احفاد أل هزاع

part 21 والأخير

" احـفـاد أل هــزاع "

:- نرجس محمد ||🇮🇶

بيا محطه تريدني انزل واني عايفني القطار
لاتعاتب طير هاجر بيتهم وبعيد طار
اليدوس النار يدري مو ثلج جواه نار
احنه مثل الينتضر يمته يموت
وتدري صعبه الانتضار

_________

وعــد

الأنسان دائماً يكون عنده صبر شبه مستحيل اكو بشر ماعدا صبر الله زرع هيج شي بداخلنه وخلانه نتحمل بس مثل بطاريه التلفون الها مده وتنتهي وتخلص ويصبح الأنسان كميه من التشائم وماعدا ذرة أمل يرجع الوضع طبيعي حتا ايمانه بربه يقوى يوصل المرحله الجزع وحسب الأشياء المريت بيها اكتشفت أني عدي صبر بس قليل وماكفه كل هل مشاكل

ولازم ورا مايخلص صبره وينفذ يحتاجله تعويض يخلي يقوه ويصير عدا صبر وايمان بس اني وصلت المرحله عاليه كمت حتا من يحجون بهذا الموضوع اضحك بأستهزاء وبگلبي اكول مستحيل يطلع

شهرين مرن وهوا ماكو مو گالو فتره قليله وينه؟ وين راح عنا ليش شهرين مسجون ضلم؟ عجيب يوصل الأنسان المرحله يموت كل احساس بداخله ويتحول شيطان مايحس بأي شعور ولا يهتم لأي بشر سوا مصالحه

السوته هاي المره وضحلي الأنسان يگدر يصير شيطان بدايتها يتمرض الضمير من بعدها يموت وتنشلع شرايينه من الأساس تخلي البشر مايهمه يشوف الشخص المقابيله كاعد يتعذب لمدة شهرين كدامه ومايهتم ولا تهتز شعره منا؟

زين كميل شموسلها؟ شلون گدرت تأذي بشر بس مر من بيتها ونخته وساعدها البشر الطبيعي يأثر بي موقف واحد حتا لو كان بسيط هيه لو ضميرها عايش جان من ساعدها بدون مايخاف ولا تهتز شعره منا جان وكف بعينها هل موقف البسيط بس صعب يأثر ببشر منتهي ورايح

والأصعب من هذا من عرفنه الولد الميت بلبيت هوا ابنها فوك ماكاتله ابنها تتهم شخص لا يمها ولا گرباها عدا ابن واخوان وزوجه ينتضرونه ويردونه ومامستعدين يخسرو لو مهما صار

حسب الأعرفه كل هل مدا هوا گاعد يتعذب ويتحقق ويا منااا الحد يوم المحاكمه واذا مانجحو حسن والمحامي يروح بيها كميل ضلم ينتهي عمره وينهدر بدون أي ذنب

مرات اصفن واگول بيني وبين نفسي منو يگول بدون ذنب؟ منو يگول هوا ماكاتله صدگ افكار تجيني تخليني اكره روحي طول هل شهرين كلما اخلي راسي علا المخده تجيني هيج افكار