احفاد أل هزاع

الأخــير

" احفـاد ال هزاع "

:- نرجس محمد ||🇮🇶

مشاهده ممتعه حزينه لان راح افارك القصه للأبد بعد حتا بارت اضافي ماكو نهائياً حتا لو لاسامح الله صار شي مستحيل اسرده بهذا البارت راح نقفل بابهم للابد

🤎🪐

_________

ود

- شبيج دميتها تدمي خليتها تسبح وجها صار ماينشاف وداعتج

- منو؟ هاي الدميتها منو اسماعيل

- مهـا الگ***

- ليش

- هيه شربتج سحر

شهگت ووسعت عيوني مصدومه رجع ابتسم ومسد على شعري يحاول يهديني :- ختولي لا تأذين روحج المهم هسه انتِ زينه والوجع راح ورجعت حياتنه طبيعيه وهيه اخذت جزائها

- ليش شمسويتلها والله حتا علمود لا تدمر حياتهم طلبت منك الطلاگ

- تيل بيها ختولي حبيبتي معليج بيها

غمضت عيوني افكار متراطمه براسي كل المريت بي رجعلي احس اكو نار بيه من اتذكر شلون اتوجع اتحسب عليها مية مره رجعت فتحت عيوني وهمست

- شلون عرفت

- من ردنه نطلع شرحلي شكلها الكامل الشيخ وعرفتها رحتلها للبيت وحقتت وياها وبكل صلافه هيه اعترفت وگالت

- اني سويتلها وارجع واسويلها عشر سحوره مو واحد

كضيتها نهيتها نهي موتتها لوما دموع سجاد جا قضيت عليها والله بت ال** بكل عين صلفه تواجهني وتعترف شلون سوت السحر

- شلون سوته

- كبل سنه دازته باكل من جنه بعدنه متصخمين متزوجين ومسويته الي بس ماصاير

- الله ينتقم منها

صفن بوجهي فتره مسح على خدي وكام دخل للحمام حاولت قدر المستطاع مافكر بلصار وانسه كلشي مر مريت بي والمهم هسه اني عايشه مرتاحه بس ماگدر

اني بشر الماضي هواي يأثر علي وكلما اتذكر الوجع احسه يرجعلي تخبلت حرفياً عقلي تشوش ..

ضغطت على نفسي ووگفت اطوطح بس بعد فتره يله انتضمت وگفتي وگدرت امشي لبست حجابي وطلعت من الغرفه شاربه مسكن لهذا ماحس بوجع العمليه استغليت هاي الفتره وحبيت اطلع حتا اخفف من الاكتئاب البيه

فتحت باب السطح ودخلتله الجو بي نسمه بروده شويه بي شمس اخذت كرسي وگعدت علي صافنه بلفراغ

فزيت من گال اسماعيل :- حبيبي موزين على عمليتج ادخلي

- مختنگه اريد اشم هوى

- لا عمري ادخلي

هزيت راسي ورفعتله ايدي حتا يوگفني ابتسمت من طبع بوسه على گصتي ومشاني موديني للغرفه واحنا بلطريق گتله