احفاد أل هزاع

part 8 (2ج)

" احفاد ال هزاع "

:- نرجس محمد || 🇮🇶

مشاهده ممتعه 🩷🌟

_______________

ود

طبگت السياره مقابيل البيت گلبي مجرد من أي مشاعر كل شخص بهذا البيت يمكن بس الجهال متلهفه اشوفهم ومشتاقتلهم نزلت من السياره راسي يوجعني واطوطح عندي لعبان نفس ياكل بروحي

- جري نفس وكلشي لا تحجين اذا ماتردين تحجين اسكتي اصعدي لغرفتنه وسدي الباب واكعدي انه شويه واجيج

- تمام

حضن جف ايدي وفتح الباب صارت گدامي جود تغسل بلحوش وجودا تفتر يمها صارت عينها على الباب وسعت عيونها وبقت واكفه بمكانها

عفتها تحجي وتمشي وراي وصعدت فوگ سديت الباب واختفى صوتهن بس طلعت من الغرفه اخذتلي ملابس ورجعت سبحت وطولت واني اغسل بجسمي وبشعري ندگ الباب صحت

- هااا

محد رد ورجع اندگ الباب عگدت حواجبي وطفيت الدوش خاف من ورا ماسمع وهم رجعت صحت وماكو رد توقعته اسماعيل وتراهل وياي كملت سبح ماهتمه الدگات الباب المستمره لفيت شعري وبدلت وطلعت محد بلغرفه كملت وتمددت على الجربايه

احساس غريب بعد مدا كلش طويله رجع مكان نومي هنا بعدما جنت من امر من الغرفه هاي اختنگ هسه اني نايمه بيها عقلي كل شويه يحجي شكل تعبني حيل تعبني

ماگدرت انام ولا يهدالي بال فتحت الكنتور اتفحص بي ورجعت على الميز اغراضي هنا هنا مجموعه عطوراتي واقلام الحمر وعلبة المشاطه واغراض منها مكياج ومرطبات وماسكات كلهن متروسات تراب مامتنضفات يمكن من انفصلنه الحد الان

فتحتهن ريحتهن مو طيبه بس العطور بعدهن طبيعيات خليتهن بمكانهن ومسحتهن بلكنس ورجعتهن والباقي جبت صندوگ من الترك وجمعتهن بي كلهن خربانات وخلصانه صلاحيتهن

نفتح الباب ودخل اسماعيل ابتسم من شافني ارتب بلغرفه سد الباب وتقرب شمر غراضه ع الميز

- شلونج حب

- زينه

- اخواتج مقهورات عليج ليش ماتحجين وياهن