احفاد أل هزاع

part 10 (2ج)

" احفاد ال هزاع "

:- نرجس محمد ||🇮🇶

البارت ماقبل الاخير

مشاهده ممتعه عيني

حبني واجبرني اعله حبك
حبني لتضل تعتذر
واعترف راح اعترفلك
واحنا شو نفس العمر..!
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر اثنينه ترهمنه بالحب ننتصر .

_______

ود

فزيت على صوت بجي مال طفل وصياح مال رجال وضحكات بصوت مره وصوت يحجي يحجي بأذاني بس ماميزه اذا هوه. مره. زلمه. عجوز. طفل. ماگدر اركز

كل الاعرفه الوجع ماينحمل والموت اريد الموت حتا لا ابقه اتعذب اتمنيت ماگعد ولا ارجع اتوجع بس كعدت وتوجعت

انفتحت عمليتي وصار الوجع اضعاف عليه مستحيل اني اتحمل هيج وجع غــريب من شدة غرابته ماگدر اوصفه الهم اختاريت البجي وسيلة اشرح بيها حالي

وعـد :- ها ود

ماگدرت ارد بلاعيمي يابسه وعيوني من كثر البجي بصعوبه افتحها شويه شويه بدت تتوضح عدي الروؤيا وصارن گدامي البنات جود ووعد عيونهن حمر والتعب باين عليهن

- وعد

- ها حبيبتي

- گليلهم خلي يسوولي اي شي بس خلي يروح الوجع نمردت روحي وروح امي بعد ماتحمل

- لان نفتحت العمليه هيج الوجع شويه ويروح وداعتج

- لجج يا شويه الووجع موتنيي موتنيي انتِ ماتفهمينن مووو يم العمليه اصلاً الووجع يدگ بعضاميي شعليهااا العمليه

جود :- اششش اششش ود مو زين عليج كافي

- تعبت تعبتتتتت صيحلييي لأسماعيللل

- مو هنا راح يجيلج اكل

فجأه هدء الوجع وارتخيت رفعن السديه بيه وگدرت اگعد الخياط موتني يحرك حرگ بيه بس من يروح هذا الوجع الما معروف يصير عندي كلشي خفيف

وعد :- ود اريد احاجيج بموضوع اذا ماتوسينه ماتتحسنين والله

ود :- شنو

- احم باعي هذا وضعج مو الدگتور يعالجه يعني شفتي انتِ خوب ماخلينه دكتور مارحنه اله كلشويه واحد يدزنه ع دگتور ومايفيد العلاج سوه عدج حاله نفسيه ومافادج سويتي عمليه ومافادت ولا راح الوجع يعني شغلتج خارج اطار الطب

- لعد شنو

- ماريد اخوفج بس وضعج يم الساده المعروفين مو سحارين لا والله ساده كله بلقرآ يعني اني ماحب هاي السوالف بس لازم نروح لان كلها تگول سحر بسبب وضعج المو قانوني ابد