احفاد أل هزاع

بــارت أضـافي

" احـفاد أل هـزاع "

:- نرجس محمد ||🇮🇶

مـشاهده ممتعه 🤍

روح گدما بيــك ورجع تلگه حبـك مستمر الشمس متغير تفاصيل( الـسمر )

قوارير حُفضت

علا اكتافهم سنُدت

تمشت وتمشت ألى ان

وصــلـت وتخطت

خفايا كشفت

في هذا الدار

وفي هذا القصه ألذي قصت

انفضح الحب والوجوه

ألذي حقدت . تغطت

أيـام قليله مضـت لاكـن

انكشفت وضهرت

( وطردت )

كتب كل هذا بقلمـي انــا :- نرجس محمد

بدأت القصه بكل حب وانتهت بكل حب شكر كبير لكل من ساهم ودعم هذا القصه فضل لا ينسه ولا يحصه 💛

________

جـودا

أصوات الأغاني والركص والطبل اصوات الهلاهل وهوسات الزلم اليشوفها بدون لا يحجي احد يعرف هذا عرس عراقي اصيل حقيقي الزلم فرحانه اكثر من النسوان فوك رغم الناس قليله بس فرحتها ماليه المكان اصدقائهم وأقرابنه من بعيد كلهم اجو حتا يحضرون عرس عباس و عذراء

نزلنه من السياره ود شايله حيدر واني اسحول بجمانه الردت الزگها بلگاع تباوع لأبوها بين الزلم وتريد تروحله باوعلها وفتح ادي بمعنى تروحله وهيه عيد وجابه العباس ركضتله شالها يبوس بيها ويركص بيها

درت انضاري علا وعد تمشي وتصيح علا كيف تستعجلنه لان الزلم كلها بلشارع دخلنه سريع البيت البنيه اجن خالاتي وأجت وعماتي اثنين وجناينهن وبناتهن والجهال ماليه المكان عدنا كرايب هواي نشوفهم بس بلمناسبات

دخلونه للأستقبال البنيه كاعده وكم بنيه يمها سلمنه عليها وعلا النسوان وبقينه واكفين عمتي تحزمت بعبايتها ونزلت بلنص رافعه ايدها وتهوس بصوت عالي