راقصي الهوس فجورا

الجزء التاسع

⚜️ࢪَاقِــصِـي  الهَــــوَس  فُــجُـوࢪَا⚜️

••عِـــــــشْقٌ ذَمِيـــــــــمْ••      

‏✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

‏𝐏𝐚𝐫𝐭乂9

رجعات بيها الذاكرة لكثر من سبع سنين للور،و هي وسط بار صغير بالبدلة ديال الرقص كتشطح للكليان ... تا كيبان ليها البوليس داخلين و ناضت لهيلالة و كلشي بدا كيهرب و ينفد بجلدو لا يصدقو البوليس جامعينو...

بقات غير مصدومة و مصمرة فبلاصتها هاكداك بدوك الحوايج كتشوف فالبوليس داخلين بين الناس و شي كيزطم فشي ، لمحاتو وسطهم داخل عاقد حجبانو و مخنزر واحد التخنزيرة كتجمد الما فالركابي، جات  عينو عليها واقفا هاكداك مصمرة و مرعودة بالخوف و لولا الماكياج لي دايرا كان يبان الد/ م لي هرب من وجها بالخلعة...

شاف فواحد من البوليس لي معاه و شير ليه ناحيتها و نطق بحدة : طلع ليا تا ديك القـ حبة راها ...

ماريا حركات راسها بلا كتبكي : لا لا ما درت والو ما درت والو ..

دفعها داك البوليسي بقسوة و نطق :  تهزيي يالله ...

شدها خرجها حتى هي طلعها فالسطافيط مع الق/ حاب ديال البار و سد عليهم،بقات جالسة معاهم كترعد بالبرد و الخوف حيت ما كانتش لابسة لباس دافي،كانت كلها مفضوحة و كانت اول مرة غادي تشد ...

ديمارات السطافيط متوجهة للكوميسارية الكبيرة و نزلوهم كلهم هبطوهم للتحت ،حتى لشويا بداو كيطلعوهم واحد بواحد للفوق عند الكوميسير تا جات نوبتها هي ..

جا واحد البوليسي طلعها كيدفع فيها كيعاملوهم بإحتقار، دق فلباب د المكتب تا سمع الإذن عاد فتح و دفعها تا وقفات قدام داك المكتب،هزات عينيها و هي تجي فعينيه الحادة مباشرة،شوفاتو و تخنزيرتو خلاتها تبلع ريقها و الخلعة تشدها كثر و كثر ...

شير ليها جيهت الكرسي تجلس و هو كيشعل الكارو،في حين هي بقات مصمرة كتشوف فيه تا شعلو و نتر منو نترة طويلة، طلق الدخان ديالها و نطق بحدة : بركي ا ز بي ...

حركات راسها بالإيجاب كترعد و جلسات كتفرك فصبيعاتها مع بعضياتهم و حادرة عينيها  كتعض على شفايفها، قدداتهم بالتوتر و الترقب، حتى قفزها بصوتو ثاني : هزي راسك ..

هزاتو فيه بالزربة مزيرة على شفايفها و هو ميل فيها راسو، تكا على الكرسي بضهرو و نطق بخشونة: يالله ا آنيسة اري داك لاكارط ناسيونال..

ماريا رمشات فيه عويناتها بالزربة و ردات عليه بطبقة صوت منخفضة: ما عنديش ...

مصطفى ضـ رب يدو مع البيرو تا قفزات و نطق : كفاش معندكش جبدي لكارط من التقحـ بين..

ماريا بلعات ريقها بخوف و نطقات : باقي ما درتها...

مصطفى قوس حجبانو بإستفهام : كيفاش باقي ما درتيها؟(نطق بصوت مرتفع) قاصر از بي .. مخدمين قاصر .. التقـ حبين هادا ..

سكت شويا كيطلعها من رجليها لراسها ما كتبانش فيها قاصر،كانت واجدة اللهم بارك...

رجع نطق : شحال و نتي خدامة تماك؟

ماريا شافت فيه و تمتمات بصوت ضعيف : شهراين ..

