⚜️ࢪَاقِــصِـي الهَــــوَس فُــجُـوࢪَا⚜️
••عِـــــــشْقٌ ذَمِيـــــــــمْ••
✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲
𝐏𝐚𝐫𝐭乂16
بقات ناعسة فوق صدره كتسمع لدقات قلبه وهو مدور يديه عليها معنقها كأنه خايف انها تهرب منه مرة اخرى،بتاسم ملي حس بيها كتلعب بصبيعاتها فوق قلبه النيشان ،شد يدها وداها لشفايفو كيبوس فيها بكل حب وهيام .
باس راسها وبعد عليها ناض واقف ،فهمات انه غادي يدوش، ناضت لبسات تيشريت دياله،حتى حسات بيه جرها لعنده كيتمنظر فيها،كي شوف فتيشيرت دياله لي جا كبير عليها ،تهزات على صبيعات رجليها وطبعت بوسة خفيفة على شفايفه ، بعدات و قالت...
ماريا:" سير دوش على ما خرجتي تلقاني وجدت ليك ما تاكل ".
بغات تبعد باش تخرج وهو يوقفها شادها من يديها كانت عارفاه متيقش فيها ،رجعات لعنده حاطة يديها على صدره كتحسس فعضلاته القاسية بصبيعاتها و نطقات بهمس...
ماريا:" مبقى عندي فين نمشي ،بلاصتي معاك ".
بقا شحال كيشوف فيها كأنه كيقرا افكارها ،بتاسمت ليه وتحنات طبعت بوسة خفيفة على صدره ودارت خارجة من تما، هاد المرة ممنعهاش بقا حاضيها حتى ختفت من قدامه ودخل هو يدوش .
من بعد دقائق خرج لاوي عليه الفوطة وشعره نازل على عينيه كيقطر بالما ،كان كيقلب عليها بعينيه كان باغي يشوفها باش يرتاح ،وقف كي حقق فيها كيفاش باركة فوق الفراش على ركابيها كتاكل فالتفاح،و غير نتابهات ليه و هي تبتاسم و ناضت نازلة مقربة ليه وهي باقا شادة طرف ديال التفاح كتاكل فيه .
ماريا :" بصحتك ".
تحنى عندها كيحرك شعره لجيهتها راش عليها الما مخليها كاتضحك، كانو كيبانو كأنهم اكثر كوبل طبيعي صحي فالحياة كلها ،ناسيين الحـ رب لي بينهم و عايشين اللحظة...
بلع ريقه ملي بانت ليه دايرا طرف تفاح فمها وكتقرب ليه لفمه ،مد شفايفه كياكل فداك التفاح من بين شفايفها خا طفو منها، حتى دخل معاها فقبلة عنـ يفة كيعبر فيها على هوسه بيها .
بعدات عليه كتدوز لسانها على شفايفها و قالت بحب:"كتبغيني؟".
بتاسم ليها بسخرية على سؤالها السخيف :"اش كي بان ليك نتي ؟، انا مكنبغيكش انا نعطي عمري عليك".
بتاسمات ليه حشمانة، أي امرأة كانت تحلم تسمع جملة بحال هادي من عند حبيب قلبها، الراجل ديال حياتها .
ماريا :"حتنا ندفع عمري خسارة عليك".
صغر عينيه فيها ملي شافها كتبتاسم بطريقة ماشي عادية، و ما جا فين يستوعب حتى بانت ليه جبدت الموس من ورا ظهرها وحاوللت تطـ عنه فصدره .
سيطر عليه الغضب و هو كيشوف فيها كتحاول تغدره مرة اخرى ،قبل مايوصل الموس لصدره مد يده شادو مخليه يخترق لحمه ، بقا شاده بين يديه وهو كيشوف فيها،كي حقق فالحقد لي كينباعث من عينيها كانت مصممة تقتـ لو...
بقات كتحاول تجر الموس من بين يديه و لكن كان اقوى منها، طلعت بركبتها لعضوه ضارباه بكاع قوتها، خلاتو يدفعها ويتحنى شاد فحجره بألم، ضرباته في نقطة ضعف اي راجل كيف ما كانت قوته ،ستغلات فرصة انه ملهي بألمه، وحطات يدها على كتفه و عنقاته مقربة فمها من وذنيه .
ماريا:" عمرك لي غادي تعطيه عليا غنديه ليك بيدي ".
مصطفى شهق ملي حس بالموس ختارق جنبه ،ركابيه خواو بيه بفشل، مد يده باش يقـ جها و لكن قواته خارت بسبب الطعنة لي كانت ليه فبلاصة خطيرة خلاته ينزف بكثرة.
يتبع...
من الحب ما قت ل 🥺💔
أنت تقرأ
راقصي الهوس فجورا
Romance*أنتَ تُحـرقُـني .. ٠لاَبـأس أُحـب الطَـريقـةَ الـتّي اؤلـمُـكِ بهـا ، أُحـب رؤيـتـكِ تـتألـمِـنَ،عـَشقـتكِ أعـطيٌتكِ قلبي أوكلـتهُ لِـحراسـتكِ مـحـوْت عـقـلي بـين أحـضَانـكِ امـَا أن تـكـوني لي أو اسـتلـقي بـين ذِراعاي وأسـتقبـلي الـمـو ت ، أنـظ...
