راقصي الهوس فجورا

الجزء الخامس

⚜️ࢪَاقِــصِـي الهَــــوَس فُــجُـوࢪَا⚜️

••عِـــــــشْقٌ ذَمِيـــــــــمْ••

✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

𝐏𝐚𝐫𝐭乂5

كانت مليوحة فالارض كتلهت مخرجة لسانها لي كيشويها بسبب حرقة الكارو،تم داخل هاز فيديه كأس الما،قرب لعندها و جرها من يدها بعنـ..ف موقفها قدامه كيشوف فريوگها هابطين مع لسانها لي خارج، كانت غير كتدخله فجوفها كيلسعها...

مد ليها الكاس فيديها هزت عينيها فيه كانت باغا تلتمس الامان فملامحه و تتأكد انه ما باغيش يزيد يضرها..

شدات الكأس بأصابع مرتجفة، داته لفمها كانت متعطشة تشرب و منها يبرد عليها النار لي كانت شاعلة فيها،خدات جغمة و قبل ما تبلعها كشرات ملامحها ملي حسات بالملوحة ففمها،و لي زادت هيجات حرقها،زادت زندات العافية لي كانت شاعلة فيها...

كانت باغا تدفل داك الما و هو يسد ليها فمها مبزز عليها تبلعه،طاح الكأس من بين يدها مشخشخ عند رجليها وهو ضاغط بيده على فكها حتى بلعاته بصعوبة مغمضة عيونها.

فوسط هاد الالام الكثيرة،حسات بعقلها قرب يخرج،ما بقاتش قادرة تزيد تصبر،عارفاه مازال ما برد و مازال ما سالا طقوس التعذيب ديالو ليها،عارفة بلي اليوم ماشي النهاية انما البداية...

ما بغاتش تزيد تفكر كثر،و اول حل طاح ليها فبالها دارتو،طاحت على رجليه كتبوس ليه من فوق الصباط باغا غير تنقذ روحها من قبضته...

ماريا(كتنطق بقهر و بصعوبة بسبب لسانها و تنخسيسيها قاطع ليها الكلمات قهر): نبوس لك رجليك براكا وخليني ، كنواعدك عمريني نعاود نبان قدامك مرا خرا ، ند فن راسي و ماتعودش تشوفني..

كون غير سكتات و ما قالتش هاد الهدرة،انسان بحالو مهووس لحد المو.ت، متملك لأقصى حد، بحال هاد الكلام ما كي بردش عليه انما العكس، كي زيد يزندو، كي زيد يخليه بعشق تعذيبها، بل كي تفنن فيه...

بقا ساكت مخليها كتبوس ليها فرجليه واقف عليها بكل جبروت، حتى قفزات مرعوبة منو ملي سمعاتو ضحك بطريقة مريضة، كان كيتسمع صدى ضحكته فالدار كلها ،ضحكة كانت كلها غل وحقد ،و فلحظة سقل بملامح جامدة من غير عينيه لي كانو عاكسين النار لي كانت فقلبه .

مصطفى (بنبرة قاسية):ماريا..(سكت لثواني قبل ما يكمل) دابا شنو؟ عند بالك غنخليك من بعد ما لقيتك ؟انا نيت ا ماريا؟(هز حاجبو) مالك ما كاتعرفينيش؟(تحولو ملامحو لملامح غاضبة و نطق مخرج الكلمات من تحت سنانو)و لا شي حد نساك فيا ها؟ عرفتي امتى نقدر نطلق؟(بشر قال)نهار ند..فنك بيدي فالقبر(ميل راسو كي شوفيها)وحتى تما مغاديش تتفكي مني

سكت ملي جاته لحظة ادراك، انه اول مرة ينطق سميتها من ورا هاد السنين و تكون بصح قدامه ماشي متخايلها، في حين هي هزات فيه راسها بعيون طايبين بالبكا، كاتحقق فملامح لي قدرات تلتانس منهم قساوتو لي تزادت على قبل...

مصطفى(تمتم كأنه كيستوعب رجعتها):" ماريا ! ماريا..(نطق بغضب)القحـ بة لي باعت لي شراها غالي و مشات عند لي يرخصها يساومها بحال السلعة ،ماريا لي خلات العز وختارت الذل(حرك راسو) كان عنده الحق ملي قال عليك هاربة من الجنة ..هربتي منها باش تطيحي فجهنام ( غوت ناهي جملته ضارب على صدره بعنـ ف )جهنامي لي غتشوفي فيه بئس المصير، تولي تتمناي معايا المو.ت و ما تلقايهاش..

غواتو و كلماتو زادو على ما بيعا،حدرات راسها كاتبكر بوثيرة اسرع من الاول،صافي نفاصلات عن عالم الاحلام و رجعات للواقع،تأكدات بلي حتى حاجة ما غادي تبرد الغل لي فيه و تمحي الحقد لي تزرع فيه...

غفلها جارها من شعرها لي فروته طابت هاد النهار،مجرجرها فالارض و هي كاتغوت و كتفركل برجليها ،طلق من شعرها وحط يده على عنقها موقفها،كان كيحركها بين يديه بحال شي مونيكة بدون احساس ، دفعها فوق الناموسية طالع لعندها...

غير حسات بشنو ناوي يدير بدات كترجع باللور و كاتحرك راسها بلا،جرها من رجليها لعنده وطلع بارك فوق كرشها حابس ليها النفس مقيد حركتها.

ماريا (كاتلهت طاقتها سالات):مصطفى متديرش فيا هاكا بغيتي تطفي العافية لي شعلت فيك قتـ..لني وبرد قلبك وهنيني معاك من هاد العذاب .. قتـ لنيي حيث واخا معرت اش تدير فيا عمري غنولي ليك مرة خرا

كلمات اخرى ما كانوش فصالحها، ترسمات على ملامحه ابتسامة شيطانية عكسها هي لي تفجعات ملي بان ليها دور يديه مورا ضهرو كيجبده من سرواله،عرفاتو شنو ناوي يجبد...

سيطر الصمت على الجو كاسره غير انفاسها الخائفة و اضطراب دقات قلبها ،كان حاط ليها الفردي فوق صدرها النيشان فقلبها...

مصطفى بتحدي:" معجبكش الحال؟عاد كنتي كاتقولي فيها، اش جرا؟ فين لسانك؟ اللسان لي قال عمرك تولي ليا "

يتبع...