راقصي الهوس فجورا

الجزء السابع

⚜️ࢪَاقِــصِـي  الهَــــوَس  فُــجُـوࢪَا⚜️

••عِـــــــشْقٌ ذَمِيـــــــــمْ••      

✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

𝐏𝐚𝐫𝐭乂7

صوتها تقطع، حركاتها تشللو، فقدات وعيها و ترفعات لعالم الأحلام، عالم ما فيهش مصطفى الظالم، المهووس حد الممات، في حين هو حس بيها ترخات خرج رجولتو من انوثتها و بعد كي حقق فيها بتمعن، شحال متعطش فهاد اللحظة يگرد جسدها أطراف باش يغسل عارو...

شحال متعطش يحرق كل بقعة فجسدها لي شافوه الرجال، باش يبرد حر النار لي شاعلة فيه، ماشي ساهل على اي راجل كان يتحط فنفس هاد الموقف، شرفو و عرضو گاع الرجال شافو جسدها و تمناو يدوزو معاها ليلة حمراء يفرغو فيها كبتهم،و أكيد شحال من واحد عاش هاد المشهد فمخيلتو و شحال من واحد فرغ شهوتو بالعادة السرية و هو كي راقبها كاتتمايل بكل إثارة...

تشنجو ملامحو و هو كي فكر فهادشي، جمع بديه على شكل لكمة و وجهها ليها، يالاه بغا ينزل عليها بيها و هو يحبس فالوسط، لكمة قوية بحال هاديك غادي تصيفطها للقبر لا محالة...

فك يديه لي كي رجفو من الاعصاب و مسح وجهو باغي يتهدن،كفاية تعذيب لهاد النهار،مازال ما خصها تمو•ت،مازال ما برد و ما زال ما غسل عارو، ناض من فوقها و مشا خرج من تما مخليها فاقدة وعيها...

توجه لبيت اخر، و دخل النيشان للدوش، طلق ما بارد و بقا واقف تحت الرشاشة لعل و عسى يبرد عليه شوية،حتى سالا نشف راسو و لبس حوايجو، خرج للبالكون و شعل گارو كي نتر منو، بقا كي كمي واحد تابع واحد ما حسش براسو حتى سالا بكية كاملة...

ظلام الليل مشا، و جا نور الشمس لي ضوا على ماريا و هي ناعسة فبيتها عريانة، باقا على نفس وضعيتها،بدات كاتكشر فملامحها ملي اشعة الشمس برزطاتها،حلات عيونها و وجهاتهم للسقف، قبل ما تحولهم للغرفة كاتفحص فيها بعيونها الحائرة...

للأسف، ما كانش كابوس، انما حقيقة لن تتغير، ها هي فاقت و لقات راسها اسيرة للعاشق المهووس، لا مفر منه، تجمعو الدموع فعينيها و حطات يديها لي كلهم مطبيعن على راسها لي عاطيها الحريق...

ماريا(بصوت باكي، بقهر قالت): الله يا ربي اش هادشي انا فيه؟ يا ربي عاوني و لا ديني لعندك ما عندي فين نزيد

شهقات ملي نبرة صوتو الباردة تغلغلات ليها مع العروق...

مصطفى:ما عندك فين تمشي ا ماريا(شافت فيه مرعوبة)تخليني و انا يالاه لقيتك من بعد 3 سنين؟ لا

ماريا وجهات عيونها للبلاطو لي عامر بالفطور و لي كان هازو،بلعات ريقها بتوتر عرفات ثاني نفس السيناريو كي تعاود، غير سيناريو هاد المرة اقسى و اصعب مليون درجة على قبل...

مصطفى(قرب ليها و جلس حداها):نوضي تفطري،وجدتو ليك كيف كاتبغي(هز فيها حاجبو) ياك بعدا باقي كي عجبك الكريپ بالشكلاط؟ ياك ما تبدل ذوقك حتى هو؟(رمقها بنظرات حادة و قال) بدلو ليك شي حد؟

ماريا لقات بلي احسن حل حاليا هو تسلك معاه و ما تشدش معاه الضد،عتادلات فجلستها حاطة ظهرها على الكادر ديال الناموسية، و جرات الليزار لعندها مخبية بيه مفاتنها...

ماريا(بصوت خافت يصعوبة قادرة تنطق، باقي لسانها كي حرقها):لا باقي كي عجبني

مصطفى بتاسم و حرك راسو، حط البلاطو فوق فخادو و هز الموس و الفورشيط كي قطع فالكريب، خدا دغمة و مدها ليها، و ببطئ حلات فمها حتى خشاه ليها، بدات كاتمضغ فيه و الدموع فعينيها حابساهم ما ينزلوش...

مصطفى(هز كاس ديال العصير):عصير الحامض باقي كي عجبك ياك؟

ماريا غمضات عيونها حتى طاحت دمعة حرقات خدودها، ما تقدرش تكذب و تقول لا و هو عارفها كاتحماق على عصير الحامض، انما حاليا لسانها محروق و الحامض غادي يزيد يشعل فيها العافية....

ماريا حدرات راسها و حركاتو بأه، مقهورة، مغلوب على أمرها، في حين هو قرب ليها الكاس حتى لفمها و بدا كي شربو ليها، ساكت و مراقب ملامحها و هي كاتتألم في صمت، حتى سالاتو بزز منها و داخل فمها نايضة فيه حر ب، كلو كي تشوا و عاطيها حريق من نوع اخر...

مصطفى هز ثاني قطعة من الكريب و عطاها ليها، قبل ما تمضغها زادها قطعة اخرى، خشاها ليها و زاد ثاني عطاها مرة اخرى حتى عمر فمها مابقاتش قادرة تبلعهم، دورات وجهها رافضة الدغمة لي مد ليها و كاتحرك ليه راسو بلا...

مصطفى شد ليها وجهها دورو لعندو و زير على فكها حتى حلات فمها لي عامر بالكريب، و خشا ليها ديك الدغمة حتى خرجات عيونها ملي بدات كاتحس براسها تخنقات، دفعات ليه يديه و ناضت طايحة للأرض كاتستفرغ گاع داكشي لي كلات...

هدشي مخلاهش يحبس هز طرف اخر لي كان كبير وجرها من شعرها لعنده و هي باقا كترد، وخشاه ليها فمها كيحاول يوكلها، عينيها خرجو من بلاصتهم طلعات ليها الردة من نيفها ملي لقات فمها عامر، جسدها بدا كينتافض من الاضطراب لي جاه...

كان محتاج يفرغ لكن ملقاش كيفاش ، كان باقي شادها بين يديه وهي كترد فحضنه معمران هو  ومعمرة راسها،كتحس بمصارنها غادي يخرجو مع فمها، النفس تقطعات فيها،في حين هو بارك كيشوف فيها بكل برود و قساوة مخليها ترد عليه ، ملي بانت ليه حبست دفعها لايحها فالارض شرويطة .

يتبع...