" احــفاد أل هـزاع "
:- نرجس محمد ||🇮🇶
لا تنسون التصويت وتعليقاتكم الحلوه بين الفقرات مشاهده ممتعه 🦋💛
تعبت وروحي جزعت من العتاب
كلما اريد اسولف تغرک العين
انا بيه سوالف تشتهي الموت
ويكلي الموت لا مو هسه بعدين
يسئلوني واكلهم عايش بخير
وانـه جذاب جبت العمر مو زين
…
جـود
تأفأفت بألم وتحركت شويه ونشغت بكل صوتي من الوجع الحسيت بي رأساً بجيت خنسه الوجع البطني لا يطاق احس جسمي كله كش من يمه فتحت عيوني اجر بخشمي اريد تتوضح الرؤيا عدي
محد يمي بس جمانه بلكاروك بصفي والغرفه ضلمه حاولت ارفع روحي اختنگت من البجي وكمت ماتنفس نفتح الباب ودخل الضوه للغرفه شغل الگلوب وباوعلي مصدوم
تقدم ملهوف وخايف عدلني من جتوفي واني لامه شفايفي وگاطعه نفسي متشنجه من الوجع عدل گعدتي وگال
- شيوجع؟
تنفست بتعب وحجيت بعدما استقرت حالتي :- كلشي يوجعني حتا گلبي
عگد حواجبه مقهور علا حالتي ضم كذلتي ورا أذني وتقرب طبع بوسه خفيفه علا كصتي بس رجع بسرعه مثل التذكر شي مسح وجه وگال
- أسف نسيت
- حسن
غمض عيونه وتنهد فتحهن وگال :- ها
- لا تزعل من يمي كافي تعذبني بهل طريقه
- كلشي مامسويلج لا مأذيج بكلمه ولا ضاربج ولا معاتبج اصلاً
- مامسوي هذن بس تجاهلك وبرودك وياي يتعبني
- انتي مو ماتحبيني ولا تحبين قربي الج ابتعد احسن الي والج عليمن مضوجه روحج
تجيت راسي گلبي يوجعني علي وعلا نفسي :- حسن أسفه بس انطيني مجال
- كافي جودا لا تضوجين روحج من وراي انتي تعبانه وتزيدين علا روحج
- تدري من اشوف حنيتك وياي اكره نفسي
- مايحتاج مامسوي شي
گالها وگام طلع عافني الوب وجمرت تجمر علي ندگ الباب صحت :- هاا
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
