راقصي الهوس فجورا

الجزء الثاني

⚜️ࢪَاقِــصِـي  الهَــــوَس  فُــجُـوࢪَا⚜️

••عِـــــــشْقٌ ذَمِيـــــــــمْ••      

✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

𝐏𝐚𝐫𝐭乂2

خرجات أخيرا و وقفات فالوسط بلباس الرقص الشرقي،تحنات بظهرها للور و ميلات يديها كاتسنا الأغنية تطلق باش تبدا،و ما هي الا ثواني حتى ترددو كلمات الاغنية فوسط البار...

بدات كاتتمايل فوق ديك لاسين لي رجعات كلها فلوس من الغرامة لي غرقوها بها الكليان،و هي كاتضحك فرحانة و ناشطة، نشاطها و حيويتها على المسرح وصلو للرجال لي حتى هما بدورهم نشطو معاها ناسيين هموم الدنيا...

و مع اخر نغمة و آخر كلمة من ديك الأغنية، كانت اخر هزة صدر ليها و هي باسطة يديها بحرية كتنهج عرقانة،صدرها لي بارز من اللبسة كيطلع و يهبط و ديك الإبتسامة لي كتاخد العقل، مرسومة على شفايفها لي بارزين بداك العكر الفاقع،بلون د.م الغزال ...

و شكون شبع منها و من شوفتها و من وناستها؟ أكيد ماشي هما، بالعكس تعالى غواتهم ثاني و هما كيطلبو منها رقصة أخرى ما ساخيينش بيها...

بقات كاتضحك و مشات هزات الميكرو من عند لي مكلف بالموسيقى و شافت فيهم ضحكات بدلع  فالميكرو بضحكة انثوية تسمعات ليهم كاملين زادت هيجاتهم و هبلاتهم و نطقات بدلع و رقة :نزيدكم شي وحيدة هاه ؟

و هنا كان الجواب ملي البار تهز ثاني بالغوات و كان الجواب واصح و باين، و لي هو "آه"  و شكون كره قصارتها متساليش...

و كيف العادة هي رهن اشارتهم و تحت خدمتهم ،حطات داك الميكرو لداك الشخص و همسات ليه  فوذنو بإسم الأغنية لي يطلق ليها و غمزاته..

ضحك لها كان موالف معاها الضحك و حرك راسو بواخا،لبى ليها الطلب و طلق وحدة من الأغاني المصرية المشهورة،طالق ليها معاها العنان حيت حتى هي كتحماق على هاد الأغنية ،دارت لعندهم و بدات ثاني كاتتمايل معاها داخلة فالجو و منغامسة فيه...

‏‎الثقل خد أجازه ومكانه جه الدلال
‏‎وأنا قدام اللذاذة دي عندي ألفين سؤال
‏‎هو إزاي على سهوة، وإمتى، وإيه النظام؟
‏‎كل ما تعدي الحلوة، أتلغبط ليه أنا في الكلام؟
‏‎براحة شوية، شوية، شوية علينا يا شيخة
‏‎كل الرجالة دي جالهم حالة وبقوا شُخشيخة
‏‎براحة شوية، شوية، شوية علينا يا بابا
‏‎كل الرجالة دي جالهم حالة وطلعوا غلابة
‏‎ودي نار ضرب نار، دمار ضرب نار
‏‎ودي نار ويلي، ويلي، ويلي، ويلي، ويلي نار
‏‎ودي نار ضرب نار، دمار ضرب نار
‏‎ودي نار ويلي، ويلي، ويلي، ويلي، ويلي نار

كتعاود مع الكلمات ديال الأغنية كتشرحها بحركات إيحائية جنسية بشفايفها و حواجبها و بسائر جسمها،مخلية  الطايح كثر من النايض و لي خلاتو ليهم من الجولة الأولى، سالاته ليهم فهاد الجولة ،و لي فجيبو شي راه خواه عليها طالب غير شوفة منها ... 

كان مراقب هادشي كامل و غادي مع الفيلم من بدايتو، فالأول كان كي حاول يقنع عقلو بجميع الطرق،" لا ماشي هي، غير كاتشبه ليها"لكن ثانية من ورا ثانية بدا كي قتانع أخيرا، و هنا بدا كي زير  على فكه و عينيه الفحمية ظلامت و رجعات الشوفة فيه كتخلع، غارق فأفكاره الشيطانية كي توعد ليها بالجحيم و أبشع عقاب ممكن تواجهو فحياتها...

وقف بطولو و قوامو الرجولي بإمتياز، حول عيونو لعند الرجال لي كيف الكلاب مدليين لسانهم كي شوفو فيها بشهوة،الشوفة فيهم عطاتو جرعة مفرطة من الغضب، و سبب اخر باش يطلع لعندها يختارق صدرها و يجبد قلبها ينهشرو بسنانو...

رجع وجه ليها شوفاتو و عضلات وجهو تشنجو و هو مزير عليهم،وبخطوات ثابتة كأنه ما معصبش نهائيا، كأنه ما فاقدش صوابو،تم غادي لناحية ديك لاسين مقرب ليها كثر و عينيه عليها ما حيدهمش ، كانت عاطياه بالظهر و مكوزة ليهم بمؤخرتها لي كاتلوز فيها ..

ما كانش مكونطرولي اش كيدير لدرجة  الى جا فطريقه شي حد غادي يطحنه و ما يعقلش عليه ، شاف فدوك لفيدورات لي واقفين حدا لاسين و تخطاهم طالع ليها ،ما دارو حتى ردة فعل عارفين مزيان شكون هو ..

وقف وراها كيناظرها بنظرات كلها شر و حقد كيطلعها من رجليها لراسها و هي راجعة  باللور بخط مستقيم،برقصة احترافية كلها رقة، و كل هزة كتهزها كتكون بحسابها و متناسقة مع لي قبلها و لي تابعاها .. 

كانت منغامسة مع ديك الرقصة شادا ليها الحساب حتى حسات براسها تصاطحات مع شي جسد قاصح ، حبسات متعجبة  كيفاش خلاو شي حد يطلع عندها، بعدات شوية و دارت لعنده مبتاسمة، عند بالها شي كليان مهم ناوية تعطيه صوابه، حيت كلشي كيتحسب ليها و شحال ما كانو الكليان راضيين عليها شحال ما كانو الفلوس كثر و شحال ما نصيبها منهم كان كثر ...

مع هزات عينيها فيه،الوقت حبس عندها،الد.م جمد ليها فالعروق حسات بقلبها هوى بين رجليها، نفاصلات عن الواقع، حسات براسها مرفوعة فالسما، كأنها فوسط حلمة أَوْ بالأحرى فكابوس بطلو قباط الرواح جاي يقبط روحها...

يتبع...

وسع وسع بنتي جات لالاهم جات الهاربة من الجنة🥵🔥