" احـفاد أل هزاع "
:- نرجس محمد ||🇮🇶
انام الصبح خاف يفكر الليل
نمت بكيفي مو لمن اجاني
مشاهده ممتعه ❤️
﷼
__________
ود
صباح جديد ويوم جديد لاُبد يكون حامل ويا اشياء جديده اكثر شي يتعب ويحير المستقبل محد يعرف شضامله الوكت وشراح يصير هاي الفكره جدا تتعبني من افكر شجاي ؟ شنو مضموملي؟
اخاف مو بس اتعب اكثر بشر يخاف من المستقبل اني احس نفسي جبانه هشه من الداخل مامستعدا اواجه اي شي گدام اخواتي اسوي روحي قويه بس حتا ماشغل بالهن بس والله اني من جوا اي شي يكسرني
محد شاهد علا تعبي غير غرفتي ومخدتي الأبجي عليها الحدما امل وعيوني تنفخ بس الصبح اغطيهن بلمكياج حتا محد يحس
نفضت الغطا مني وگمت لميت شعري ولميت فراشي احس جسمي متكسر راجعه متأخر وماشبعت نوم الساعه بثمانيه لازم اني فاتحه العياده
لبست حجابي وطلعت حسن يتريك هوه وجود بلصاله الفوگ وفاتحين باب السطح حتا تدخل الشمس للبيت الجو حلو ربيع لا حار ولا بارد والشمس قويه واكو هوى قليل
ود :- صباح الخير
رفعو راسهم وردو عليه گالتلي جود اجي اتريك بس نفسي مسدوده اول ماكعد لازم يمر وكت شويه يله اشتهي الاكل واكدر اكل
غسلت وجهي وركض ركض بدلت ثوبي ببنطرون عريض ابيض وقميص يوصل لنهايه الفخذ وردي غامق لبست شال أبيض وحذاء اسود رياضيه اريح الي من الكعب اخذت جنطتي حطيت بيها غراضي وطلعت من البيت
سحبت نفس بكل حيلي من شميت ريحه الرصيف المنكع جيرانه مرا جبيره لابسه عبايه وتغسل بمقدمه بيتهم والمي ينزل علا صبه الرصيف تطلع ريحه تموت
الجهال كلها بلشارع وهوسه بهيج جو كلها تكعد من الصبح عكس من يصير الجو حار بليل تطفه الكهرباء ومحد يگدر ينام فـ يعوضونها الصبح اما اني بلصيف انحرم من النوم لا اگدر بليل ولا بلنهار يادوب ساعه ساعتين
وعد من كامت تشوفني هيج تنگع عبايتها بمي بارد وتغطيني وصدك علا البروده انام ومايهلس بيه البگ
وصلت للعياده فتحتها ودخلت وخلص نص يومي بلشغل بتلاثه قفلتها وطلعت فوگ الساعتين محد اجه فـ قررت ارجع ورقمي علا اللافته يتصلون عليه واجي للعياده
بلرجعه واني بطريقي للبيت صادفني عباس طالع من البيت بسيارته وعذراء يمه فتح الجامه وگال
أنت تقرأ
احفاد أل هزاع
Randomقصه من اطياف مختلفه هناك احداث كبيره وصغيره تحدث بأحد البيوت احفاد أل هزاع بقلمي :- نرجس محمد