بقا ساكت غير كيسكانيها بعينيه فاللخر نطق بالجهد :اجي دي عليا هادي ...

ماريا شافت فيه مخرجة عينيها و نطقات بالزربة: عافاك ما تديونيش للحبس.. ظروفي هي لي حكمات عليا نخدم فديك البلاصة ..

بدات كتبكي و شافت فهاداك لي داخل يردها للسيلون و رجعات شافت فيه كترغبو  : عافاك اشاف الله يرحم ليك لوليدين ما دايرا والو غير خليوني نمشي ما غنرجعش لتما ..

شدها داك البوليسي جرها خرجها و هي كتبكي و ترغبو يطلقها،بقا هو فالبيرو ديالو كيكمي فداك الكارو لي شعلو قدامها و صورتها ما مفارقاش بالو، كيفاش كاتدوي كيفاش كتصرف، داك الخوف لي فيها و  كيفاش حشمانة و هي جالسة هاكداك ..

بحكم مهنتو ككوميسير شاف القحـ ـاب اشكال و انواع كيعرفهم مزيان، هادي جاتو باقي ما سايرش ليها و غا مكدمة فهاد الحرفة  ...

بقات شاغلة تفكيرو حتى فيقو منها صوت الباب لي تدق ...

عندها .. دازو شي جوج سوايع و هي مكمشة فداك السيلون، سوطها لبرد تا رجعات زرقة و منخارها بدا يسيل، تا تحل باب السيلون و دخل واحد البوليسي قاصدها  شدها ما دواش معاها جرها كي شي بهيمة خرجها من تماك و هي ما عارفاش فين دايينها تاني، حتى دخلها لواحد البيرو و عطاها واحد الميكة فيها حوايج و نطق : لبسي هادوك و سيري فحالك ..

ماريا شافت فيه موسعة عنيها : اتخليوني نمشي؟

البوليسي حرك راسو بآه و نطق : طلقي راسك يالله ..

و خرج و خلاها تلبس عليها، كانو حوايج من لي كيصادرو لشي حد و ما كيرجعش ليهم كيبقاو تماك .. لبسات و سالات و خرجات عندو، وراها الباب مين تخرج و هي تخرج كتجري من تماك ما قاداها فرحة ...

سرعان ما ختفات فرحتها و تبخرات اول ما ضـ رب فيها لهوا ديال الزنقة و شافت الدنيا كيفاش مظلمة نسات راه تشدو بالليل..

بلعات ريقها و عينيها دمعو ما عارفاش فين تمشي لبلاصة الوحيدة لي كانت عندها راها شافت اش وقع فيها و اكيد البوليس غيكونو مزال فيها مدام القضية فيها البزنازة و الحشيش و الغبرة..

تكمشات مربعة يديها ضامة نفسها فداك الليل،و تمات غادا مبعدة على الكوميسارية حاسا بالخوف فداك الظلام و الدنيا خاوية، حتى كتحسب عليها طوموبيل بفران حافي حتما الروايض..

تا تجمدات فبلاصتها و دورات راسها تشوف شكون و هما يجيو عينها فعينو ثاني،هنا برك ليها الما فالركابي .. و زاد فاش نطق بصوتو الرجولي : طلعي ..

بلعات ريقها و نطقات كترجف : لا بلاش انمشي راسي ..

مصطفى زفر بنفاذ صبر و نطق بحدة : طلعي حسن ليك

بلعات ريقها و بقات كتشوف فيه و تقدمات بتردد شديد، قلبها غيوقف بقوة ما كيدق بالجهد، حلات الباب د الطوموبيل و طلعات شافت فيه و الخوف باين من عينيها، و هو يلوح ليها باكية دلانجيت فحجرها و تطق : مسحي وجهك ..

ماريا حركات راسها بآه بالزربة الخوف قاتـ لها و هو كسيرا مكمل طريقو، في حين هي حلات داك لانجيت و بدات كتمسح وجهها من داك لماكياج لي كولو ساح ليها ...