كـحِـيـل الـعَـيـن

نُدُوب

°°°

< عام ١٩٩٠ >

الجو كان بارد لكن الشمس ساطعة وفي بيت شعبي سقفه عبارة عن هنقر حديدي ، فيه غرفتين نوم ومطبخ وصالة وحمام واحد مشترك ، في وقت الظهر وبينما الملابس تتحمى فوق الحبل الممتد من البيت للشجرة الموجودة نهاية حوشنا المتهالك ، وبينما الثياب الأخرى لا تزال داخل حوض الغسيل الموجود تحت الخزان الأسطواني في حوشنا الترابي ، لا يزال بزبوز هالخزان يقطر موية تقع على الملابس وفي بعض الأعشاب نبتت تحته بسبب تقطيره المستمر للماء ، بينما الأسِرة الحديدية المصدية في الخارج مستورة بفرش ملونة بألوان زاهية وفاقعة يتوسط هالقعدة طاولتين بلاستيك بنية تغير لونها من تعرضها المستمر لأشعة الشمس الساطعة ، والشبك الحديدي اللي يفصل بيننا وبين المزرعة المليئة بأشجار نمت وحدها لأن هالمزرعة ما صار أحد يلتفت لها

كان شباك المطبخ الحديدي مفتوح ، وكانت تظهر من خلفه سيدة هزيلة بوجه مليء بالتجاعيد رغم صغر سنها حيث كانت في الثلاثين لكن من وجهها يتضح وكأنها في نهايات الأربعين ، تلف شعرها بشدة بطرحة سوداء وتلبس جلابية نوم مزخرفة وتشمر أكمامها وهي تسوي خبزتها ، كنت أنا واقف على الطاولة الصغيرة الخشبية عشان أقدر أناظرها وهي تعجن العجينة وتفردها بكل حب جوعان لي يومين مب ماكل شيء ، وفجأة بدون سابق إنذار بينما أنا أخلق قصص حب مع العجينة تفلت السيدة في وجهي وقالت

" أنقلع عن وجهي ! رح شف لك شغلة تسويها زي الرجال مو تقعد تتفرج لطبخي ! "

غسلت التفلة من المغسلة الحديدية اللي بالكاد أوصل لها من قصر قامتي ثم خرجت أدور لي شغلة نفس ما أمرتني ، شفته كان منسدح برا على الكراسي الحديدية لابس سروال أسود وشيرت لنادي سعودي قديم وبيده لعبة نسميها ' طقاقة ' يلعب فيها بملل ، أقتربت منه مبتسم وقلت

" ضيف الله أعطني أبي ألعب ! "

رد علي بلا نفس

" وخر عني يا رودي لأهبدك فيها "

شفيهم محد له خلق لي ؟ رحت بهدوء لمكاني المفضل ! قريب من المزرعة جلست وقعدت أحفر بيدي العارية وبأحجار ، كنت أدور لديدان عشان أعطيها الصيصان الصغيرة الموجودة فوق شباك الحمام لأن أهل هالصيصان معد رجعوا ماعرف ليه ، شوي وشفت دودة صغيرة تتحرك وبسرعة جيت بمسكها لكن حسيته بيدين تحاوطني من خلفي وبصدره يلتصق مع ظهري وهو يبتسم ويقول بينما يمسك كفوف يديني