⚜️ࢪَاقِــصِـي الهَــــوَس فُــجُـوࢪَا⚜️
••عِـــــــشْقٌ ذَمِيـــــــــمْ••
✎𝐒𝐡𝐞 𝐖𝐨𝐥𝐟 ✦𝐖𝐢𝐣𝐨𝐮 ✦𝐈𝐦𝐲
𝐏𝐚𝐫𝐭乂19 و الأخيـــࢪ
دارت لجهتو و غير شافتو بقات مدة و هي مبلوكية فبلاصتها، كان عندها شك يكون باقي حي، بالنسبة ليها راه شيطان هاداك مستحيل يستسلم بسهولة و يودع، لازم يكرها كثر فحياتها قبل ما يمشي...
في حين هو داخل بكل جبروت، بطولتو و شهامتو، كي ناظرها من تحتها حتى لفوقها، كي حقق فيها بتمعن و تركيز تام، ربع شهور ما شافها ما قاسها، ما ستنشق ريحتها، و ما قبل ثغرها لي مدمن عليه...
سد الباب بالساروت و دار لعندها راسم على شفايفو شبه ابتسامة و هو كي قرب ليها، كان كي شوف الصدمة على ملامحها نفس الملامح لي تخايل غادي يشوفهم فاش يدخل لعندها، حتى وصل لعندها و وقف كي شوفيها و هو داير يديه فجيوب سروالو...
مصطفى(بصوتو الرجولي الخشن): ماريا يا ماريا
غير سمعات نبرته لي كاتغلغل ليها مع العروق و تبورش ليها لحمها من رعبها منو، لكن هادشي كان زمان، ما بقاتش دابا كاتحس بالخوف منو، و حتى الصدمة ديالها سرعان ما ختفت، ما بقات حتى حاجة كاتصدمها منو...
ماريا(بصوتها الانثوي): كنت عارفاك ما متيش، راك ماشي بنادم ماشي طبيعي
حرك ليها راسو كأنه كي وافقها الكلام، و جبد يدو من جيبو حطها على كرشها فين كاين ولدو لي زرعو ليها فبطنها كي زيد يأكد ليها على هوسو بيها و شدة تملكو بيها، حتى لو كان ما ت راه خلا ليها الوريث فكرشها...
مصطفى(كي تحسس بطنها):ولدي...
ماريا(بتاسمات بسخرية): ولدك؟ ملي نتا حي فين كنتي هاد ربع شهور كلها؟
مصطفى(حاوط خصرها بيديه و جرها لعندو): كنت كانبرا من داكشي لي درتي ليا، الجرحة راها برات، و القلب باقي(قرب ليها اكثر و همس فوذنها) ماشي ذنبي ا ماريا حاولت نصفيه منك و ما بغاش(بعد شوية و حط يديه على قلبو) لوميه هو
ماريا(دورات وجهها للجنب):عمرك تبرا اصلا، غادي تبقا ديما مريض
مصطفى(دور ليها وجهها لعندو و عينيه على شفايفها):مريض بيك اه(قرب و طبع قبلة على شفايفها) حتى حاجة ما تبعدني عليك(طبع قبلو اخرى على ثغرها) من اول مرة شفتك(زادها قبلة ثالثة و قال فوسط فمها) حتى لدابا و حتى لديما، مصطفى لماريا و ماريا لمصطفى
بانت لمعة فعيونها كأنها باغا تبكي لكن كاتمة دموعها، كانت محاولة قتـ لو هي اخر محاولة ليها، دابا صافي تأكدات بلي لا مفر منه، عمرها تقدر تهرب من سجنو، هو عاشقها، هو المهووس بيها،هو جلادها و فنفس الوقت هو الشخص لي يداوي جروحها، حبو ليها متناقض، حب مجنون غريب...
ماريا(بإستسلام): صافي ا مصطفى صافي، عييت
مصطفى(خشا وجهو فعنقها): هادشي لي كنت باغيك تفهمي، نتي تعياي و انا عمرني نعيا(كي طبق قبلات متفرقة على عنقها) انا وياك حتى الموت...
بقا راجع بيها للور و هو غاطس لسانو فثغرها كي روي عطشو من شهد شفايفها،حتى وصلو للفوتوي و تكاها طالع فوقها بلا ما يحط عليها ثقلو،فصل القبلة من بعد شبع من شفايفها و هبط لعنقها كي رسم علامات ملكتيه عليها...
و مع كل قبلة كي طبع عليها كان كي وصل ليها رسالة مفادها،انا المنتصر، انا الاقوى و انا المتحكم، نتي المنهزمة أمام عشقي لك و نتي الخاضعة لهوسي...
الراقصة لي بفضل تمايل جسدها الانثوي هزيتي عرش رجولتي، دابا جا الوقت لي تتعاملي مع هوسي بيك، تعاملي معاه بالطريقة لي من ديما كاتلتاجأي ليها،طريقتك هي الرقص،اذا راقصي الهوس فجورا...
♡النهايـــــــــــــــة♡
✨تمت و الحمدلله ✨
أنت تقرأ
راقصي الهوس فجورا
Romansa*أنتَ تُحـرقُـني .. ٠لاَبـأس أُحـب الطَـريقـةَ الـتّي اؤلـمُـكِ بهـا ، أُحـب رؤيـتـكِ تـتألـمِـنَ،عـَشقـتكِ أعـطيٌتكِ قلبي أوكلـتهُ لِـحراسـتكِ مـحـوْت عـقـلي بـين أحـضَانـكِ امـَا أن تـكـوني لي أو اسـتلـقي بـين ذِراعاي وأسـتقبـلي الـمـو ت ، أنـظ...
