" احــفاد أل هـزاع "
:- نرجس محمد ||🇮🇶
لتنسون التصويت وتعليقكم بين الفقرات ومتابعه لحسابي 💛 🦋
لا تسَولفيلي على حَزنچ
انه افهمَچ ومَا عليچ
مَن المسَافة وحتى
لو مو يمج انـه ( روحــي يمج )
_________
جـود
گمت علا حيلي مامتردده ولا لحضه اخطي هل خطوه درستها صح مامستعده اتراجع أبد فتحت الكنتور علا كيف خاف يطلع صوت سحبت صايتي وشالي ولبستهن اخذت الجنطه البيها جنسيتي وتلفوني فتحت الباب وطلعت ارجف من فوك ليجوا
امشي واصورهم كدام عيوني وعد ود بنتي حسن الولد راح ينشلع گلبهم ويدورون لو راح يتناسوني ويعتبروني ميته لأن المكان الرايحتله مستحيل يلگوني
تمشيت بلصاله بهدوئ احاول ماطلع أي صوت فتحت الباب وطلعت تنسفت الصعداء اعتبر نفسي تخلصت من أول مهمه وجع بروحي وجسمي عقلي مو وياي بس مجبوره افكر وامشي مع انو لو بيدي هسه بهل لحضه اعدم روحي واخلص
طلعت للفرع يصوصي ضلام دامس وصوت الشصر والحشرات يوصوصن وبس صوتهن وصوت نفسي السريع مسموع مات شعوري ونطفت كل خليه بجسمي لدرجه ماهتم بعد اموت اعيش
دگ التلفون بيدي فتحت خط وأجاني صوتها اليرجف وخايف :- يله جود وينج اني وامي منتضرينج بلتكتك العله راس الشارع مشغلين الضوه ركزي هسه تلگينه
- جايه جايه
حجيتها ادور بعيوني عليهن والمح التكتك من بعيد وضواه مشتغل مشيت برجلين ترجف اركض ركض واحجي وي زهره
- شفتكم راح اوصل
- يله ديري بالج
سديت الخط وسرعت خطواتي الدنيا تگص گص من البرد وضباب ورعيده خفيفه اكو مطر بس خفيف صوت السعف مال البزل يرعب يروح يمنى ويسره بسبب الهوا ويطلع صوت ضجه
الحدما وصلت اني گاطعه نفسي ومتشنجه فتحتلي الباب الصغير وگالت :- اصعدي
صعدت وتنفست بكل قوتي حضنتني أم زهره تحاول تهديني مره خيره من اهل الله بأخر فترات تعرفت علا زهره محد يعرف عندي هيج صديقه ولا گايله لود مرات نسولف سوا بس هيه شاطره ماتحب تسخا لهذا مانسولف هواي بس اعرفها
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
