Kung pipili ako
Nais kong sundin ang hindi gusto ng tadhana
Hindi ako makikinig sa kahit ano
Sa bagay na hindi ko plano
Sa taas na bumubulong sa isip ko
Kung papipiliin ako
Hindi ko nanaiisin ang sinasabi nilang masaya
'Di baleng masaktan, mahirapan pansamantala
'Wag lang mamatay sa delusyunal na ligaya
Iisa lang naman ang ating gusto
Ang makapili
At piliin nang paulit-ulit
Na hindi pilit at mapait
Pero ngayon, magtitiis muna tayo
Hindi maramot ang mundo
Ibibigay niya ang kailangan ng puso mo
Hindi man ngayon
Pangako ay makakapili tayo
BINABASA MO ANG
Mga Hindi Masabi Ng Puso (Poem Collection)
PoetryMadalas, may mga salitang hindi masabi ng bibig hanggang sa hindi na ito maiparating. May mga pangungusap na hindi maiusal ng bibig kaya't habang buhay na lang nakakubli sa puso't damdamin. Marahil, kaya hindi mo ito maamin at masabi ay dahil sa hiy...
