راقصي الهوس فجورا

الجزء الثاث عشر

⚜️ࢪَاقِــصِـي  الهَــــوَس  فُــجُـوࢪَا⚜️

••عِـــــــشْقٌ ذَمِيـــــــــمْ••      

✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲

𝐏𝐚𝐫𝐭乂13

طاحت منهارة كتنحط كتحس بقلبها غادي يخرج من فمها كان موقف صعيبة وحتى ام ماغادي تقد تشوف كبدتها نافراها ،دارت يدها على قلبها وحاولت تنوض توقف على رجليها و لكن خواو بيها، الشي لي خلاها ترجع تطيح، بدات كتمشى على يديها  ورجليها باش تقدر توصل لعند بنتها  ، مجات فين توصل ليها حتى بنتها طلقات من باها وخرجت من تما كتجري رافضة تقرب لماماها .

طاحت فالارض كتبكي ربي لي عالم بها كانت كتشوا من داخلها المها كان لا يطاق ، حسات بيه قرب لعندها بارك حداها جارها لعنده لبين يديه، حاولات تدفعه و لكن كانت فاشلة معندهاش الجهد ،حسات بيديه كتمسح على شعرها بحنان و لي يشوفو هاكا ميقولش هو سبب عذابها وآلامها .

ماريا(بلعات ريقها خانقاها العبرة و قالت بتنخسيخ):" مبقى عندي حد  حتى كبدتي مشات ،ضربتيني ببنتي امصطفى ، بنتي لي شركت كرشي عليها نفرتيها مني حرام عليك امصطفى"

بدات كتضرب ليه على صدره بضربات فاشلين  ،شد ليها يديها وجرها كثر دافنها فحضنه و نطق بهدوء:"  عندك انا لي غنبقى ديما معاك ، كلشي غادي يتقاد غير خليك معايا ،انا غنقاد كلشي ".

دفعاته من عليها بالجهالة، استفزها بهاد التمثيل دياله ،شافت فيه بحدة و قالت بغيظ:"كيفاش غادي تقاد كلشي ونتا السباب؟ نتا لي خسرت كلشي خسرتني خسرتي ليا حياتي كلشي خسرتيه (بصراخ و دموعها سيالة) اش باقي ما يتقاد اش؟ ،الا كان عند بالك غادي تلوي ليا دراعي ببنتنا راك غالط كنفضل  نقـ تل راسي نمشي لجهنام ومنبقاش معاك كتفهم ، الحالة لي نقدر نبقى معاك فيها بخاطري هي نهار روحي تفارق كنازتي تما تربح بيا  ".

تسنات منه يدير شي حركة يعاقبها يضربها او حتى يدير بكلامها يتفنن فعذابها ،ولكن لا رد منه بقا كيشوف فيها بنظرات باردة  ،بعد عليها بكل هدوء وناض خارج من الشومبر مخليها غير كتشوف فيه ..

تسناته يرجع  يبان و لكن والو ناضت واقفة كتمسح فدموعها وهي كتشوف فيه خلا باب الشومبر محلول ،تمشات خارجة منه وهي كتدور فراسها لا يكون مخبي وكيتسناها تخرج باش يلقى علاش يعاقبها .

طلعت للصالة كتدور عينيها كتقلب عليه فين هو،حتى وقفات مصمرة كتشوف فالباب لي كيخرج للزنقة ولي دخلها منو نهار لقاها ،بلعت ريقها كانت كتزيد خطوة للقدام وكترجع جوج للور كان كيفصل  بينها وبين حريتها  غير داك الباب ،يلاه تمشات كتقرب ليه وهي تجمد فبلاصتها ملي سمعات صوته من موراها ،كانت عارفاه ماغاديش يخليها بهاد السهولة...

مصطفى (بهدوء ):صافي دغيا سخيتي بينا؟

تلفتات ليه كان بارك موراها فالصالون مرتاح فجلسه وهو كيتكيف ، بلعات ريقها بخوف وهي كتشوف فنظراته الغاضبة مع ان ملامحه جامدة لكن قدرات تلتامس منهم الغضب .

ماريا (بتعلثم)" علاش كتدير فيا هاكا؟ حرام عليك امصطفى حرام..."

قاطعها ملي شير ليها بيديه جهة الباب و نطق بنفس الهدوء:" بغيتي حريتك ؟ غتلقايها مورا داك الباب ،طلقت سراحك .."

بدات كتشوف فيه وكتشوف فالباب لي كان كيبعد عليها بخطوات قليلة حتى تمشات ليه باش تخرج وهي تراجع ورجعت بلاصتها ملي عرفت بلي ميمكنش مصطفى يخليها تمشي بهاد البساطة، وما هذا الا مقلب منه او بالاحرى عقاب .

قفزات ملي سمعته كيضحك على الجهد، ضحكة مريضة كتعبر على جنونه وعدم اتزانه العقلي والنفسي ،فلحظة خاطـ فة سكت وهو كيشوف فيها متعمق فشوفتها  كأنه كي شوف فروحها .

مصطفى (ببرود):" مبقيتش باغا تمشي؟ ،تهربي مني ؟ تنادم معاك الحال؟"

حركت ليها راسها بلا رفضا على كلامه :"ميمكنش تخليني نمشي بهاد السهولة هذي شي لعبة مريضة منك باغي تفنن فتعذيبي فيها ".

نتر من الكارو وعينيه عليها  ونطق بشر نافت الدخان مع مخارج الحروف:" مبقيتش غادي نشدك بزز ،غادي تولي نتي باغا تبقاي معايا بخاطرك ".

صغرت عينيها فيه كتحاول  تستوعب هدرته، اش كيخربق هذا؟ كيفاش غادي تبغي تبقى مع الشخص لي مستعدة تهرب للمو ت على انها تبقى معاه وبخاطرها من الفوق .

قربت لعنده بأوصال مرتعشة بالرعب :" اشنو كتقصد؟

رجعت خطاويها للور ملي بان ليها ناض واقف تحنى هاز شي وراق فيديه وبدا كيقرب لعندها .

مصطفى بنظرة شيطانية مد الوراق جيهتها :" هنا كاين حريتك و اش كيتسناك الا عتبتي من هاد الباب ".

يتبع...@tout le monde