" احفاد أل هزاع "
:- نرجس محمد ||🇮🇶
تصويت ونجمه لطفاً ❤️
جم زله منك بينت ماجيت اعاتب مره
ومن عشرتك گلي أشفت غير الألم والحسره
______
ود
وگع اسماعيل على وجهه يتلوه وكاض راسه وخشمه يجري دم بطريقه مرعبه غمضت عيوني حيل من على صوت الولد برز من بين اصواتهم صوت حسن الجمهوري يصيح بحرگه گلب
- اموووتك حيدررر اموووتك واثررد بدمممك
هاجر :- امشي حيدرر امشي خويه ذوول مخابيلل يسوولك شي والللله
حيدر :- وخرييي طبيي جوه هاجر
سحبت اختها ودخلن للصاله يتصارخن كميل يم راس اسماعيل يتفقده وحسن وحيدر يردون يتضاربون وعباس واگف بلنص يفازع بينهم ويهدد بحيدر حتا يروح بس جان رافض يتحرك
وراح على اسماعيل يريد يشوف راسه ودفعه كميل فاتح عيونه بخزره ويهدد رافع اصبعه بوجه حيدر :- ثق بلله اذا بقيت هنا گدام وجهي اطين عيشتك
حيدر :- دخذوا للمستشفى ونگعد زلمه وزلمه نحجي
حسن :- لككك انتَ حاسب روحك زلممه انتَ اخرررب سمعة المره من اشبهكك بيهااا
حيدر :- كض اللسانك لا اقضي عليك كاض روحي عنك بلشافعات مو حباً بيك
عباس :- كااافيي حسنن كافيي خلي ناخذه راح يموت
اخذوا وراحو وحيدر صعد سيارته وراح وراهم ريحه الدم غلغلت بخشمي وگلبي ممرود حتا تعبت من البجي المنضر ماجاي يفارگ عقلي تعبت والله تعبت بدون أي تردد مشيت اخذت التلفون وكتبت رساله لحيدر
- طلگني
ماوصلتله ماعندا نت اخواته خبصني يصيحن ويهددن اخير شي صرخت بيهن وعد مفرفحه
- تصمن حلگجن وتسكتن لااا اشوف شغلي وياجن محترمتجن لان خطار لا تخلني ازيح العيب
هاجر :- امشيي هجراان امشيي
طلعن من البيت وهنا يدعن علينه وبلأخص على اسماعيل صعدت يم جود مخليه راسي بين اديه وهيه تسولف وياي تريد تصبرني فزيت على صوت رساله اخذت التلفون وطلعت بلصاله
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
