" احــفاد أل هزاع "
:- نرجس محمد ||🇮🇶
لا تنسون التصويت وتعليقاتكم الحلوه بين الفقرات ترا مهمه مشاهده ممتعه 💛🦋
مابيّة حَيل اخِذ نِفَس
ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني انتِچي
__________________
وعــد
مر كلشي بسرعه بسرعه بس تعبنه وهد حيلنه وضع اختي هداني هد وأسماعيل العاف البيت وطلع وكميل ورا يصيح علي ود الصعدت فوك هادئه بس اشوف الرجفه بجسمها مبينه انتهو ود وأسماعيل وخلص حبهم
- ود تمشين نطلع بلحديقه؟
- اريد انام
گالتها وراحت غطت روحها ونامت باوعت الجود الكاعده ومخليها ايدها علا خدها صافنه طلعت من الغرفه وهيه طلعت وراي كالت
- خطيه
- كاسرين خاطري بس هذا احسن حل ترا
- طبعاً لعد تضل وي بشر متزوج وعدا ولد
- حقير الله لا يوفقه
دخلت للغرفه يبجي بجي مو طبيعي شلته اهز بي رضعته سكت شويه بس وراها رجع يبجي غسلتله وغيرت ملابسه ماكو علا فرد بجيه نط وصار احمر دخلت جود عاكده حواجبها كالت
- شبي
- مادريي مادري موتني
طبطبت علا ضهره شويه سكت طلع متضايق نومته ونزلت جوا عزلت البيت محد بي بس احنا البنات بدا العام الدراسي وحسن وعباس داومو بس جود وود ماراحن
مشه اليوم يركض ركض ود ماگعدت كلما اكعدها ترجع تنام وجود كاضتلي وجد وكلشويه تشكي من معدتها ولعبان النفس اخير شي نزلت وجد وركضت للحمام
دخلت الها تتقيئ وتبجي عاصره بطنها دگيت علا ضهرها الم بشعرها گلبي تعلعل عليهن :- شجاج
- راح اموتت
انتبهت الجسمها يرجف رجيف مو طبيعي ولون بشرتها صفره كركم :- اسم الله شو تعاي صاير عدج هبوط ماماكله موو؟
- ماكدر اكل من لعبان النفس
دخلتها للمطبخ وسويت الها علا السريع صدور دجاج وعصير بلگوه قبل تاكلهن وكلشويه تبعد الصينينه وتريد تكوم واجبرها تكمل
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
