" احفاد أل هزاع "
:- نرجس محمد ||🇮🇶
مــــن عـمــق المــسـقبـل ..
مقتطف -1- ( الحفيد الأول )
قابضه ايدي وحده بوحده اختض بمكاني موسعه عيوني النفس بلويل اجره صريخ البنات الخايف وصياح الولد الطالع من عمق كلبهم يعيطون مفرفحين علا الگاعد يصير كله ضلم بضلم هوه سؤال واحد يتداور ببالنه بيا ذنب ينوخذ من يمنه؟
رفعت راسي علا شهكاتهه بصوت عالي فتحتلهه ايدي تقدمت دحست روحها بحضني ترجف خايفه همست بصوت مبحوح
- راح ياخذو
- اشش لا لا شعلي هوه حتا ياخذو
- كلبي راح يوكف الصوت يخوفني
- اسم الله هسه هسه يمر كلشي بس لا تخافين اني يمج
سكتت تمسح بدموعها نفتح الباب ودخل عيونه حمر وكصته صاير بيها دمار من العصبيه وخرتها وگمت تقربت عليه وهمست :- ها؟
- ديري بالج علا روحج وعلا البنات
بلعت ريگي اهز براسي لا ابجي واتنفس سريع :- لاا لاا
- لا تنقهرين عليه ماستاهل
- ترجع موو؟
- ماعتقد هلمرا اروح مارد
…
مقتطف - 2 - ( الحفيد الثاني )
سحبت نفس اعصابي ترجف تقربت عليه بروح مسلوبه دغيته بجتفه اهمس صاكه اسناني :- اگعـد
- مممم
- شهل حال
مارد وبقى متمدد يسولف يخرط بلحجي مافاهمه شي من يمه بس الادري بي راح ينهي حياتنه بيده حاولت قدر الأمكان اعدل وارتب بوضعنه بس بكل مرا يخرب الأول والتالي يضيع تعبي وتفكيري شلون اصلح الوضع دأئماً اني الاجازف واطي فرصه بس ألى متى ؟
گعدت علا طرف الجربايه مشيت أيدي علا ايده دموعي توگع بكل سكون فتح عيونه ببطئ ابتسم وهمس :- تعاي
- انتهينه
- ممم شنو؟
- اذا تحسب جم مره مطيه فرصه الك يمكن تعبدني تخليني مثل التمثال كدامك وتصلي بس ماكاعد تقدر النعمه الكدامك لشوكت بس فهمني لشوكت اضل اني الاطي فرص مامجبوره
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
