" احــفاد أل هـزاع "
:- نرجس محمد ||🇮🇶
مشاهده ممتعه
وقل لى بان الموت فقد الاحبه
وعللني بعد البين بالموت والبكى
وحسبك هذا الرسم سقمى ووحشتي
وهبني حياه الذكريات ( ووجودها )
فما المرأ الا لوعه بعد صبوه
…
وعـد
گلـبي نداس وي دوسة السياره اله اذاني وشت وعيوني غوشت احس بروحي اصرخ بس مايطلع صوتي انشغ بصوت عالي ماكو دموع رصيت اسناني رگبتي متشنجه اهمس
- ابـني ابني
سواد يصير علا عيوني وترجعلي الرؤيا اصوات صريخ عاليي عاليي حيل زرف گلبي وگطع نياط گلبي ادين تهز بجتفي تكومت بلگاع واحس بروحي انشال من الگاع وارجع اوگع عيوني متمركزه علا مكان الدم مالته دم أبني صاير دائره جبيره حيل وكلشويه تكبر ويكبر وجع گلبي
صارت صرخه عالي بأذني ونضربت علا وجهي ونسدت عيوني فقدت لمدا قليله ماعرف اني احسها هيج ورجعت نسحلت من الگاع وتدخلت للبيت واني بعدني مثبته نضراتي علا المكان
حسيت براشدي نزل علا خدي فزيت فاتحه عيوني واشهك بصوت عالي حسيت روحي توني صحيت وكمت اسمع واشوف التفت اباوع ود وجود يمي يبجن دفعت اديهن وگمت وكفت اهز براسي
ركضت بكل حيلي ركضة ام علا ضناها اصرخ بأسمه واركض واخواتي وراي تكومت علا حيلي بنص الحوش ورجعت رفعت روحي حدما وصلت للمكان السياره ماكو بس الدم تلمسته بيدي اهمس
- وينه وجد ويينه
التفت عليهن اصرخ :- ابنيي ووويين وينن رااااح
جـود :- مابي شي مابي شي هسه اخذه ابو للمستشفى كلشي مابي يتنفس
تصيح وتحاول تكضني بس اني فقدت ادگ والطم شعري صار بأيدي ووجهي احس بحراره الدم تنزل علي ماكدرن يكضني امشي بلحوش ادگ رجلي بلگاع واصيح
- اخذذووننيي لأبنيي اخذووني اله كلبيي رااح يوكف ربييي باووعليي نشللع گلبي ومحمدد نشللعع گلبييي
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
