Magkaharap, hindi alintana ang araw
Huni ng ibon sumasabay sa ating sayaw
Banayad na galaw at walang laktaw
Kamay mo ay hawak sa langit nating bughaw
Asul ito ngunit unti-unti ring dumidilim
Nagkatitigan, mga mata'y tila may mga lihim
Init ng araw ay nawala kasama ang hangin
Butil-buti ng tubig ang pumatak sa atin
Dahan-dahan kang bumitaw sa hawak kong madiin
Paatras ang hakbang, lumalayong damdamim
Pumatak ang luha, lumalabong paningin
Ngunit malinaw sa akin ang pagtangay sa iyo ng hangin
Ihip na naging buhawi, mala-delubyo
Wala akong makapitan, magkalayo na tayo
Sisigaw ngunit tinig ko'y hindi mo dinig
Pangalan mong sa puso ko'y pumipintig
Tubig ay tumataas, malulunod na ako
Ikaw ay nasa bangka, masasalba nang sigurado
Nilamon hanggang leeg, walang takas
Sa kamatayan kong hindi mo ako maliligtas
Sapagkat naroon ka sa kabilang ilog sumasagwan
Habang ako'y nalulunod at naiwan, walang laban
Kasama ng mga alaalang inanod at nilisan
Ako na mag-isa na sana tayong dalawa, walang hanggan
BINABASA MO ANG
Mga Hindi Masabi Ng Puso (Poem Collection)
PoetryMadalas, may mga salitang hindi masabi ng bibig hanggang sa hindi na ito maiparating. May mga pangungusap na hindi maiusal ng bibig kaya't habang buhay na lang nakakubli sa puso't damdamin. Marahil, kaya hindi mo ito maamin at masabi ay dahil sa hiy...
