بالتفصيل ؟ كم بقس أعطيته وكم بقس معطيك ؟ تصدق ؟ يا حظ من يضربك "
قلتها كلها ورا بعض وأنا أناظره وهو متضايق مني واضح ما يحب الملامسات الجسدية ، سمعت همس راكان
" يا لوع كبدي "
ناظرته رافع حاجب وقلت
" خير ؟ "
ناظرني وقال بسخرية
" الخير وجهك يا حبيب عمري ! "
قعدت أحاول أتذكر ليش مشخصنها معي قد تنمرت عليه ؟ ما أذكر ! ناظرت لغيث شفته يناظرني بقرف ! وش فيهم ؟ تحسست الصدق وخرت عن غيث وقلت
" يا ذا النفسيات ! خلاص كل زق كنت بساعدك يا رب يجلدك جلد وتجي عندي تقول فهد ساعدني تكفى "
قال رافع حواجبه
" ا الله لا يحو.جني لك "
قمت ، وناظرت لراكان .. وهو يناظرني ! فجأة حسيت بأنفاس أحد على رقبتي وأحد يبوسها !! أقسم بالله بغيت ألف وأعطيه كف يلف وجهه مرتين حسبته واحد من البرمائيين !! لكن لما لفيت لقيته إيهاب يضحك بقوة الكلب درى إني أنخرشت ! ضحكت رافع حاجب وقلت
