احفاد أل هزاع

Part 3 (ج2)

" احـفاد أل هـزاع "

:- نرجس محمد ||🇮🇶

مشاهده ممتعه لطفاً لا تنسون التصويت وتعليقاتكم الحلوه ❤️

سـألوني ياهو الأعز؟
روحك بوسط الحرب
لو ماي وكت العطش
گلتلهم عـيونك

________

ود

جسمي نحل وگلبي احسه يريد يطلع من مكانه رجليه تتطاگگ سويه من الخوف نزلن دموعي بجزع بتعب بملل بقله حيله مامكتوبلي الضحكه ولا الراحه والعيشه مثل الأوادم لازم تطلعلي عله

انتبهت علا حالي وعد فتحت عيونها بصدمه واجتني تركض كضتني من جتوفي وگالت :- يمه شبيج ود وللج شبيج

- كتله اسماعيل كتل حيدر ولج تصخمتت وعددد ماتتت الولددد من وراييي

صارت الأنضار كلها عليه والتسألات كثرن شبيها وليش تصيح وليش تبجي لحضات بس لحضات وگب الصياح برا وصوت حسن يصيح

- لككك راميي علا العاللم ومصوبب الولدد كميلل

نسحنت روحي وكعدت بلگاع حيلي مهدود ياربي ياربي باوع لحالي تعبت وحق الله تعبت حضنتني جود ووعد طلعت تركض تريد تفتهم شصاير كل الأفكار تجمعت براسي وكل الأشياء السلبيه كمت اتخيلها

_____

جـود

- اشش كافي ود

- تعبت اختنگت وخري وخري

دفعت ايدي وكامت تسحل بلفستان سحل البيت نهرج بين دقايق والنسوان يحجن ويطلعن سوالف من يمهن دخت وعقلي نشل لا بيه اعوف ود ولا بيه ماتصل علا الولد وافتهم وهمه الله يعلم بيا حال هسه كل النعرفه اسماعيل رامي علا بيت حيدر

دخلت للغرفه نزعت فستانها ولبست ثوب فلت شعرها ولمته بقراصه الكحله سالت تمسح بدموعها ويتلطخ وجها بلمكياج ساعه تبجي ساعه تعاتب حضها ساعه تدعي علا اسماعيل راحت روحي عليها

خفت اعوفها ويصير بيها شي بس من شفتها هدئت نزلت وي نزلتي صاحت مرا :- شكوو غيرر نفهمم

وعد :- حجيه احنا نعرف حتا نگلج

سوتلها زعله اخذت بناتها وراحت والنسوان وحده وحده گامن يرحن فرغ البيت عذراء تبجي وتخابر تريد تطمن علا عمامها بس محد يرد

وعد :- مخبلل اسماعيل والله مخبلل موو صااحيي

عذراء :- الله لا يوفقه حرم عموو من فرحته ليش ليش غير طلگهاا شيريد منهم بعدد

وعد :- عقليي راح يوگف غيرر يطمنونه موو گلووبنه راحت

فزت عذراء من دگ تلفونها فتحت خط وگالت :- ها ماما .. شكو شصاير ..

سكتت تستمع فجاه بجت وصاحت :- وينن ضاربهمم  وينن .. سودا عليه مايخاف الله اسماعيل والله مايخاف الله يمه حوالي يرووح يضربه طلقه .. الله وياج فدوه طمنيني من تسمعين خبر علي