راقصي الهوس فجورا

الجزء الحادي عشر

⚜️ࢪَاقِــصِـي  الهَــــوَس  فُــجُـوࢪَا⚜️

••عِـــــــشْقٌ ذَمِيـــــــــمْ••      

✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

𝐏𝐚𝐫𝐭乂11

كانت متكية فوق الناموسية من بعد ديك المعركة الحميمية ليوقعات بيناتهم فالدوش،تصرفاتو المتناقضة معاها،هما لي خلاوها تسافر بذاكرتها الى الماضي و تتفكر اول مرة تلاقات بيه،داك النهار الملعون لي بسبابو ولات رهينة لهاد الوح ش الآدمي...

و هي ساهية رجعها صوت الباب كيتحل لواقعها المرير ،تحل الباب وبان مصطفى بقامته العالية وجبروته،هربت بعينيها من عليه مكانتش قادة تشوف فيه مورا موقع داكشي فالحمام، كرهات استسلامها ليه .

رجعات للور بخوف ملي برك حداها فوق الناموسية هاز فيديه علبة الاسعافات الاولية ، تكمشات على راسها برعب  خايفة لا يعذبها بشي طريقة اخرى و يتفنن فيها ثاني .

نطق بهدوء بدون ما يهز راسه فيها :"تعراي"

لا رد منها تكمشات على راسها كثر، هز راسه فيها ملي ما لقى منها حتى حركة ،مد يده جارها لعنده بكل حنان مجلسها فحضنه، ظهرها على صدره ،كانت كترتعش بين يديه بحال شي ريشة كيحركها نسيم الهواء.

قفزات مخرجة عينيها ملي حسات بيه كيشرك فحوايجها فوق لحمها بطريقة عنـ يفة،و بدون شعور منها دموعها نزلو مكانتش مستعدة تخوض شي حرب نفـ سية او جسدية معاه مرة اخرى.

تأوهات ملي بدا كيداوي ليها فجروحها منطقة بمنطق،كان فيما يسالي من بلاصة كيدورها باش يداوي ليها جهة الاخرى، وصل لعند صدرها اضطربو ملامحها وهي كتحس بملمس اصابعو الخشنة على صدرها، كانت كتدعي فخاطرها ميديرش شي حاجة ما باغاش تحس بالذل مرة اخرى.

هز راسه فيها كاسر الصمت  :" بغيتك توجدي راسك مزيان باش نعرفك على واحد الضيفة ، غتعجبك بزاف."

عقدات حواجبها كتفكر فشكون لي باغي يعرفها عليها،واش شي وحدة دخلت لحياته فغيابها،و  ملي شاف حياته لاش كيدير فيها هاكا .

دفعات ليه يده بعنف من عليها و نطقات بحقد:" ملي شفتي حياتك مع وحدة اخرى لاش باقي تابعني لاش كتدير فيا هدشي، شوف حياتك وخرج من حياتي ".

رجع حط يده كيداوي ليها و ابتسامة شاقة وجهه كأنه مستمتع بانفعالها:" انا متأكد غادي تعجبك بزاف وتونسك كيما ونستني انا في غيابك ".

مع نطق بالكلمة الاخيرة، ملامحه تغيرت فلحظة تعلاها الغضب و هو كيتفكر كيفاش حرقاته و مشات وخلاته موراها كيتشوى، ما هو من الحيين ما هو من الميتين.

نظراته رعبوها كيفاش تحول من انسان لشيطان في لحظة وحدة، قفزت مطاكية على وجهها ملي بان ليها هز يديه عليها كان عند بالها غادي يضربها،حتى كيفاجئها ماد يده لحنكها كيتحسس فيه بحنان وعينيه كيحققو فملامحها....

الملامح لي كان كيقلب عليهم فكل امرأة و ما لقاهمش،الملامح لي ياما زاروه فالاحلام وتخايلهم فالواقع دياله،محسش براسه حتى حط جبهته على جبهتها كيتنفس انفاسها الخائفة منه .

بلع ريقه مغمض عينيه جارها لعنده كثر كأنه كيحاول يدخلها وسط ضلوعه (بنهم):" معارفش اش نسمي هدشي لي بينا و لكن هاد العبد قدامك كيحيى ويمو ت بك (هز يديها حطها على صدره فوق قلبه النيشان ) كتحسي بهادشي لي كنحس بيه واش غير انا لي ملعون بك؟"

رتعشو شفايفها كتحاول تكبح دموعها ،ضرباته باليد لي على صدره :"كيفاش هاد قلب كيمو ت ويحيى بيا و مولاه كيتفنن فعذابي كيجرني موراه لجهنام؟(بغضب مكشرة ملامحها) كيفاش كيفرح لعدابي؟معرفتش حتنا شنو نسميه مي لي متأكدة منه انك عمرك بغيتيني

قرب منها شاد وجهها بين يده بكل حنان :"اشش متقوليش هاكا انا كنبغيك كثر من راسي يقدر متفهميهش و لكن راه عمرك غادي تلقاي لي يبغيك بحالي

ضحكات باستهزاء على كلامه :" الحب؟ كتبغيني؟ فين هو هاذ الحب مشفتوش ،اه بلاتي كتدوي على هذا الحب

بدات كتوريه فالضرابي القدام والجداد لي كانو من صنعه،و نطقات بقهر:" كتدوي على هاد الضر بة نهار كنتي غادي تقطع يدي حيث سلمت على خوك؟ ولا على هاذي (جرحة فحاجبها ) نهار خشيتي ليا راسي فزاج ديال الشرجم حيث طليت منو؟(حركات راسها) اه هذا هو الحب لي كتقصد ياك؟ حبك لي غنخرج منو ميـ تة

كان كيشوف فيها بنضرات باردة كعما مهتم لأش كتقول،مسح على شعرها بحنية :" رتاحي باش ملي تجي ضيفتنا تلقاك مزيانة ."

باسها على راسها وناض كيجمع فداكشي مخليها كتشوف فيه بعدم استوعاب ،تأكدت انه ماشي انسان طبيعي بتاتا، تلاحت فوق الناموسية على ظهرها طافية دماغها مغمضة عينيها هاربة للنعاس .

يتبع...