كـحِـيـل الـعَـيـن

مَفقُود

°°°

[ فهد حجزنا ملعب تجي ؟ ]
[ هيا قول لا والله لألطمك ]
[ سحبت علينا وأنت منجدك ]

أرسلها سيف ، الصدق ؟ بخاطري ألعب كورة بس مشغول ! جيت برفض بس تذكرت غيث وكيف كنت ألعب معاه وحنا صغار ! فكتبت

[ بجيب غيث ]

جاني الرد بسرعة

[ لا مايعرف مانبيه ]

يحليله ما يعرف غيث

[ ما يعرف ؟ بجيبه وشوف مستواه ]

عزمت غيث ، وفعلًا على المغرب لبست رياضي وطلعت بسيارتي أمر غيث للملعب ، غيث وافق ؟ لا طبعًا بسحبه غصب عنه ! وقفت سيارتي عند بيته وطقيت بوري أتوقع الحارة كلها صحيت من الصوت المزعج ، أخيرًا طلع غيث بسروال وهودي ثياب مب رياضيو لابس شبشب وكاب ويناظرني كأنه تو صاحي من النوم يأشر بيده يعني وش بأهلك أزعجتنا .. رجعت طقيت بوري معلق عليه وهو جا بسرعة وفتح باب سيارتي وأنحنى يناظرني معصب

" و وش تبي أزعجتنا ؟! أنطم ياا ور.ع !! "

قالها منزعج من البوري ، وقفت مبتسم وقلت

" ألبس جزمتك ويالله "

رد علي ونفسيته بخشمه ويبي بس يرجع ينام

" يا يابن الحلا.ل قلنا لك ما نبي "

مدري حسيت ما عندي رد قمت رجعت طقيت بوري وطولت ضاغطه

" خلااص طيب ط طيب ! "

وراح يلبس جزمته ، تكيت على قزاز شباكي مبتسم بجانبية حاس نفسي توم كروز لأني قدرت أقنعه ! الحركة كنت أسويها لقاسم وتنفع معه ما توقعت إنها بتنفع مع غيث ! خرج لي بنفس ملابسه بس لابس جزمة وركب معي مصدع وماسك راسه

" سوق زي الناس لا أرجّع عليك "

بسم الله ! حطيت يدي على المكيف وبس شافني سويت هالحركة قال

" بس ياا قويطي أنت بس ! "

ضحكت ، هالحركة يعني بفحط وقاعد أشيك عالمكيف ، قلت

" يوه إنك نفسية خل نعيد الأيام الخوالي ياخي ! "

لعلها هجت معه وقام يفضفض متكي بيده على الشباك وماسك راسه ومغمض عيونه حتى حواجبه رافعها متقرف من الكل